ربي سبحانه رحمني بزوجي .. وبيروح مني ! مجابة
عنوان الموضوع : ربي سبحانه رحمني بزوجي .. وبيروح مني ! مجابة
مقدم من طرف منتديات نساء الجزائر
ربي سبحانه رحمني بزوجي .. وبيروح مني !
السلام
حبيباتي بعد الله مالي غيركم
اكتب وانا مقهورة وابكي بحرقة مو قادرة حتى اركز !
عمري 23 سنة وزوجي 33
انا يتيمة ومالي احد ابد , متزوجة لي سنة وشهرين
زوجي قبل كان متزوج من قريبة له , بس ماحبها ولا اتفقوا وتركها ..
بس البنت واهلها حاطين عينهم عليه ويبغوه
خطبني بعد ماتركها ب 3 شهور وصار الموضوع على خير ..
علماً ان زوجي هو اللي اختارني , وماقصر علي في شي عيشني احسن عيشة ..
وعاملني افضل معاملة , مادري اذا كان متعاطف معي عشان وضعي لكنه غمرني بحنانه
وحتى لما يحصل بيننا سوء فهم يجي على طول ويتفاهم معي مايتركني شايلة بقلبي ابداً
ودايماً يقول لي انه بيحميني ومابيسمح لشي يضايقيني
وعلى طول يبغاني مبتسمة وفرحانة .. وربي من عرفته ما احتجت لشي عوضني عن كل اللي فاقدته
ماتتصوروا شلون ربي عوضني فيه !
الف الحمدلله
وانا تعلقت فييييييه بشكل فضيع , خلاص مالي غيره بالدنيا
هو كل حياتي وما اتحمل بعده عني .. امووووووت لو يصير هالشي
قبل فترة اخذت جواله وشفت محادثة بالواتس اب !!
ظليت ارجف .. حسيت بيوقف قلبي !!
المحادثة مع بنت خاله , هي تتحرش فيه وتبغاه يرجع لهاا
وهو يقول لها اتركيني بحالي خلاص مافي شي بيني وبينك
وانا احب زوجتي وعندي اياها بالدنيا كلها
لاتحاولي تخربي بيننا , ولاتخليني اضطر واخرب سمعتك !
وكلام كثيييييييييييييييييييييير كثير !
طبعاً انا لما شفت المحادثة سودت الدنيا بوجهي ماقدرت اتحمل
صرت اسمع دقات قلبي .. واشوف الدنيا مقلوبة بعيني
قعدت اصرخ واقول لزوجي مييييييييييييييييييييييييين هذي !
وظليت اصرخ بقوة ادري بالغت بردة فعلي بس مووووو بيدي !
كسرت الشقة وظليت اضرب في زوجي واقول له انت خاين وحقير انقلع من حياتي روح لها
ما ابيك .. بنات لاتلوموني ع اللي سويته
لاني حسيته بيروح مني .. شفته بصورة الخاين مع انه ماغلط معها بالكلام
وقفل كل الطرق بوجهها , بس هممم ماقدرت استوعب اللي شفته !
وظل زوجي يهديني وفهمني السالفة وقال لي انه ماخبرني عشان مايبيني اتضايق
وانه يحبني انااا .. وهي ماتسوى طرف ظفري ولو شيصير مستحيل يتخلى عني ويتركني
لحد ماهديييييت عدل وتكلمنا بالموضوع وكنت لأول مرة اعرف انها تحوم حوله !
المهم عدت هالسالفة
بس انا قلبي على طول مرعوب .. وعايشة بقلق
ودايماً خايفة زوجي يروح مني .. خصوصاً احنا تصير بيننا مشاكل كثير كثييير
لكنه يحبني ومايخلي هالمشاكل والخلافات تأثر علينا , بس وربي حاسة وضعنا مو طبيعي
ومشاكلنا هم مو طبيعيىة !
صحيح واثقة من محبة زوجي بس خايفة !
الدنيا مابها امان
بقول لكم المصيبة اللي صارت البارحة .. وربيييييييييييي وربي صاكة فيني الدنيا
وقلبي محروق , وطول الليل مانمت من البكااا حتى عيوني تورمت !
من الفضول الزايد قعدت ابحث عن اسمها ببرنامج كشف الارقام النمبر بوك
وطلع لي عدة ارقام , سجلتهم وقعدت اشوف صور الواتس اب
تخيلوا شنو شفت !!
ورب البييييييييييييييييت ماني مصدقة !!
الحقيرة حاطة صورة زوجي بليلة عقدهم
وكاتبة : انت في قلبي عشقاً لن يموت وحباً يمتد إلى سابع سماء !!
انصدمت ! حسيتني انشليت بمكاني
ماقدرت اقول لزوجي شي !! ولاقدرت اكلمهااا واهزئهااا !! ولا قدرت اتصرف اي تصرف !
خلاص انشل تفكيري مو قادرة اركز في شي ابداً
ارجوكم ساعدوني شلووووووووون اتصرف ؟؟؟؟؟؟
اكلمهاااا واتس اب ؟؟؟؟ اهددها ؟؟ أو شنو اسوي ؟؟!!!
اقول لزوجي او اسكت واكتم قهري قلبي ؟؟؟؟؟؟؟
خواتي مالي احد الجأ له بعد الله غيركم امي وابوي متوفين وانا صغيرة وماعندي اخوان ..
تربيت عند جدتي الله يحفظها ويطول بعمرها وماعندي غير خال واحد متزوج وعايش في الخارج وطبعاً عارفين ان صعب اقول لجدتي هالشي ..
وماعندي صديقات مقربات علاقتي معهم سطحية
ماتكلم بمواضيعي الخاصة لحد اببببببببببببداً .. مالي غيركم تساعدوني
دلوني على حل .. ارجوووووووووكم
ابغى اوقف هالحقيرة عند حدها بس شلوووون ؟؟؟؟؟
>>>>> ردود الأعضـــــــــــــــــــاء على الموضوع <<<<<
==================================
بما انك فاتحتي زوجك وصاارحتيه قوليله يغير رقمه والمشكله انه يرد عليها ومعطيها وجه وهذا اللي يخوووف والمفروض مايرد على رسائلها ويسوي لها بلوك ......قوليله اذا هي تراسلك ليه ترد عليها ؟!! غيرررر رقمك احسن .....
__________________________________________________ __________
حبيبتي ليش تفكرين بهالطريقه
هو لو يحبها كان ماقدر يطلقها
بس واضح ان مايبغاها
ولاتتكلمين عنها ابد
ولاتقولين له انها حاطه صورته وكاتبه الكلام عن
حاولي انج تتقربين من اكثر وتغمرينه بالحب وبالكلام الحلو
طلعي معاه
غيري جو
فاجئيه بعشا رومانسي عالشموع
حمام رومانسي عبي البانيو ماي ورغوه وحطي شموع ونثري ورد
والله يوفقج
__________________________________________________ __________
قولي لزوجك يسوي لها بلوك
او يغير رقمه
ولاتتكلمين عنها كثير جنبه لاتذكرينه فيها ابد
__________________________________________________ __________
الله يهداك بس طالما مافي شي يستدعي الشك و ما مسكتي شي
و بشهااادة نفسك ان هو مغلق الابواب بوجها ليش بعدك جالسه
تنبشين و تدورين ..وتقهرين نفسك اعتبريها مخلفات و لا ترمي
لها بال ابدا ..هي عايشه بوهم يا بنت الناس و ما هي طايلته
انتي اللي فايزه بهالرجال احويه و حبيه و عيشوا حياتكم و لا
تختلقي مشاكل ترا بينفر منك و لا تروحي تناشبي الحرمه و لا عندك خبر
خلك بحالك و خليها بوهمها و نامي و انتي مرتاحه اذا ناشبتيها ترا
هي بتعرف نقطة ضعفك و بتقهرك اكثر و ابوااب بتنفتح انتي في غنى عنها
__________________________________________________ __________
عشان تهدأ نفسك عليك بالوضوء الدائم لسانك ابد ما يسكت عن الاستغفار والدعاء
كمان قولي اللهم استودعتك زوجي وقلبه وبصره وفرجه يوميا صبح ومساء والله الذي لا تضيع الودائع معه
لاتفتحين عيون زوجك على شي هو اصلا ما يفكر فيه
ثالثا عليك بكثرة قراءة القراءن والدعاء فالثلث الاخير من اليل
كل هالادعيه مشان تهدأ نفسك
حسبي الله لا اله الا هو عليه توكلت وهو رب العرش العظيم 7 مرات صباحا وسبع مساء
لا تخلي الوسواس يهدم علاقتك الزوجيه اللحين بعد ما ترتاح نفسك بالدعاء الدائم والاستغفار الكثير اهتمي بشكلك وعلاقتك مع زوجك زيدي كمية الحبلاتخليه يكرهك بصراخك وعصبيتك ابدا
عامليه بكل حب وحنان واحتويه
نصحت كثير بنات هالنصايح وتعدلت كثير حياتهن بارك الله لك في حياتك وزواجك
رد مع اقتباس
