عنوان الموضوع : اعطوني سبب واحد مقنع لتصرفات امي -تم الاجابة
مقدم من طرف منتديات نساء الجزائر

اعطوني سبب واحد مقنع لتصرفات امي



-


السلام عليكم ورحمة الله وبركاته

عندي مشششششكلة متعبتني متعبتني متعبتني
تعبت من كثر التفكيييييير فيها والله ي بنات تعبت

أمي تكره تشوفني أكل
ما ادري ليشششش ، لو شافتني جالسه اكل تجي تعصب علي وتستفزني بـ اي شي
حتى لو مافي شي يخليها تعصب .. بعض الاحيان اسعى بشتى الطرق جاهدة ان ماتمسك علي خطأ والبي كككل طلباتها قبل لا أكل .. ولما احط أكلي تجي تخاصمني بسبب اشياء سووها اخواني
طييييييب انا وش ذنبي ؟؟؟؟؟ وش دخلننننننننني ؟؟؟
لما يكون فيه عزيمة عند خوالي اول ما اجلس كل شوي تقومني مره هاتي موية ومره غيري الموية لانها بارده ومره غيريها لانها حارة ومره هاتي ملعقة ومره هاتي منديل ومره جيبي شنطتي ومره جيبي جوالي ومره انزلي شوفي الشقة مقفله او لا ، حتى خالي يقول لها خلي بنتك تاكل
لاحول ولا قوة الا بالله ، صرت اكرهه اكل
حالياً عندي سوء تغذيييييية وزنننننننننننني مره قليل بالنسبة لعمر وحده في منتصف العشرين

اعطيكم مثال لـ اكثر موقفين جننتني بسببها ، واشغلتني بالتفكير

امس طبخت لهم الغداء وبعد صلاة العصر حطيته جلسنا ناكل بـ امان وهدوء .. طبعا انا بطيئة بالاكل
كل اخواني قاموا الا انا جلست اكل
اول ماقاموا جات امي حطت بجنبي كيس زبالة "تكرمون" فيه عظام دجاج [ ني ] وفيه حليب اوشي ابيض
عموما منظر الكيس وسخ ومقزز .. ملاحظة انا من النوع العيوف اتقرف من اي شي حتى لو احد يقول كلام مقزز وانا اكل على طول اقول الحمدلله واقوم " وهي تعرف الشي هذا
طبعاً انا خلاص انجلطت ، قلت لها مو شايفتني اكل تحطين جنبي زبالة لاتحترميني احترمي نعمة الله اللي قدامي
قامت قالت : هذي مو زبالة هذا عظام دجاج بخلي اخوك يرميها برا في الزبالة ،
قاعده اقول بنفسي : طيب يرميها تحطها جنبي ليش وبصراحة تناقض كيف مو زبالة وبيرميها بالزبالة والكيس اصلا وسخ

المهم جداً جداً جداً تضايقت ، وقلت لها حرام عليك اللي تسوينه فيني ماتخافين من عقاب الله !
قالت لي : حسبي الله ونعم الوكيل عليك "

سكت وانا مؤمنة ان الله بينصفي مثل مانصف خالتي" لانها كانت تسوي هالاشياء بخالتي لين جاتها حالة نفسيه والى الان خالتي تتعالج لكن ربي عوضها بزوج يسوى الدنيا ومافيها "

طيب الموقف الثاني قبل شوي

كنت جوعانه ومافيني حيل اطبخ قلت لـ ابوي لما تجي جيب عشاء معك قال : طيب
المهم ابوي اتأخر و امي وصت اخوي عشاء ، لما جاء اخوي قالت لي : جهزي الاكل بسرعة
جهزته خلال ثواني .. بس كان الاكل كأن فيه شي مو طبيعي ما ادري هل الطبخ فيه خلل او الاكل مسخنه المطعم
المهم انا من الجوع اكلت وهي جلست تقول لي : كلام تحاول تقرفني وانا ساكته اخر شي قالت : اصلا ابوك يقول ان هذا المطعم فيه ... الخ
انا قلت لهاا خلاص الله يخليك خلاصصص ماتبيني اكل لانك جبتي الاكل ،؟ قولي لي لا تاكلين واقووووم بدون ماتقرفيني
قالت لي اصلا انا جبته عشانك ، قلت لها بالعقل جبتيه عشاني وبشتى الطرق تحاولين تقرفيني
اقنعيني ككككككيف جبتيه عشاني وانتِ تقولين هذا الكلام لانك عارفه اني راح اقوم
صدت عني ولا اتكلمت

والله يا بنات انا اكثثثثثثثثثر وحده اخدمها تنادي اخوي واختي ويسمعونها ولايردون عليها وانا اجي جرررري اقولها : علميني وش اجيب لك
وهم متسدحين بالصالة مطنشينها وتمدح فيهم عند الحريم وتسب فيني
اختي تنجح بمقبول واخوي ينجح بمقبول تجيب لهم ايفونات هدية
وانا انجح بـ امتياز ومعدل عالي ما اسمع الا مبروك بدون نفس

اقسم بالله ما احسدهم بذات اخوي لاني احبه لكن استغرب ، حتى ابوي يحزن علي ودايم نظراته لي شفقه لانه شايف معاملتها

لما اسافر اختي تشتكي منها ومن طلباتها اللي ماتخلص وتقول لي كيف تتحملين
لما ارجع يفرحون لاني اشيل الهم من على كتوفهم والمشكلة ان امي ماتشوف هذا كله ، تصرف عليهم وهم عندهم دخل ثابت وانا اللي حتى مصروف ولا مكافأة ماعندي مستحيل تعطيني شي
لان مصروفي ادفعه لاشتراك الانترنت وهي عارفه هالشي

صحيح اني اخدمها واقول بنفسي ما اعتبره بر لاني ما احس انها امي لكن اقول بنفسي اخدمها لوجه الله
بس تعبت تعبت تعبت احس اني راح اتجنن واصير مثل خالتي مجنونة واكلم نفسي

قولوا لي كككككيف اتعامل معاها ، على فكرة هي مو جاهلة هي متعلمة ومو كبيرة بالسن بالعكس عمرها متوسط ، لككككككن تصرفاتها معي غرييييييبة وانا ورب الكعبة تعبانه منها ومن اسلوبها معاي

كلامي كثير .. لكل وحده تنصحني بعقل ومنطق واسلوب واعي ، لها دعوة في ظهر الغيب بإذن الله

>>>>> ردود الأعضـــــــــــــــــــاء على الموضوع <<<<<
==================================


فعلا امك تصرفها غريب وطلباتها ماتخلص الله يعينك عليها .....بالنسبه للاكل انصحك تاكلين لحااالك احسن واريح لك من جد اللي انتي فيه عذاااب وامك لاازم تشوفين لها حل قولي لاحد يكلمها يفهمها ...وانتي قوليلها اذا تبي شي تقوله قبل الاكل وقوليلها هالشي متعبك كثيرر صاارحيهااا وقوليلها هالشي ماثررر على نفسيتك ....من اليوم وراايح غداك وعشااك خذيه بغرفتك وكلي لحااالك وامك راح تلاحظ واذا سئلتك صااارحيها وقوليلها طلبااتها ماتخللص خليهااا تحسس شووي الله يهديها


__________________________________________________ __________

حبيبتي .. أمك مو هم ع قلبك هذي جناتك ونارك مهما صار تحملي الله كريم وما راح يترك مسلم في ضيق ..لا يمكن ام تحسد بنتها ع الأكل بس ممكن انتي بطيئة وهذا الشيء يضايقها ..بعدين وين أبوك خذي مصروفك من أبوك..وخلي أمك تعطي اللي تبي ما عليها واجب تصرف ع احد كرم منها تعطي أخونك ..بعدين شكلك الكبيرة وهو دائم الكبير كل ضربه في رأسه .. الله يصبرك ويكتب أجرك في برك بامك


__________________________________________________ __________

اصبري واحتسبي الأجر


__________________________________________________ __________

هي واضح عليه متسلطة عليك بكل شي وبالذات الأكل
بس لو أنا منك احقق معها أقولها ليه
تحاولين تكرهيني بالأكل ليه تحاولين
تضايقيني وإذا م نفع قولي لابوك يسألها وش السالفة
أمك ي انه مجنونه او تحاول تجننك معه !!
من جد غريبه نصيحتي كولي لحالك وطنشيهآ ولا راااااح تتعبين منها


__________________________________________________ __________

بس غريب تصرف امج

يعني جننت اختها بهالتصرفات


انا انصحج تطنشين وماتهتمين

اكلي طبيعي ولا تردين على احد

او مثل ماقالت الأخت

صعدي اكلج معاج لغرفتج
وقفلي الغرفه ولخلصتي اكل فتحي الباب

ولا تهتمين باي كلام
علشان ماتتعب نفسيتج