عنوان الموضوع : شبح العنوسه الطبيب يجيب
مقدم من طرف منتديات نساء الجزائر

شبح العنوسه



السلام عليكم
من وانا صغيره وانا اتخيل نفسي عروس واتخيل الزفه وامنيتي الوحيده اني اتزوج واعيش مع اسرتي الصغيره
الحمد لله شكلي حلو ومؤدبه ومحترمه وبنت ناس سمعتي تمام وسنعه في البيت ويعلم الله اني قلت هالموصفات مو عشان افاخر لكن لاوضح لكم ابعاد المشكله اللي تحولت الى مأساة
مااعرف اش اللي مانع الناس يخطبوني قرب عمري للثلاثين وكل مااتذكر عمري تتعب نفسيتي
في السابق كنت اقول يابنت في كل تأخيره خيره كملي دراستك والعريس جاي وكملت وتخرجت والحين انا معلمه عمري 28 سنه
صبرت سنين كلها اوهم نفسي ان الزواج غثا وكل ماتزوجت وحده من عمري قلت انا بعدها
ومن هالحال وسنه ورا سنه الى متى ...
امس سمعت ان بنت خالتي اللي اصغر مني ب8 سنوات بتتزوج الله يوفقها ويسعدها لكن ليه انا من دون البنات مركونه على الرف ماقدرت امسك دموعي وانحرجت من اهلي لان وجهي تغير وبان علي الزعل ورغم هذا مااحد سألني ليه زعلانه
المشكله ان امي وابوي مسنين وانا اصغر عيالهم اخاف بعد عمر طويل يتوفون وين اروح اخواني مارح يتحملوني
واللي زاد حجم المشكله اني مااقدر اقول لامي وابوي ان ودي اتزوج واني تعبت من العنوسه لاسباب كثيره اولها ان ابوي صعب وعنده عيب هالكلام ولانهم شايفيني صغيره لاني اصغر عيالهم ولان ما ودهم اتزوج لكي لا يستغلني زوجي المستقبلي وياخذ راتبي والخ ..
تخيلوا مره كلمت خطابه وقلت لامي وامي قالت لابوي قوم الدنيا وماقعدها وحذرني لو كلمت خطابه مره ثانيه بيحبسني وياخذ الجوال ويحرمني من وظيفتي
تعبت كل اجازه يحترق قلبي وانا احضر زواجات بنات اصغر مني ولا احد حاسس فيني بالعكس اذا قلت لامي وخواتي قالوا انتي في نعمه لازوج ولا عيال تشيلين همهم ويتعبونك
اساسا خواتي يحسدوني لاني الوحيده موظفه وكلهم تزوجوا في سن صغير وماكملوا دراستهم رغم انهم مرتاحات مع ازواجهم ويسافرون برا وانا الموظفه محبوسه في البيت مااطلع الا مره في الشهر انا مااحسدهم الله يهنيهم لكن ودي احد يحس فيني ان اللي في عمري عيالهم يدرسون وانا حياتي متوقفه من سنين بدون اي ذنب
يابنات انا طرحت مشكلتي عشان افضفض والاقي احد يحس فيني وعذرا على اسلوبي الملخبط لاني اكتب وابكي
تكفون ادعولي الله يرزقني

>>>>> ردود الأعضـــــــــــــــــــاء على الموضوع <<<<<
==================================


الله يرزقك بزوج صالح

يمكن الي تقدم لك مو زين اني ما تعرفين وين قسمتك

اصبري يا اختي

لا تنسين ان الله مع صابرين

كانت هنا العضوة حرق قلبي


__________________________________________________ __________

يالله فديتك الغلا عليك بسورة البقرة يوميا وسورة ياسين ماحد يدري يمكن الخيرة في التأخيرة ويمكن عين لمواصفاتك ماحد يدري


__________________________________________________ __________

الله يعينك كسرتي قلبي لكن أقولك شئ واقع نشاهده والكل يعرف إن مافيه أحد بالدنيا مرتاح المتزوجه تقول ليتني ماتزوجت والعانس تشتكي وأم العيال تقول ليتني ماجبت عيال وهكذا الدنيا عليك بالصبر والدعاء والاستغفار والصلاة على النبي صلى الله عليه وسلم أنا لما أضيق وأطفش من الدنيا مايخفف عني إلا ذكر الله
بالنسبه لماذكرتي من عدم ابلاغ أمك بأنك تريدين الزواج هذا من حقك شرعاً تصرحين لأبوك وأمك انتهى أيام الجهل والعيب بشئ من أبسط حقوقك صرحي لأمك وقولي لها بكلام هادي ومنطقي يأمي أنا الان صرت امرأة والحياه ماهي دائمه ونحن في زمن فتن والمرأة سترها الزواج وبيت زوجها أريد استر نفسي بخصوص أبوك انتبهي لايكون مايبغاك تتزوجين على شأن راتبك بعض الشيبان هداهم الله إذا كانت ابنته موظفه وجاءه خاطب كفو يقول له البنت مزوجها ويصرفها على شأن الطمع براتبها عليك بر أبوك وأمك والتلطف معهم بالكلام الحلو وخليك ذكيه من جهة أبوك الله يرزقك ويصلح الحال للجميع ......


__________________________________________________ __________

والله يااختي مالك الا تصبري وتشيلي فكرة العنوسة وتأخر الزواج من راسك
ومو انتي عايشة هذا الاحساس اغلب البنات
وانا اكبر منك مو متزوجة
واعرف بنات اكبر مني ومنك مو متزوجات
ربك يرزقنا برجال الصالحين


__________________________________________________ __________

28 سنه تقولي عنستي وانااعرف بنات 40 سنه لسا ماتزوجت ..الله يزرقكم بازواج صالحين