عنوان الموضوع : وعدني بشقة كامله وصارت غرفة ودورة مياه ؟؟؟؟؟ -تم الاجابة
مقدم من طرف منتديات نساء الجزائر

وعدني بشقة كامله وصارت غرفة ودورة مياه ؟؟؟؟؟



مساء الخير
وشلونكم
ضايق صدري ل أبعد درجه
خطيبي واعدني بشقة كامله بيسوي لي ببيت اهله انا طبعي مابي اعيش لحالي وﻻ احب اخاف بس كنت ابغى كل شيء لي مستقل لو ينقص مطبخ مابتعرض عادي لاني مو ذاك الزود بالطبخ
ولما رحت اشوفها واودي اغراضي تفاجأت انها غرفه بس وصغيرة تمشي حالها وحمام وانتو بكرامة اللي بالمحطات والاستراحات احسن منه بواجد ؟؟!
تاخرت بشوفتها ﻻني كنت اجهز واستحيت اطلب منه قالي هو على ماخلصها بوريك
ضاق صدري حسيت اني ما اسوى شيء يكفي انهم حرموني من اشياء كثير وتنازلت عن اشياء كثير بس عاد مو للدرجة ذيء وربي صكت فيني الدنيا زواجي بعد يومين واحس مابي اروح احس كرهته وكرهت بيتهم وانا عندهم جاملت وضحكت بس الدمعه بعيني
طيب ليه كذا انا مو ناقصني شيء عشان يحرموني من كل شيء
المشكله كان يحلف لي انه بيسوي شقة من الى طيب وينها والحين يكلمني مارديت ماني مشتهيه ارد ليه كذا يكذب علي هذا بدايتها ؟؟؟
احس وربي من خذيته وهو مسترخص فيني كل شيء حتى هدية ماقد قدم لي ليش طيب ليه حظي كذا انا قنوعه وارضى باي شيء والله بس ليه ماصارحني ليه يخليني انصدم
مع انه والله مو ناقصني شيء وتوي صغيره 19 سنة ليه ماقد فرحني بشيء
يمين بالله اني ببيت اهلي غرفتي اكبر من الغرفه اللي حطها لي مرتين
ودورة المياه اللي لي احسن من اللي حاطها لي با ألف مره
متضايقه لا أبعد درجة ماني حاسه ب فرحه ابد جد حبيته بس ماني حاسه انه مستعد يصرف علي او حتى ينفذ لي اقل طلب اطلبه منه
حتى العرس صرت اتخيله من الحين انه مخيس ويفشل ماودي اجيه واحضره
الله ماهو كاتب لي اشوف السعاده والرضا بحياتي
عمري ماتمنيت شيء وتحقق لي كامل والله عمري مافرحت من قلبي وانبسطت بشيء يقنعني جد


استغفرالله واتوب اليه

>>>>> ردود الأعضـــــــــــــــــــاء على الموضوع <<<<<
==================================


الله يعيينك تاخرتي في شوفتها باقي بس يومين
خلي ابوك يكلمهم


__________________________________________________ __________

عزيزتي دام العرس بعد يومين مانقدر نعطيك حلول

لكن ياقلبي ترا الوضع عااادي جدا شوفي ياقلبي عن تجربه اقسم بالله عن تجربه انا زوجي يوم خذيته كنت عايشه عند اهلي بغنى فااااحش ابوي اني جدا جدا وكان لي بطاقه بنك خاصه فيني وعااايشه بعز ونعمه.. زوجي كان من طبقه متوسطه وتوه متوشف وشركه خاصه وحالته حاله

كان طيب حبوب ولكن:
ماكان يقدم هدايا وتوقعت بخيل وزعلت نفسك بس الحمدلله اني ماوجهته مع العشره اقسم بالله العلي العظيم الواحد الاحد انه تغير واني انا صرت اذا قرب ذكرى زواجنا او ملكتنا احاتي انه يتكلف لان ميزانيته مو قويه يجيب اطقم ذهبي وجوال توه نازل وعطر توه نازل قيمته بحدود ال900 مع ان ريحته ماتسوى ولا يكتفي بشي واحد طلع كريييم جدا جدا ومايحسب للرياد.. اغلب الشباب مايعرفون هلامور ولا يدرون ايش موقعها بخاطرنا لكن انتي مع الوقت اتعودينه مثلا اول ذكرى لزواجكم اتسوين حفله واتجيبين له هديه وخليك مبسوطه واذا ماجاب خليك حزينه ومتضايقه مو ضايقه فيه فرق يعني لا تعصبين عليه لااااا ماينفع خليك حزينه ونامي بدري واليوم الثاني عادي علاقتك معه بس تخيلي انه ميت لك احد لاقدر الله يعني زوجك اتحبينه بس حزينه،، بيدلعك ويهتم بهذا اليوم وع فكره يبيلك وقت لا تتسرعين،،

كان مهمل طلباتي وينساها وكنت نفسك اعتقد انه مايبي يجيب بس اكتشفت ان ذاكرته ضعيفه ومو متعود عند اهله يجيب طلبات احد مع العشره تغير 180درجه

العرس والشقه وتراتيب العرس مو منه من اهله بتفاجئين باشياء عااادي طوفي لانه مو من زوجك من اهله الشباب ولايدرون عن هالافاصيل خاصه لاصارت الام بخيله


اهم شي لاتخربين احلى ليله بحياتك طوفيييي مصيره يتغير وتسكنين بيت ابروحك وتذكري كلامي.. لا تنكدين ع عمرك استمتعي هلايام ماتنتعوض

وبعدين كل شي يجي بالدعاء ادعي الله باللي تبين فالدعاء يتحقق المستحيل


__________________________________________________ __________

الله يفرج ضيقتك ياقلبي
ويسعدك بحياتك والف الف مبروك الزوااااااج
طيب انتي ليش ماقلتي له انت وعدتني بشقه شوف ايش وجهته نظره وليش سوى كذا قبل الزواج ممكن تقنعيه او يقنعك عشان تكوني بيوم زواجك فرحانه مو مضايقه ومتنكده


__________________________________________________ __________

ربي يوفقك حبيبتي .. بلكي كان خجلان يحكيلك بس فعلا والله ما بنفع الي بينبني ع كزب بضلو كزب طول العمر بس ما فيكي تعملي شي غير انو تدعي لانه ما بقلي وقت .. ادعي ربنا يرزقه ويهديه ويجبني لسانه الكذب اهم شي .. ربي يسعدك .. حتى لو بغرفة المهم يكون بيحبك و بيخاف عليكي ويسعدك وتضلك مبسوطة دايما .. والكل بيبلش من الصفر و بكرة ربنا بيرزقكم وبيوسعها عليكم


__________________________________________________ __________

الله يعينك بس كان وقتها كلمتيه حسستيه انك جاده و اهلك ماشرطو عليه

الله يعينك ادا طيب مشي واستشيري اهلك و استخيري الله وكان الله في عونك

الله يوفقك يارب