عنوان الموضوع : باقي ع زواجي شهرين وانا -لصحتك
مقدم من طرف منتديات نساء الجزائر

باقي ع زواجي شهرين وانا



السلام عليكم ورحمه الله وبركاته
عزيزاتي واخواتي
انا مملكه صار لي سنه وزواجي بعد شهرين
انا فيني شعر بجسمي كثير اشويه
ويحصل بينا مداعبات بسيطه ف من الطبيعي يشوف جسمي وشاف بعض الاماكن بجسمي قالي انتي فيك شعر بعض الامكان مثل الظهر قالي انتي اكثر مني انحرجتتت والله وهو من حقه يشوف زوجته ب الشكل الي يبغاه ..ودائما احف وانظف نغسي
لكن في اماكن حساسه مثل تحت وسامحوني ع الكلام بس والله مالي احد غير الله وانتو لاخوات ولا شي
الامواس تسبب لي حساسيه وحكه ولان الشعر قاسي ف اذا بيطلع احس بوخز وغير انو بسرعه يطلع
والحلاوة الممم مو طبيعي صعب اني ااتحمله خصوصا اني ع وجهه زواج ف يبغالي عنايه اكثر ورجولي الله لايوريكم تطور الشعر وصار ينبت تحت الجلد وحكه مو طبيعي بس اهم شي المصيبه تحت اهئ لان ااشعر بقوووةة قاسي
فكرت ب الليزر
وش رايكم فيه ؟ ومن جربت ؟ وهل في انواع لليزر ؟ يألم ولالا ؟ وهل اقدر اسوي الليزر لنفسي ؟ لان استحي احد يشوفه غير زوجي
واذافيه ليزر جلسه وحده يالييييت تغيدوني لان عندي سفر وماعندي فرصه غير هالشهرين
وابي عياده ممتازه ومجربه واهم شي المده والسعر
انا من المنطقه الشرقيه بالذات من الاحساء♥
عشان لو تعرفو تخبروني
.. صرت افكر لو حملت ان شاءلله بعد زواجي وكبر بطني كيف بقدر اوصل لتحت واشيله 😔 وانا مابيه يعيب علي وهو نضيييف جدا جدا
ساعدوني جعلكم بالجنه لاتبخلو عليي ب ارائكم وتجاربكم
اختكم في الله

>>>>> ردود الأعضـــــــــــــــــــاء على الموضوع <<<<<
==================================


ان شاء الله صاحبات الخبرة يفيدوكي


__________________________________________________ __________

الليزر لجسمك وخصوصاً رجلك أنصحك تعمليه
اما المنطقة الحساسة ماسألت عن الليزر ولا قط جربت
حاولي تتعودي على نزع المنطقة الحساسة بالحلاوة ومع الأيام راح تتعودي عليها
عودي نفسك من الحين
الحلاوة بنظري أفضل حل
وأطول ايام على مايظهر الشعر مرة ثانية
وبعدين انتي تأخرتي كثير على ما حسيتي انك لازم تكوني نظيفة
يعني ضيعتي على نفسك وقت للأسف
وحاولي تعملي تقشير لرجلك بأيام قبل نزع الشعر
يعني مرتين في الأسبوع
خذي ليمون وزيت جوز الهند وملح وافركي رجلك فيهم
ومع مرور الوقت راح تحسي الشعر الي تحت الجلد يروح ورجلك راح تكون ناعمة
اما عن شعر ظهرك حاولي تشقريه
روحي الصيدلية وسالي عن افضل مشقر لشعر الجسم واهم شي يكون أمن
في رأيي احسن من الحلاوة لأنو احتمال يظهر حبوب في الظهر بسبب نزعه بالحلاوة وانتي بغنى عن هالمشكلة
والله يتمم لك ع خير
ولاتضيعي وقت
وابتدي اهتمي بنفسك
الله يوفقك






سبحان الله وبحمده سبحان الله العظيم
استغفر الله ربي واتوب اليه


__________________________________________________ __________

سوي ليزر وارتاحي


__________________________________________________ __________

حبيبتي عندكك مركز كيان الطبي بالاحساء
يشمل الجلدية والليزر وعناية بالبشرة والاسنان
سمعت بنات يمدحون بس للأمانة ماجربته
وعندهم تويتر وتو شفتهم منزلين برنامج للعروس

موقع المركز : : الأحساء (محاسن ) شارع الظهران
واذا تبين توضيح اكثر تامرين
والله يوفقك وحياة سعيدة بأذن الله


__________________________________________________ __________

سمعت ان مستشفى سعد بالخبر

يسون لج جلسة وحده ليزر

وطبعا بسعر

اتصلي عليهم وستفسري عدل