عنوان الموضوع : اهلي رافضين الي ابيه .. مالحل مع اهلي ؟؟! الطبيب يجيب
مقدم من طرف منتديات نساء الجزائر

اهلي رافضين الي ابيه .. مالحل مع اهلي ؟؟!



السلام عليكم ورحمة الله وبركاته

ببدا بمشكلتي على طوول

الله يسلمكم
انا بنت عمري 22
من بعد الثانويه العامه جاني مرض السكري
بعضهم قالولي بسبب فايروس والله اعلم
بسسب المرض كان فبدايته
ظليت سنه بالبيت ومادرست
واهلي خبوا موضوع مرضي عالكل
حتى على اقرب الناس
يخافوا من كلام المجتمع ومحد يتقدملي
بس بعد سنه وحده من عماتي شافتني بالمستشفى كان عندي مراجعه وانا ماخبرتها عن السكر**
بس هي تحرت واكتشفت الموضوع
ونشرت الخبر
وصارت نظرات الشفه من الناس تلاحقني
بالرغم من اني ولله الحمد احلا وحده من بنات عماتي بالعايله
بس كلهم انخطبوا احتى الي اصغر مني الا انا والله يهنيهم
محد قرب صوبي .. بسبب مرضي
رغم ان الطبيب قالي انتي مابتنقلي المرض لعيالك لان مرضك ماوراثي ولله الحمد
شغلت نفسي بالمنتديات الدينيه والثقافيه
وصرت مشرفه وتعرفت علئ عضوات**
من دول مختلفه وصار عندي صديقات**
لاني من النوع الي مااجتماعي**
ومااحب الطلعات والجيات فكنت اقضي وقتي عالنت وبالمنتديات**
في فتره كنت اعطي دروس بسيطه بالفوتوشوب بالمنتدى واصمم تواقيع للي يبي
كنوع من التسليه الى جانب الدراسه
المهم كان في عضو مثقف جدا**
ويطرح المواضيع الدينيه ويناقش فيها ويحاظر
ويرفق مع مواضيعه صفحات من القران او الاحاديث او قصص وعبر
فكان مايفهم ابدا بالفوتوشوب ومره طلب مني اني اظلله النصوص المطلوبه
فوافقت وبعد فتره صرت اعلمه عشان هو قال انه منحرج من كثر مايطلب مني اظلله النصوص واقصهم**
فعلمته وكان الحديث بينا جدا محترم**
لانه هو شخص محترم وانا ماامن النوع الي اتعدى حدودي والحمدلله
هالشخص بعد فتره رسلي رساله عالمنتدى
انه هو تردد كثير قبل مايرسلي هالرساله
وان معجب باخلاقي و عطاني اميله**
اذا كان ممكن اضيفه هالمسن اذا ماكان عندي مانع ...
انا سويت فيها حركة نذاله
ومارديت عليه الا بعد اسبوع
وقلتله اسفه .. مااقدر اضيف شباب
هو احترم قراري واعتذر على جرأته
وسكر الموضوع ولا عاد بعدها رسلي شي ولا كلمني واذا كنت ادخل ماسنجر المنتدى وهو موجود فيطلع**
ومايدخل الا اذا انا طلعت
وظل على نشاطه عادي بالمنتدى
بعد فتره صار هو مشرف بالواحه الدينيه
وكان كل شهر في اجتماع للمشرفين بالمسنجر التابع للمنتدى**
كان رسمي بالحديث معاي**
مادري انا تعلقت فيه بصراحه
لاني كنت اتمنى يكون نصيبي من شخص ملتزم وخلوق ويعرف ربه**
فصرت اساله عن دراسته وكذا**
وهو يجاوب على قد السؤال **، ونفس الشي بين فتره وفتره يسال عن دراستي**
مااطول عليكم تعلقت فيه
وضفته على اميلي .. وبالماسنجر
كنت خايفه احبه واندم ،، وامر بقصه حب فاشله**
بس كان شخص جدي وخلوق وماكان يقول كلام حب او شي
بالعكس كان دايما يشدد على حجابي والتزامي
**بعد اسبوعين**
فتح موضوع انه يبي يتقدملي انا وافقت
لاني ارتحتله وكان اكبر مني 3 سنوات .. هو كلم اهله واخته بالموضوع
امه وافقت وضفت اخته هي كانت حابه تتعرف عليه وخذت رقمي بعدها
وكانت حبووبه عالاخر
المهم كان مخطط يتقدملي بعد سنه لان كان باقيله اخر فصل بالجامعه
ولين يحصل وظيفه ويجمع مبلغ
بهالفتره حسيت براحه**
وصار هو كل حياتي وحبيته**
وهو حبني باحترام وبحدود**
حسيت رب العالمين عوضني فيه
بعد ماخلص هو دراسه تاخر لين حصل وظيفه المهم تقدملي وقتها واحد من نفس قبيلتنا**
واهي كانوا مصريين عليه عالاخر **
يبوني اوافق عليه وانا ماابيه لاني احب غيره
مع ان الي تقدملي كان اكبر مني ب3 شهور بس وماكون نفسه بعده يدرس وياخذ مصروفه من ابوه .. والمصيبه كان عنده مرض السكر بعد لكن وراثي لانه ابوه وعمه فيهم
وهو كان وزنه زااايد بفتره فمرض
ولايهتم بالمرض ياكل اي شي وغير هاذا راعي سوابق مع كان يطلع مع البنات **..
انا ماكنت ابيه ابدا ابدا**
مامستوعبه كيف اهلي يجبروني على شخص مريض مثلي**
وسالت الدكتور قالي اذا تزوجتيه**
بيطلع واحد من عيالكم مريض**
انا ماكنت قادره اتحمل مسؤولية نفسي
كم مره ينزل السكر عندي مع ان كان وقتها عمري 20
ومره دخلت بغيبوبة سكر
واهلي تعبوا معاي وانا تعبت من نفسي
لمه كنت اشتهي الحلويات ومااقدر غير اشوفهم او اشم ريحتهم وكنت اخذ ابرتين انسولين باليوم وجسمي فيه اثار زرقه او صفرا من الابر
فمابالكم من طفل صغير مريض ومن هو بالقماط ياخذ ابر
وامنعه من الحلويات ومن اللعب والحركه الكثيره
ويشوف باقي الاولاد غير عنه وكل شي مسموح وهو لا
صعبه عليه والله ماابي طفلي يتعذب
بس اهلي الله يسامحهم مااقتنعوا
وسوا استخاره وطلعت مازينه
وعادوا الاستخاره وطلعت نفس الاولى موزينه
وامي اكثشفت اني احب ثاني من كذا رافضه
وخبرت الوالد بالسالفه
وخذوا تلفوني والاب توب وحبسوني بالغرفه
بس من يجي الخطيب المحترم يسمحولي انزل
وامي خذت مني بالقوه رقم اخت الي حبيته
وجلست تتصل فيها يوميا تسبها وتسمعها كلام مخزي وترسل لها رسايل
والبنت غيرت رقمها
اهلي ضغطوا عليه وصلت لدرجة السب
وتفلوا بوجهي ويضغطوا عليه عن طريق صديقاتي وجهي تعب كله صار حبوب وشاحب
وصحتي تعبت .. كنت يوميا اصلي ركعتين لله حتى يخلصني من هالموضوع وادعي وابكي عالسجاده وبعد كم شهر الحمدلله**
تم فسخ الخطبه
اهلي ماوافقوا عالي احبه لمه تقدملي
بحجة انه مامن قبيلتنا وعندنا عاده البنات 90٪ منهم يتزوجوا من شباب قبيلتنا ومايطلعوا لبرا**
وغير هاذا تخصص دراسته ماعاجبهم**
كان متخصص تربيه انحليزيه
معلم يعني بمدرسه
وعلى قولتهم هم مامن العاصمه وعاداتهم غير عنا .. احنا منفتحين اكثر وهم غير
ومستوانا المادي اعلا عنهم وووالخ
نسوا كلام الرسول ص :
من ترضون دينه وخلقه فزوجوه
نسوا اخلاقه وطيبته وخوفه عليه
خلاني التزم بحجابي اكثر واخيط عبايات واسعه ومااحط مكياج او زينه لمه اطلع
وصرت ملتزمه بوقت الصلوات ووالخ
واجبروني اتركه ...**
لكن هالشي كان قدامهم بس**
اما بالواقع فانا متواصله معاه للحين
لان كل اسبابهم فالرفض غير مقنعه**
محد اتقدملي بعدها بسبب مرضي وتفكير الناس والجهل
وقلبي وعقلي تعلق بالي حبيته
لاني اقتنعت فيه علمني وايد اشيا
وخلاني اصير للاحسن التزم بالقران والصلوات اكثر**
بس اهلي رافضييين الفكره
يقولون افضل تعنسي ولا تاخذي واحد مامن قبيلتنا ..!!
الحين بنكمل 4 سنوات من عرفنا بعض
وحاولنا بكل الطرق نقنع اهلي
خايفه افقده بيوم من الايام
مااتخيل نفسي اكون زوجه لغيره
احنا ماسوينا شي حرام .. حبنا طاهر
ونبي نتزوج بس اهلي ماعرف شسوي بتفكيرهم السطحي**
حتى امي عطت صورتي لخطابه من وراي
حتى تدورلي معرس
ودايما تقولي ياعانس وتجرحني
والي احبه يهديني ويقولي لاتضايقي نفسك
وترفعي السكر ان شااء الله نكون لبعض

مالعمل يااخواتي ..؟!
اسالكم الدعاء لي
ولجميع المؤمنين والمؤمنات**
وفقكم الله جميعا**

>>>>> ردود الأعضـــــــــــــــــــاء على الموضوع <<<<<
==================================


حبيبتي انتي ماطلبتي شي غلط هذا من حقك اختيار شريك حياتك وتختارين اللي انتي ترتاحين له..اهلك بالنهايه بيرضخون لرغبتك لو صممتي وكمان لاتنسين اذا ربي كاتبه لك ماراح تاخذين غيره فوضي امرك لله وادعي ربك يسهل امورك واستخيري لعل ربي يسهلها ويرضون اهلك اذا فيه خيره بالزواج هذا..باختصار اذا هو من نصيبك رااح تاخذينه غصب عن الكل واذا مو من نصيبك ولا ربي كاتبه لك لاتتعبين وتفكرين وكلي ربك هو كفيل بالامور هذي..ربي يسمح دروبك ويسهل عليك كل صعب


__________________________________________________ __________

خليه يكلم امام المسجد حقكم ويبلغه انو يبغاك ويجي يكلمون ابوك
بس يااختي والله بعدين ماراح يثق فييييييييييييييك راح يشك فيك دائما الا اذا كان مو سعودي؟؟؟


__________________________________________________ __________

أنا ارى صعب تغيير هذه العلقيات المعلبه وراثيا والثقافات المبرمجة عرفيا
فلا حول ولا قوة إلا بالله
ندعي تمسكنا بتعاليم وقيم ومبادئ الاسلام وحبنا لسنة المصطفى صلى الله عليه وسلم بأبي وامي أفديه
وثم لا نطبق شيئا من هذا كله والله قمة العنصريه في السعودية هذا قبيلي وهذا خظيري وهذا حضري وهذا نعيري وهذا بدوي ابو ضب ومظيير وقررريش....
وهذا ولا زال حالنا منذ زمان ابوجهل وابو لهب إلى هذا اليووم كما هو عليه الان
برغم من دخول التقنيه والتكنولجيا والتطور والسيارات ......
وماضيعت هذه الامة الاسلامية إلى تلك العقليات المتخلفه جدااااا تخلف في الثقافة والتفكير والفكر والمنهج وكل شيء فلا حول ولا قوة إلا بالله


__________________________________________________ __________

المشاركة الأصلية كتبت بواسطة مشكلتي
أنا ارى صعب تغيير هذه العلقيات المعلبه وراثيا والثقافات المبرمجة عرفيا
فلا حول ولا قوة إلا بالله
ندعي تمسكنا بتعاليم وقيم ومبادئ الاسلام وحبنا لسنة المصطفى صلى الله عليه وسلم بأبي وامي أفديه
وثم لا نطبق شيئا من هذا كله والله قمة العنصريه في السعودية هذا قبيلي وهذا خظيري وهذا حضري وهذا نعيري وهذا بدوي ابو ضب ومظيير وقررريش....
وهذا ولا زال حالنا منذ زمان ابوجهل وابو لهب إلى هذا اليووم كما هو عليه الان
برغم من دخول التقنيه والتكنولجيا والتطور والسيارات ......
وماضيعت هذه الامة الاسلامية إلى تلك العقليات المتخلفه جدااااا تخلف في الثقافة والتفكير والفكر والمنهج وكل شيء فلا حول ولا قوة إلا بالله

كان الله في عوونك أختي
وزي ما قلت صعب تغيير هذه العقليات إلى بإزالتها من جذورها وكنسها من المركز والمصنع أبو جهل


__________________________________________________ __________

السلام عليكم اخواتي

شكرا على ردودكم .. التي واستني نوعا ما
بس حبيت اوضح نقطه
هي اني مو سعوديه بس من دول الخليج
والشخص الي احبه من نفس جنسيتي
وهالافكار الجاهليه لاتستغربون
بس موجوده بباقي الدول بالخليج بعد