عنوان الموضوع : حياتنا الزوجية مجابة
مقدم من طرف منتديات نساء الجزائر

حياتنا الزوجية



مشكلتي مع زوجي
لي 5 شهور متزوجة
زوجي عيوبه
الكسل
البخل
وحكي الاسرار
اول شي المشوار عشان نروحه بطلعه الروح مستحيل يوافق على طول
ثاني شي البخل اقوله البيت لازم نجيب له كذا وكذا يقولي بعدين وعلى هذا الحال
ثالث شي راتب زوجي 4 الالف و500 كيف اوزع المصروف ووالداته تشاركنا المصروف كل شهر تاخذ 500 وهي مو محتاجة عندها دخل وكافيها
زوجي بيكلمها عن كل شي ايش ناكل وين نروح وين نجي وهي تعودت كل يوم خلاص لازم تاخذ التفاصيل منه .. كلمته قلت عيب خصوصيتنا احد يعرفها عصب وزعل ذي امي ولازم اقولها كل شي وكل يوم يسالها ايش الاخبار واقاربنا ويم راحوا مهتم باخبار كل عائلتهم ويهرج فيهم وامة تساعده على ذا الطبع
ونروح نزورهم بستمرار واحيانا اكون تعبانه اضطر اجلس بساعات عندهم
تخيلو ينقص من مصروفي عشان يعطي امه وامه مرة ماهي بحاجاتهم
زوجي ابدا مو حاسب انه تزوج يتصرف كانه عزابي ولا معتبر انه له بيت يحتاج مصروف وزوجة تحتاج مصروف حتى بطلعاته احيانا يخرج لاهله واقرابه ويجلس يوم كامل عندهم بدون مايجي البيت او يسال محتاجة شي
ساعدوني كيف اغير تصرفاته للاحسن وتتغير حياتنا للافضل واكسب زوجي
الله يسعدكم
بليز لاتحذوف الموضوع ربنا يسعدكم

>>>>> ردود الأعضـــــــــــــــــــاء على الموضوع <<<<<
==================================


هذي طبااعه وانتي توك مالك الا خمس شهور زواج ابشرك هو كذا مابيتغير صعب تغيرينه للاسف هذا طبعه وتحملي هالطبع العمر كله ....لكن كل ماعليك الحين انك تصارحينه ممكن يتفهمك وممكن لاء ...المراة ماتقدر تغير طبع الرجل بالعكس هو اذا بيغير من نفسه بيتغير ...


__________________________________________________ __________

اتوقع مشكلتك مع امه ...والي مافيه خير في امه وابوه لاتتوقعي تلقين خير فيه . .اما مسالة البخل فالرجال لما يكون بخيل مستحيل يتحول لكريم لو يملك كنوز الدنيا بيظل بخيل ماراح يتغير . مسالة تدخله بسوالف الاهل والناس .. اتوقع راح يتغير اذا انتي وقفتيه عند حده بس بعد مايحس بقيمتك وغلاك لانه على حسب كلامك يغيب ومايسال عنك ..


__________________________________________________ __________

راتبه 4000 وتبغين يكون كريم في الصرفيات
اليوم قرأت في الصحيفة لإقتصادي ما أدري باحث إجتماعي يقول الي راتبه 8000 تحت خط الفقر
والأم ابنها يعطيها ال 500 لأنه بار بها وباين إنه فيه خير لأهله عشان كذا الي فيه خير لأهله لا تخافي منه
أما مسألة سوالفه مع أمه عن الأشياء البسيطة تغدينا رز وتعشينا سمك ما هي أسرار إلا لو إنتي ما تأكلي زوجك وخجلانة أحد يدري
وغياب زوجك عنك كثير لأنه ما يشعر بالألفة والمودة ممكن يصير بينكم دائماً سوء تفاهم يسبب نفور
وسؤال زوجك عن عائلته لأنه إجتماعي وليس ذنبه إن عائلتكم ما يهتمون في بعضهم أما هو تهمه أحوال عائلته

ولا تعملي من الحبة قبة ومن اللامشكلة مشكلة


__________________________________________________ __________

الله يعينك حبي ويسخرلك زوجك ...


__________________________________________________ __________

طبيعي في اول سنه زواج تصير خلافااات كثيره بينكم لان كل واحد تعود على نمط معين ومن بيئه تربوبيه مختلفه فكل واحد بيحاول يعود الثاني على طبعه ويمشي كلامه عليه
وانا مع زوجي نفس الشي اختلف معه كثير وفي المقابل في امور اتفقت فيها معه وبصراحه تغير معي في بعض الامور لاني تعاملت معه باسلوب ونفع الحمد الله
اولا يحب امه كثيير وداايم يكررها قدامي حتى بالسياره احيانا يشغل شيلات عن الام ويسمعها ويقولي امي مافي زيها وانا احب امي وبصراحه ابدااا ماضايقني هالشي بالعكس حسيت فيه بالبر وصرت اقوله صادق والله اني احبها الله يخليها لك وبمقام امي واحيانا لاطولت عنها اساله كيف امك طيبه
ويرد علي باريحيه لانه شاف مني الحب وانا فعلا قدمت الطيب لاجل الناس الطيبه
ثانيا مع اخته كاان مره مواصلها ويكلمها من فتره لفتره ومره جاه شد بيده ودق سال اخته ويوم رجع عندي قال سالت اختي وقلت لها اللي احسه وقالت يمكن نايم غلط او شاد اعصابك
انا زعلت بس ماسويتها مشكله بس كنت اقول بنفسي يمكن لسى ماصار بيننا مواقف كثير ومايعرف ان هالشي يضايقني
فوضحت له ان هالشي زعلني ليش تكلمها وتسالها اقلقتها عليك وبس
مافي داعي تسالها رد علي معصب وعادي واختي مافيها شي وانا وضحت وجهة نظري وسكرت الموضوع لازعلت ولا كبرت الموضوع ومنها بعدها بفتره تعدل وصار مثل ماابغى
وغير كذا مواقف كثير انا بس ذكرت لك هالموقفين للفائده
وانتي لازم تكونين بصفه وتوضحين ان اهله هما اهلك
وامه مثل امك لاتعاملينها كشخص غريب متطفل بحياتك
انتي افقديها وعامليها بحب واساليه عنها وربي مع الايام حتى هي تحبك
وصدقيني شوي شوي رح يتغير ويخف بس اذ حس منك القبول والمحبه لاهله
وانا بصراحه استغرب من البنات اللي تعامل زوجها كفرد منفصل من عايلته لاتبيه يكلم ولاتبيه يعطي وتزعل منه بالعكس هو مرتبط باهله اكثر منك المفروض تحسسينه انك فرد جدبد انضم لاسرته وتحبينه وتحتوينه
ورح تكسبينه انتي مع الايام بالعشره ومع العشره والاولاد رح يستقل بحياته معك ويشوفك اسرته وكل دنيته
وانتي لاشفتيه طلع ولا رح لاحد قولي له والله البيت بدونك مو حلو
تاخرت مره بعدين اساليه كيف كانت جلستكم
كيف عمتي اللي هي امه وقولي سولف علي طفشانه
واسمعيه ولاتنقدين
نقطه اخيره حابه اعلق عليها الا وهي مصروف امه
انا لو مكانك مارح امنعه ماتدرين لو ربي مبارك بماله بسبب هالام وماتدرين لو تدعيله وربي يفتحها عليكم برزق من كل مكاان
الا الوالدين شجعيه على برهم لا توفقين بطريقه لان هم سبب للتوفيق والرزق بالدنيا باذن الله
اتمنى اكون افدتك
تحياتي