عنوان الموضوع : اختي بتضيع منا بسبب الغيرة الطبيب يجيب
مقدم من طرف منتديات نساء الجزائر

اختي بتضيع منا بسبب الغيرة



السلام عليكم ورحمة الله وبركاته
اخواتي انا مشكلتي او بالاحرى مشكلتنا " اختي " ، احنا 5 بنات ، اختي الي قبل الاخيرة لها مكانة جدا عالية عند ابوي واعمامي وكل العيلة ، الكل ياخذون برايها ويحترمونها يا عالم عمرها بس 21 سنة !! حتى جدي ما يحلف الا باسمها ، حتى امي احيانا تفرق بينا ، حتى بحفل تخرجي ما جت بس حتى تقعد معها لانه عندها " صداع " وحتى بعد ما خف الصداع ما جت ، كله يفرق بينا ابوي ، هو مدلعنا وامي كانها صديقة لنا بس معاملتهم معها غير ، صارت كثير مشاكل بسسب هالشي ، حتى اختي الثانية صارت تحش فيها وتشوه سمعتها هي وبنات عمي الاثنين ، وانا بعد احس بالغيرة احيانا بس تبقى اختي بعد كل شي ، حتى بالجمال يقارنون بينا ، فكل شي ، احس بقهر منهامدري ليش مع انه لما اجي اراجع نفسي وبالرغم اني ما احكي معها دايم الا انها اكثر وحدة تفهمني وتحل مشاكلي ، احس بضيقة منها وبنفس الوقت احبها وما اتخيل انها تنضر ، آخر شي تغيرت كثير ، شخصيتها ضعفت كثير ونقص وزنها وصارت حالتها حالة ، تفقد وعيها ويصير كانه معها صرع يعني جسمها كله ينشد وفمها يطبق على بعض وتعض لسانها ويخرج منه دم كثير وكل الدكاترة قالو انها بخير مافيها شي ، يمكن لاسباب نفسية بس انا متوقعة انها اكثر من حالة نفسية لانه هي شخصيتها قوية ونقدر نقول باردة احيانا ما يهمها شي ، كاسرة خاطري والصراحة انا وبقية بنات العيلة شاكين انه ممكن بنات عمي الاثنين واختي لهم يد بالي صاير لها
تكفون ساعدوني احس انها بتضيع مننا وبنفس الوقت ابغى حل لمشكلة الغيرة مع بقية اخواتي منها مليت والله

>>>>> ردود الأعضـــــــــــــــــــاء على الموضوع <<<<<
==================================


طيب اختك مريضه عشان كذا يهتموا فيها اكثر منكم والله حرام تكسر الخاطر اختك صح مفروض مايفرقوا بينكم بس تضل اختك والله دائما اتهاوش مع اختي الي اكبر مني واحس احيانا اهلي يتهموا فيها ويحرصوا عليه بس
والله انها اختي ولحمي ودمي وانصحي اختك ماتحش فيها وتنم


__________________________________________________ __________

حبيبتي اختك عندها عين او سحر والله اعلم لازم تخدوها عند راقي يعمل لها الرقية الشرعية ضروري هو اللي راح يقول شو عندها دام الدكاتره قالو مافيها اي شي والله يشفيها


__________________________________________________ __________

المشاركة الأصلية كتبت بواسطة شفاء ورحمة
حبيبتي اختك عندها عين او سحر والله اعلم لازم تخدوها عند راقي يعمل لها الرقية الشرعية ضروري هو اللي راح يقول شو عندها دام الدكاتره قالو مافيها اي شي والله يشفيها

انا مع اختي شفاء ورحمه

الرقيه حلوه


__________________________________________________ __________

يمكن اخوااتك الاخري عملين لها شئ
أستغفر الله وش هل غيرة
البنت صابتها مرض بسبب غيرتكم


__________________________________________________ __________

مبين عليها اختج فيها عين وحسد والله اعلم ,,
لازم تعرضونها علي شيخ , وماء زمزم مشروب عليه
بعدين ليش كذا تحسدونها وش ذنبها ؟!
حرام عليكم بتذبحونها عشانها جميله واهلها مهتمين فيها ؟!
يعني اهي الحين الي قالت لهم اهتموا فيني ؟ حرام عليكم البنيه بتموت بسبته حسدكم وغيرتكم عليها وحسبي علي اختها الثانيه اذا صج بتشوه سمتعتها وتتحجي من وراءها !!!
الله يكون في عونها من صج تعور القلب والله !