عنوان الموضوع : مو قادره افهم تفكير صديقتي
مقدم من طرف منتديات نساء الجزائر

مو قادره افهم تفكير صديقتي



السلام عليكم بنات م أطول عليكم بدخل بالموضوع على طول أنا بنت عمري 24 كنت شاده حيلي بالجامعة يعني احضر محاضرات واطلع مابي اشغل نفسي بأحد مكتفيه بدراستي وبس المهم تعرفت على بنت وعلاقتي به شبهه سطحيه يعني أتعامل معاهآ عادي المهم كان الوالد يوصلني للجامعه بوقت المحاضره وبعدها اطلع واحيان اجلس مع البنت ساعه او ساعتين بالكثير الصراحة حبيتهآ وانا كان لي صديقات بس كل وحده بتخصص م نجتمع دائم المهم البنت تتقرب لي هذا الكلام( قبل سنتين )كنت مرتاحه بحياتي ومبسوطه
بعدها توفى الوالد الله يرحمه ويصبرني على فراقه وصارت السنه الثانيه جديده على اول مره أداوم من غير م يوصلني أبوي تحطمت نفسيتي تأزمت للأسف حتي شكلي تغير داومت اول يوم والله ودموعي على خدي وأبوي كان له متوفى 3 شهور وحنا راح نبدأء بالترم الاول تعرفون احساس البنت اذا فقدت أبوها تحس بنقص مو طبيعي تفقد الأمان كنت حاطه ببالي انو الله رزقني ب صديقه تساندني وتحسن من وضعي كنت حاطه في بالي انها راح تشجعني بس اكتشفت انها ما فأدت نفسها عشان تفيدني قلت مو مشكله اهم شي تكون طيوبه على الأقل اقدر اشكي لها بس بصراحه كل يوم انصدم منها اكتشفت انو عقليتهآ صغيره ونظرتهآ للحياة بعد صغيره المهم أنا كنت أداوم يوم واغيب باقي الأيام نفسيتي كانت تعبانه بشكل مو طبيعي لدرجه كنت اروح للدكتوره واشكي لها أبكي واطلع من غرفتهآ واعدل مكياجي بس عشان ماحد يلاحظ
المهم عدت الأيام وانا نفس ما أنا وضعي كل ماله يزيد سوء
وصديقتي اذا حضرت أنا المحاضرات حضرت اذا سحبت تسحب ما عندها ثقه بنفسها معتمده على كثير المهم أنا السنه هذا انخطبت وأول وحده علمتهآ هي حسيت انها فرحت لي بس مو من قلب كانت ام خطيبي تزورني وتجيب هدايا وكنت اصورهم وأوري صديقتي يعني عادي مو معتبرتهآ غريبه بس كنت أداوم من بكرا بس أسلوبها خايس وأتكلم لها وأقولها وش صار وهي مو معطتني وجهه
طيب هي لو بتكون بمكاني والله راح افرررررررح لها من قلب
انجرحت من ردت فعله وصارت تقط كلام يقهر او تسوى حركات تقهر كانت تحب ولد خالتها بس. هو لعاب وانا قلت لها لعاب بس ما تفهم وأي شخص على الكوره الأرضية تشوفه تحبه فيها نقص عاطفي مو طبيعي حتي صاحب النقل اللي يوصلنا للجامعه حبته ولو اننا مو صغار ليه حركات المراهقة اذا نصحتها قالت لي آنتي راح تتزوجين يعني م تهمك هالاشياء قلت لها حتي قبل أتزوج ماحب اخلي نفسي رخيصه بس والله كنت أزعل منها ثانيه وارضي وأحاول إجاريها عشان م تزعل قلت خلاص م راح تتغير صرت أعاملهآ نفس ماتبي
المهم أنا ما قدرت اكمل الترم وقلت لها يمكن اسحب الترم عندي ضروف صحيه قالت يعني تتركيني
قلت لها آنتي كملي الترم وانجحي ماعليك مني والله كنت اشجعهآ على انو أنا محتاجه تشجيع وبالنهاية ماتبي تكمل الترم وكلوه لآني سحبت وأمس جائه تلومني ليه م خليتينآ نكمل قلت أنا عندي ضروفي المشكله ماتبي تصدق لا حاطه ببالها انو اسحب بمزاجي والله زهقت منها ومن تفكيرهآ السقيم
واللي قاهرني اكثر اذا تكلمت له عن خطيبي وأهله احس وجههآ يتغير
وإذا سكتت تحسسني انو مابي أتكلم والله مو عارفه شلون اتفاهم معاها
اتركها او وش اسوى أنتم شايفين أسلوبي معها غلط ولا لا ؟
وآسفه على الإطالة

>>>>> ردود الأعضـــــــــــــــــــاء على الموضوع <<<<<
==================================


لا ياقلبي ماغلطتي واسلوبك معها صح بس يمكن البنت حابه شخصيتك وترتاح لك وصارت تتبعك بتصرفاتك مع ان هذا مو تصرف عاقل منها بس دام البنت ضرت نفسها بتصرفاتها باتباعه الاعمى لك هذا دليل انها شخص غير مسؤول ولايعتمد عليه
فالا تبنين امالك عليها كصديقه لانها رح تخيبك بالاخير هذا من وجهه نظري
ويمكن انت الشخص الوحيد اللي اهتمت لها وتقربت منها ولاقت منه القبول
ودام لاحظتي انها تتغير عليك لما تحكين لها عن زوجك وامه
فااتوقع انها من النوع الغيووور يمكن ماتكره لك الخير بس تغااار
خصوصا انك المقربه منها وكمان بحكم انها عااطفيه يعني هالامور تثير غيرتها
نصيحتي لك اهتمي بمصالحك وبدراستك ولاتربطين نفسك بااحد ولاعاد تحكين لها عن زوجك وامه واذ سالتك قولي لاجديد
وانا مدري ليه احس الصحبه اللي من هاالنوع ممكن تبيعك بسهوله مع اول صداقه قريبه ومع اول زواج
وجهه نظر ممكن تصيب وممكن تخطي
اتمنى اكون افدتك
تحياتي


__________________________________________________ __________

ربي يعينك وحبيت ارفع الموضوع

ررررفع


__________________________________________________ __________

يمكن تكونين اول صديقه مقربه لها بحايتها
ولهسبب كانت تقلد عليج في كل شي

ونصدمت انج انخطبتي خافت يمكن انج تنشغلين عنها

ولهسبب ماتحب تسمع سوالف عن خطيبج وأهله

بس مانصحج تتكلمين عن خطيبج يمها ولا تتكلمين عنها يم خطيبج

والله يوفقج


__________________________________________________ __________

اختي اولاً هي ماعندها ثقه بنفسها هذا شي راجع لها بما انك اخترتيها صديقه لك اقبليها بعيوبها .. واذا هي عندها نقص عاطفي رجاءً لا ترسلين صور الهدايا وتتكلمين في خطيبك ولا تتعمقين بهالسوالف معها مراعةً لمشاعرها تكلمي عن خطيبك بشكل سطحي عشان ماتقول انك خبيتي عنها وكذا لاني مريت بهالتجربه وعارفه .. ولاتنسين انها عندها نقص عاطفه اكيد بتغير وجهها اذا تكلمتي عن خطيبك لان وديها تكون مثلك والله يوفقك ويسعدك بحياتك


__________________________________________________ __________

انتي غلطتي بش واحد الا وهو انك تخبرينها كل شي عنك وخطيبك احذري يا اختي ياما بنات يكونن فيهن غيره وحقد