عنوان الموضوع : مدري انا حاسده ولا محسوده مجابة
مقدم من طرف منتديات نساء الجزائر

مدري انا حاسده ولا محسوده



السلام عليكم اشكركم على ردودكم مقدما
ببداية زواجي كنت مرتاحه مع زوجي كان طيب وحنون وكريم وعيون الناس علي وعلى حركاتي كنت اسافر واشتري الي ابيه وكان يساعدني في بيتي كنت اقول اني اميره معاه
وكنت اسمع ان الناس تتكلم علينا وعلى علاقتنا ولما حملت وسقطت بالسادس خرج ميت محد جبر بخاطري ماكنت حزينه كنت مؤمنه وزوجي كان يواسيني والكل يقول مسكينه كيف بتعيشي وكيف مشاعر زوجك المهم زوجي فاجأني وسفرني عشان انسى التعب والهموم ورجعنا بيتنا مبسوطه وحملت بسرعه بس بالاشهر الاخيره من الحمل بديت اكره زوجي واضيق من شكله وحركاته وصوته وهو صار يعصب علي وصار اذا شافني تعبانه يقول كل الحريم حملو وولدو وماصار فيهم شي وبعد الولاده سويت عمليات وكنت اتعب وانزف ومريت بضروف ممله كئيبه
المهم تغيرت نظرتي في زوجي وفي الحياه الزوجيه صرت حذره واخبي تعبي والمي وضيقي عشان تعليقات زوجي صارت تحسسني بالنقص
جبت الطفل الاول والثاني وسقطت اخر مره ومازلت اسمع تعليقات تغث عن حملي وصرت على طول مضايقه وحزينه وكل مالي اقول الحياه صعبه صرت اعصب على زوجي اجبره على مساعدتي بعيالي او في بيتي وصار يقول وين النعومه وين النشاط الي كنت اشوفها بداية الزواج واقله كل شي كان حلو بحياتي انت هدمته ضحكتي صحتي ثقتي فيك نشاطي ويقول اني معقده ومسوسه دايم يكرر ذي الكلمه ويقهرني فيها لين صرت اشك بنفسي
الحين الاحظ لما اقرا قرآن اتثاوب وامل من القرايه ولما احاول انام يجيني ارق ماصرت استمتع اذا طلعت مع زوجي ولا احب اسمع صوته وهو يسولف احس بالضيقه ولما نكون بالسياره نطلع نتمشى طول الطريق وانا وياه صوتنا عالي
انا ماحس اني مبسوطه رغم كل شي عندي كرهت كل شي الا عيالي دايما ابكي بدون سبب وانا معهوده بالوناسه والضحك والنكته وللاسف مصدومه من نفسي وتغير شكلي وتغيرت ابتسامتي الى التكشير المستمر
الصدمه من نفسي
اكتشفت اني احسد مرت اخو زوجي الكبير صرت اكرهها اشوفها احسن مني واجمل مني ومنظمه حياتها و ماشيه حياتها تمام والي زاد حسدي انها ماتفضفض لي كتومه وتخبي عني كل شي وصار زوجي يقول سوي مثلها ويجيب طاريها بالمدح بعد ماكان يحذرني منها
ماقدر افتح لها قلبي او اكسبها صديقه خلت بيني وبينها حدود وتعطيني تعليقات سخيفه تشبه تعليقات زوجي النكديه عشان كذا كرهتها
تسحب مني الكلام وتنشره وتسوي الشي الي ابي اسويه وتشتري الي كنت ابي اشتريه وتضحك تقول شوفي سويته قبلك احسدها عشان زوجها يعطيها المبلغ الي تبيه بدون مايتضايق مو زي زوجي يتحسر وينكد عيشتي وبعدين يعطيني مع انها كانت تقول بداية زواجي ان زوجي احسن من زوجها واني محظوظه فيه كلامها يشبه الحسد حتى في الناس حش في حش مافي عيب الا وعلمتني فيه عن الناس الا بنفسها ماعرف عنها شي صرت اخاف منها ولا ابيها تعرف اني مخنوقه ولا اقدر اعلمها عن افكاري وعن الي بسويه حتى خرجاتي مع زوجي تعرف متى دخلت ومتى خرجت وتسأل وين رحتو وتروح للمكان الي اروح له ثاني يوم حتى لو ماكان حلو بس تقليد هي تتأخر بالحمل ولا تحمل الا بعلاج بس ماعندها اولاد بس بنات
ماعندي صداقات ولا اقدر افضفض لاحد لا في نفسي راضيه وكله خملانه ومعصبه ولا مستمتعه بشي بس للامانه رغم الخمول بيتي وعيالي يلقون من النظافه اجبر نفسي اسوي اي شي صح عشان اسلم من تعليقات زوجي
سويت تحاليل كل شي فيني ممتاز الغده وغيرها..
يبقى السؤال ليه انا صرت كذا قلبي ابيض كلامي طيب احب الناس واحب اشاركهم افراحهم واحب الحياه والوناسه ومحافظه على صلاتي وقرايتي ايش الي قلب اخلاقي وخلاني بعيده عن كل شي ومن ضمنهم قرآني والناس نظرتي للناس كلهم حسودين قلوبهم سوده
هل ممكن كلمة زوجي صحيحه اني معقده وموسوسه مع انه يكلمني عن تعليقات الشباب عليه انه ضعيف شخصيه قدامي وانه خروف عندي يمكن هم الي خلوه يقل احترامه لي بس معقول الحب يتغير مفتقده اعيش معاه ومع عيالي تحت ضل الحب والثقه
انا لي 4 سنين زواج وعندي ولد وبنت واتمنى انتحر اتمنى الموت

>>>>> ردود الأعضـــــــــــــــــــاء على الموضوع <<<<<
==================================


أختي انتي محسودة
روحي لشيخ او اشربي موية زمزم او
موية مقري عليها


__________________________________________________ __________

حبيبتي شكلج محسوده

حاولي تجددين الأيام الي قبل
لاتخلينها تتشمت فيج
ارغمي نفسج عاملي زوجج مثل قبل وقترحي عليه سفرات
وغيري جو في البيت سوي له عشا رومانسي وشموع وحركات

علشان يتذكر الأيام الي قبل ويحن لها

شغلي سورة البقره يوميا
واقري المعوذات

والله يبعد عنكم الحسد


__________________________________________________ __________

بسم الله الرحمن الرحيم

انتي اوجدتي الحلول بنفسك ...
بالنسبه لحرمة اخوه .. رغم انك عارفه انها حريصه وكتومه تحكين لها ؟؟؟ وتنشر كلامك اذا لاتحكين ابد لها تحت أي ظرف ومهما كنتي في موقف ضعف ليه هي اقوى منك ؟؟؟
انتي أيضا قويه بنفسك وشخصيتك .. لكنك ماعرفتي تطلعين هالشخصيه ...
من الان .. من الان ...
غيري بنفسك وابدأءي الرقياء على نفسك وبيتك وزوجك ...
اخرجي نفسك بنفسك ماراح احد يساعدك كل انسان نفسي نفسي الا من رحم ربي ...
فكري كم شخص يتابع حياتك من اللي حولينك ادهشيهم واذهليهم .. ان رجعتي مثل اول واحسن بعد ...قدر المستطاع كم وحده فرحانه من فشلك اهمالك كرهك لزوجك ؟؟؟
اذا هي مستفيده من ضعفك .. حتى حين يقارنون بينكم تبدو هي الأفضل والاقوى شخصيه ؟؟
لاتمنحينها هذي الفرصه ... وخلك ذكيه ...
عامليها بالحسنى وخلك طيبه وبنت ناس ... لكن تحفظي على خخصوصياتك وحياتك حتى لو شيء مفرح احتفظي فيه لبيتك ... لاتقولينه ...
وزوجك .. تعب من شكواك .. تعبك ... تجنبي تشتكين عنده حتى لو تعبانه .. ولو سألك ليه مابلغتيني انك تعبانه قولي خفت اضايقك مثل دايم عشان يحس بندم .. وقولي صحيح كل الحريم يحملون ويتعبون بس كل جسم له قدره وتحمل عشان كذا نختلف ...
ولما يقارنك بفلانه وعلانه ... قولي زوجتك ماملت عينك ... وارفضي انه يقارنك بغيرك .. لكن بأدب وذكاء عشان مايقلب الموضوع عليك ... مثلا فلانه كتومه وتحافظ على اسرار زوجها بيتها .. قولي ماشاء الله داخل بينهم وشايف وش يصير ؟؟؟ وقولي فلانه 24 ساعه تقول زوجي عطاني مو مقصر علي وووو عشان يعرف انك تقارنين بينه وبين زوج فلانه لكن بأدب وبدون تجريح له ؟؟؟
ويسكت وماعاد يقارنك بفلانه ...
أخيرا ... شوفي وانا اختك .. كوني قويه شخصيه لكن كما ربوك اهلك بنت ناس وذربه وطيبه .. ماتجي منك كلمه تجرح .. اكسبيه بطيبتك مو بالعناد والزعل .. الرجال يبحث عن راحته العقليه والجسديه .. مايحب المشاكل والقيل والقال .. يعني اذا تعبتي .. وحس وسألك قولي كنت بس يوم شفتك طبت بأبتسامه .. خليه يستحي على وجهه ...
واثبتي للي يتمنى فشلك انك ناجحه ومو بس ناجحه .. وريهم انك افضل بطيبتك وشخصيتك القويه .. خليك دايم مرتبه وعيالك مرتبين بخري بيتك كل يوم وحطي فواحات ..
قهوتك اذا زوجك يحب القهوه كل عصريه جاهزه واجلسي معه وغيري جو وسولفي معه اكسبيه بهالوقت .. اقلبي الأمور السيئه دائما لصالحك ... خلك ذيبه وذكيه ... ابدي اهدي امه زوريها كثير منها وصل ومنها تكسبين قلبه وخلي نيتك صافيه لله ... كثير وكثير ممكن أقوله لكن .. اترك الباقي لك لانك مانتي ناقصه عقل بالعكس ذكيه لكن ماعرفتي تستغلين ذكائك ..الله يصخركم لبعض ويحفظك وبيتك من كل مكروه
اختك شماليه كفو


__________________________________________________ __________

ارقي نفسك وزوجك


__________________________________________________ __________

مادمتي محافظه على اذكارك وواثقه بالله
ماراح يضرك شئ ألا بإذنه
احنا مانقول ألا حسد و عين
صح الحسد كثر بالهزمن
بس مهما كان نتفائل بالخير ونقول مافي أنسان مايتغير
ويتغير حسب المواقف اللي مرت عليه
يمكن انتي تغيرتي من معامله الناس وقرايبك وزوجك
و كلامهم وأخذتي بخاطرك
اسمعيني لا تقولين حسد او علين لأنك اذا ما تفائلتي راح يزيد الطين بله
زي اشخاص كانو يشتكون كثير وسبحان الله ربي مو موفقهم عن حياتهم
وبعضهم تجيهم مصايب و عادي ساكتين والحمدلله ماشيه امورهم
...
تفائل و
للتخلين اذكارك وحبل الثقه بينك وبين ربك مشدود لاتخافين