عنوان الموضوع : يالله حُسن الخَاتِمة
مقدم من طرف منتديات نساء الجزائر

يالله حُسن الخَاتِمة



السلام عليكُم والرحمهَ

الله يسلمكن بقولكن اليوم شصار بي
وابا اعرف الشي الغريب لي استواه
كِنت راقدة ع جههَ اليمين وانا يوم ارقد
احط ظهر ايدي وكنيَ مرقدة ايدي ع ينب ؟
فهمتوا !

المهم اني نشيت 6 الصبحّ بنت اختي توعيني
عسب اصليَ خلصت ورديت انام

وفجأة قمتّ وكنت حاسه انه حد حاط ايده ع خدي
وانا راقدة ع هالايد اللي كانت حارة وايد مب ايدي
ايدي ثانية ، وكنها عندي 3 ايدينات ايد جي كنها ميتة
و بليا روح مش حاسه فيها ابد ماتتحرك مسيتها بيدي الثانية
ما احس انها ايدي وماغير الايد الثالثه والحارة ع ايدي
كنت بصرخ بس خفت اصرخويخافون اللي عندي
قبضت ايدي اللي مب حاسه بها وقريت عليها لين م خاز الشي الفضيع
اللي استواه ، خفت وايد احس انه ايدي كانت ميتة وعاشت مرة ثانية
خفت وايد ): ابا اعرف شو هالشي اللي استواه
اختي تقول يمكن ياثوم واحيد امايه قالت انه الياثوم مّ يستوي للي بعمري
وع فكرة من استوابي هالشي كانت الساعه 7 رديت انام نشيت 8؛43 دقيقة ورديت انام نشيت 9 . مول ماكنت راقدة براحة



وع فكرة هالشي صار ببنت اختي قبل وكانت تقوم وهي تصرخ
احيد كم مرة تنش وهي تصارخ وتزيغني ، الله يبعد الشر عن اليميع ♡
اللي يعرف شي عنه يقولي ، وخرافات واساطير ما ريد دخيلكن .

والتقي ان شاء الله بكن خلاف ()
ربي الحافظ

>>>>> ردود الأعضـــــــــــــــــــاء على الموضوع <<<<<
==================================


أكيد هذا الجاثوم وهو بسبب أن المخ أستجاب للإستيقاظ ولا زالت أعصابك في سبات عميق
وهي حالة عصبية يمكن التخلص منها بتحريك عينيك وعضلات وجهك


__________________________________________________ __________

يمكن يكون جاثوم ويمكن بسبب نومك المتقطع تخيلتي هذا الشي
اقراي قران دائماً قبل تنامي وان شاالله معد يتكرر هذا الشي
موفقه


__________________________________________________ __________

أنا صارت معاي هالحاله من زماااااااان وتطمني ترا كلهااااااا من الشيطان
يتهى لنا هذا الشي هواجيس فقط


__________________________________________________ __________

اظن انه الجاثوم
يقولوا سببه ارتخاء الاعصاب اثناء النوم وعند الاستيقاض ماتقدري تحركي اطرافك


__________________________________________________ __________

ذا الجاثوم يآحبيبتي وربك صار معي موقفين بسبب ذآ الجاثوم واخر موقف آمس تخيلي

واليوم متعلقـة بـ امي آقولهآ بنآمم ويآكك لآتخآفين ي قلبي انا آلمرآ الاولى كتمني وربي حسيت بيني وبين آلموت ثآنيـة بس بالاخير قآم عني وقمت من آلنوم واحس بآلكاد اتنفس آلمرآ آلثآنيـة حلمت حلم مرآ مرآ شين واللي هي آمس جآني جاثوم منحني ظهره كانه عجوز وآنشلت حركة جسمي فجآهه آسمع صوت آمي تتكلم واسمع اصوات اهلي بآلغرفـة الثانيـة بس انا مشلولة حركيآ ماقدر لا اتكلم ولا شيء وهو يكرر هآلجملة (الحلم اللي شفتيه حقيقة) وكل مآيقرب مني آحس بحرآره آحس آني قريبة من نآر

آلخلآصـة يآحبيبتي لآتخآفين انا صآر لي موقفين من اخس آلموآقف وذكرتههآ لك قومي صلي ركعتين قبل تنآمين وآقري الاذكآر وايه الكرسي وآستغفري لما تنامين وآنتبهي تهملين هالاشياء لان سمعت الجاثوم يآذي والله اعلم .!! وانتي مو اول والا اخر وحده يصير معها كذا شوفي انا وش صآر معي والجاثوم مو بس يكتم يجي بحآلات كثيره يآزي آليد اللي تكلمتي عنها او يكتم او يجي يتكلم زي ماسوا معي والله اعلم اذا بيجي بحالات ثانية بس الشلل الحركي منه الله يبعده عني وعنك والله اني متازمة منه للحين المهم تعوذي من الشيطان وصلي ركعتين ولاتنسين الاذكار وان شاء الله مايجيك مرا ثانية

موفقـة