عنوان الموضوع : دكتوري ف الجامعه وخطيبي ~~~ الطبيب يجيب
مقدم من طرف منتديات نساء الجزائر

دكتوري ف الجامعه وخطيبي ~~~



مررحححبا
بدخل بالموضوع ع طول

انا عمري 21 ادررس ب الجامعه
انخطبت وسويت الشوفه واتفقنا ع كل شي وحددنا يوم الملكه قريب ان شاء الله

مشكلتي مو هنا .. مشكلتي مع دكتوري ف الجامعه

انا اكلمه واتس اب عشان موضوع الجامعه وكذا وفي يوم سالته ايش الكتب والملازم ومتى الاختبار لان خلاص قربت الاختبارات وقلتله اني انخطبت واخاف تكون ملكتي وقت الاختبار


هنااا انصدمت انا قالي مو من جدك
وانا كنت ناوي اخطبك واتقدم بس استنى امي تطلع من عدتها واكلمها وانا معجب فيكي وحبيتك وابغاكي وانتي لسا ما ملكتي اسحبي عليه وارفضيه عشاني انا ابغاكي ليا وكلام كتيير

ما عرفت ايش ارد عليه سكت
لكن ثاني يوم ارسلت له ( اسفه ما اقدر السالفه دخلو فيها رجال واتفقو وخلصو وعيب احرج اهلي وانا مو من نصيبك الله يوفقك ويرزقك بالي تخاف الله فيك وتسعدك )


مدري اذا ردي كويس او لا

لكن دحين صارلي اسبوع احس بديت افكر واتشتت
دكتوري شغله تمام وحالته الماديه حلوه وعايش بفله وجمميل جدا ماشاء الله ومن عائله معروفه والبنات دايم يشهدو ع اخلاقه ثقييل ع البنات م يديهم وجه ومحترم !!

اما خطيبي عاااااددي جدا ف كل شي ،،
والاثنين نفس العمر 33 سنه وانا 22 سنه

ارفض خطيبي واخلي دكتوري يتقدم والا ارفض الدكتور وارضى بنصيبي واكمل مع خطيبي ؟!

مع انو لسسا ما ملكنا الا انو خطيبي حجز القصر حق الفرح » مدري مستعجل ع ايش !


تكفوون اداره نزلو مووضوعي

>>>>> ردود الأعضـــــــــــــــــــاء على الموضوع <<<<<
==================================


مرااحب حبيبتي انا رايي ابقي على خطيبك الاسباب:

1- السعاده عمرها ما اجة بالفلوس والجاه كثير ناس عدها فلوس وما مرتاحا.

2- لما تقبلي الاستاذ هو الاستاذ نفسه راح ياخذ عنك نظرة ان انتي تركتي خطيبك علشان الفلوس وراح يقول هذه مستعده تبيعني علشان الفلوس .


3-مين ضمنلك ان هذا الاستاذ راح يريحك.

4- عيشي حياة بسيطه مع خطيبك الاول ويجوز هذا امتحان من الله سبحانه الك فلا تروحي على طريق الفلوس والمال.

5- لما راح تزوجي كل اشويه وبيعيرك ما حدا جبرك انتي اخذتيني علشان فلوسي وراح تعيشي بالذل .

هذا راي مع احترامي لجميع الاراء وكامل حبي واحترامي


__________________________________________________ __________

اهلين حبيبتي..
صلي استخااره ولو لك نصيب ف الدكتور راح تاخذيه وانا مع عطر الورد كلامها مزبوط
دام السالفه مشت مع خطيبك معناها لك فيه خير..
الله يتتمملك على خير. .
تقبلي مروري


__________________________________________________ __________

انتي مقتنعه ب ايش ؟
ل مين تميلي اكثر فكري بنفسك شيلي الناس من بالك الاختيار الي حتختاريه حيكون ملازم لك طول عمرك
يعني شخص تختاريه وتعيشي باقي عمرك معاه يعني مو لعبه
كل شئ نصيب وانتي اختاري الي ترتاحي له ولمن تختاري كلمي امك وفهميها وهيا تتفاهم مع ابوك قبل م يصير شئ
وخطيبك مستعجل مره الي اعرفه الناس تملك اول بعدين تحجز القصر :/!


__________________________________________________ __________

خليك مع خطيبك لا تتركيه
الدكتور اقطعي علاقتك به نهائين ...
وغيري رقم جوالك عشان ... يطلع من راسك نهائيين
وانتبهي لنقطه اكيد الدكتور هذا عنده ارقام البنات كثير مثل ماكان رقمك عنده
ايش يضمن لك انه صادق معك ممكن هذي لعبته مع الكل ..!



__________________________________________________ __________

شوفي حبيبتي لا تغريك المادة والمظاهر مادام انو خطيبك اتفقتو على كل شيء ليه تتركيه وتروحي لغيره بدون سبب ربنا ما يرضى بس انت ماعليكي الا تصلي الاستخارة وربنا راح يهديك لنصبيك ان شاء الله وربنا يتمم لك الي تتمنيه