عنوان الموضوع : زوجي تزوج الخدامة
مقدم من طرف منتديات نساء الجزائر

زوجي تزوج الخدامة



حسبي الله ونعم الوكيل

انا من السعوديه وتزوجت من سنتين عن خطبة وزوج باول سنه كان يحبني و صابر على الاولاد لانه كان يبي من الخطوبة عيال بس قدر الله وما شاء فعل
وكنا احسن زوجين ونطلع مطاعم ونروح المولات
و بعائلتنا قليل اللي يطلعوا مع ازواجهم مطاعم و يتسوقون مع بعض ونروح الالعاب

لكن السنه الثانيه من زواجي حملت و هو استانس كثثثثثثثير ومن فرحته جاب لي خدامه تسوي شغل البيت عني بس غرفتي النوم قليل ماتدخلها

لما وصلت بالشهر السادس حسيت معاملته معاي قلت

وانا عصبييييه وداما افرغ عصبيتي في الخدامه يعني احملها شغل اكثر لاني ماقدر اقوم وهي عودت بس شغل قليل وانا اسوي الباقي

المهم انه صار يعصب لما اصارخ عليها وانا قلت يمكن لانها بشر مثلنا مايبي يجرحها لانه عارف اني اعصب

صدقوني صرت اشوف فرحته لما ارقد بالمستشفى وهنا شكيت

رجعت البيت لقيييت زوجي مع خدامتي على سريري

فراششييييي

انهررررت في اللحظه هذي وجات في بالي شلون بواجهه الناس و اهله واهلي
شلون بيصدقون انه اللي كان يموت فيني يجامع الخدامه


اعترف لي انه متزوجها قبلي وهنا الصدمه الثانيه

قالي انه لما كان يدس في غوا تعرف عليها

طيبب ليش تزوجتني لما انته تبيها

قالي اهلي ما راح يوافقون عليها وبعدين انا احبك صدق بس هي بعد زوجتي ولازم اعطيها حقوقها


الحين انا بالشهر التاسع وصار لي شهرين ببيت اهلي معززة مكرمه بعد ما الكل عرف السالفه
قالي انه بيطلقها اذا رجعت
بس اشترطت عليه يطلقها قبل و للحين ماعطاني خبر ولا رد علي

ابوي قاله ان ولد عمي مستعد يتزوجني بعد طلاقه مني وهو جن جنونة بس ما يبي يطلقها

خلاص عفته بس اللي بينا الولد اللي ببطني

مو عارفه ويش اسوي ما ابي ارجع له وهي على ذمته
ولا تقولون الشرع حلل اربع

هو غششني وماقالي انه متزوج قبلي

>>>>> ردود الأعضـــــــــــــــــــاء على الموضوع <<<<<
==================================


لاترجعين حتي يطلقها دام غشك
اعوذ بالله من هالرجال لا احسسسساس ولا شي


__________________________________________________ __________

إلى تقول الشرع محلل أربع انا ضدها
صحيح الشرع محلل اربعه بس موب طريقه حيواني هاذي
أستغفر الله بس
لا ترجعي له الي أن يطلق لأنه زوجك مبين عليه ماكر يبي منج ترجعي حتي يثبت للكل انك رجعتي برجولك خليه يترجاكي الف مرة يا حيف عليه من رجال متزوج خدامةخدامة وزوجتك حامل
لو كان زوجي كان تطلق منه من زمان واحد أستغفر الله بس احنا في رمضان
زوجك عصبني بصراحه
الله ينتقم منه ولا تبين تسمعين كلامي لا ترجعي له خليه خدامة تنفعه


__________________________________________________ __________

الصراحه مع حققق شيييي يقهههر
واحسنن القرار الي سويتيه تمام

وخليه يححس واذا جد شاريك ويبيك بيطلق الخداممه
وان مارضى تزوجي ولد عمكك احسنلك


__________________________________________________ __________

أنا أدرك إن ما فعله بك مؤلم ولكن هذا هو الرجل
إن وجد اهتمام من الأنثى يحبها وإن كانت الخادمة
بالحذر الحذري من إدخال الخادمات لبيوتكن
والله يصلح فيما بينكم

ولكن تعجبت من تخبيب أبوك لك على زوجك بأن ابن عمك يريد الزواج منك
للأسف هذا الفعل منافي للتعاليم والقيم الإسلامية
وذنب عظيم يساعد على الفساد في الأرض وهو بالمناسبة من أفعال السحرة والشياطين
وقال رسول الله صلى الله عليه وسلم ليس منا من خبب امرأة على زوجها
وأبوك للأسف يخببك على زوجك ويزين ابن عمك في نظرك وحتى لو تطلقتي وتريدون الزواج من ابن عمك فقد أفتى بعض العلماء أن الزواج من ابن عمك محرم ولا يجوز
كان الأجدر على أبوك التزام الصمت أو اتخاذ شئ أحله الله لك
كأن يترك لك الحرية أو يصلح بينكم
وفي حال تطلقتي يبين رغبة ابن عمك في زواجك
ولكن مسألة التخبيب عظيمة خصوصا تصدر من أب طاعن في السن
فقد يصبح زواجك من ابن عمك ابتلاء لكم لتعدي حدود شرع الله الواضحة القويمة

زوجك صحيح فعل شيء يؤلم بنات حواء جميعهم
ولكن بعقلانية دون عاطفة لم يفعل شئ محرم
وقد يكون زوجك مال قلبه للخادمة وعف نفسه بالجلال بدلا عن الحرام

والله يصلح فيما بينكم

أما ننصحك بالطلاق فهذا إثم عظيم قد نحمل أوزاره في الدنيا قبل الآخرة

لعل الحياة تعود إلى مجاريها


__________________________________________________ __________

انا اقول ارجعي لبيتك ولاتخلي الخادمة تأخذ زوجك وبيتك وتتهنى انتي ولدك اولى
خلي يذلفها أي مكان وخلي البيت لك ولو يسجله بااسمك جنييه واطلبي كل تبينه و
خلي ولدك يتربى مع امه وابوه ويعيش بعز ابوه حتى لو مو غني واجلسي علة على
قلبه وعلى قلب الخادمة