عنوان الموضوع : احب خادمتنا اكتر من ماما بكثير -لصحتك
مقدم من طرف منتديات نساء الجزائر

احب خادمتنا اكتر من ماما بكثير



هاي بنات

ما اعرف اذا ذكر العمر مهم او لا لاكن اشوف اغلبكم يكتب عمره مدري شنو القصه مو مشكله انا عمري 13سنه وانا من طفولتي متعلقه في خادماتنا اكثر من امي بكثيييييييييييييييييييييييييييييييير واللي ربتني كانت خادمه اندنوسيه اسمها سترياني يا ناس كنت اموتفيها احبها ولو اعرف عنها شي كان الحين اروح لها مشي والله العظيم انه فيه صور لي معاها وانا صغيره وامي بس تضحك علي يوم تشوف صوري تضحك تقول هذي انتي وانتي صغيره قبل لا تسافر سترياني كنتي تبكين عند الباب عليها تقولين تبنها وصورناك وياها وانا فعلا في الصوره كنت دموع على خدي وامي تضحك علي وانا ابوي من النوع اللي اذا اخذ خادمه تجلس عندنا سنييييييييييييييييييييييييييييييييييييييييين وسنييييييييييييييييين لحد ما اتعود عليها بعدها ينقهر قلبي ويسفرها بلدها وانا بعدها ابقى وحيده وامي بس كانت تطقني وانا صغيره ولما سافرت الخادمه سترياني بقينا لمدة سنه دون خادمه وكانت امي تروح العمل وما ترضى تاخذني وياها كانت توديني بيت جارتنا وتخليني بدوووووووووون اكل ولا شرب وماتخليني انام بعد لازم ابقي عيوني مفتحه واذا جت امي تاخذني وكانت امي قاسيه بس تطقني واي شي يحصلي مرض او اي شي ترميني عند الخادمه هذي وكنت اذا امي تطقني اروح اهرب عند الخادمه هذي سترياني في حظنها واهيا تبعد امي عني وكانت تعلم ابوي عن فعل امي فيني وابوي قاسي بعد مثل امي كان يكرهني حييييل وانا والله لحد الحين متعلقه فيها لدرجه كنت اذا خفت انام بغرفتها بس اهيا كانت تخاف علي من امي وتوديني غرفتي اذا غفيت وانا لحد الحين جاب ابوي خادمه غيرها اسمها اويوم وجلست لحد خمس سنين على ما اعتقد وتوه الحين سفرها قبل كم شهر وهالحين احس اني ضاااااااااااااااااااايعه ماعندي احد واخاف من امي انا جدا اخااااااااااااااااااااااف اخاااااااااااف من امي وما تعودت اسولفلها او احبها او اتكلم حتى لانها حيل تكرهني حيييييييييييل صدقوووني
والله العظيم حبيت خادمتنا الاولى بشكل ما تتصورونه ابد حتى علمتني اشلون اقول شكرا وكيف حالك بالاندنوسي وعلمتني الحروف والارقام حتى العربي والانجليزي بالمدرسه كنت اشطر بنت بالانجليزي منها اهيا تعلمني وتدرسني وتطبخ وكل شي والله احبها واموت فيها كانت لطيفه رغم اني احيان كنت اذا عصبت اطقها او اسحب طرحتها عليها وتزعل واهيا بعد علمتني اصير مستره والبس عبايه ما كنت البس بس خلتني البس عبايه واتحجب وصرت احب الصلاه منها اهيا بس
قلبي يعورني وكل يوم قبل انام لازم اتذكرها وابكيييييي
زين شنو الحلل
انا كنت اخجل اعرض مشكلتي على احد لانه استحي منها حيل حد يطنز علي

>>>>> ردود الأعضـــــــــــــــــــاء على الموضوع <<<<<
==================================


الله يهدي بعض الامهاات يجيبون عياال ويرمونهم على الخدم ويخلون كل المسؤليات على الخدم يعتمدون عليهم اعتماد كلي... اكبر خطا انهم يعطون عيالهم للخدم يمسكونهم ووتاكل الطفل وتشربه وتنومه وتذاكر له بعد....كاان ماجاابتي عياال احسن !!وربي بعض الامهاات مايستحقوون يكونون امهاات... امهات بلاسم فقط ..الام هي التي تربي مو اللي تنجب..اللي تفكر تحط ولدها ولابنتها عند خداامه لاتفكر تجيب عيال احسن..امهاات كسوولات يعتمدن على الخدم في تربية ابناءهن وكثيرا مانسمع قصص مؤلمه نتيجة تربية الخدم وسمعنا بخادمه سممت طفل وخادمه اخرى قتلت ولدرجة ان خاادمه قامت بعلاقة شذوذ بابنة مخدومتها حسبي الله ونعم الوكيل ...الخدم سلموهم اي شغله الا ابناءكم انتبهو يا امهاات ..انتبهو قبل فواات الاوان ... وديه عند اهلك ولا حطيه بحضاانه ولا انك تسلمينه لخادمه


__________________________________________________ __________

صاحبة المشكله حبيبتي لاتهتمين انتي بعدك صغيره وركززي بدرااستكك واشغلي وقتك وادعي لوالدينك ان الله يهديهم ولاتتضايقين حبيبتي


__________________________________________________ __________

ربنا يجزيها الخير علمتك الصلاة والستره
وان شاء الله ترجع الايام وتلتقي فيها
وامك الله يهديها ويصلح حالها


__________________________________________________ __________

اقسم بالله بكيتيني من قلب
الله يكون في عونك


__________________________________________________ __________

الله يهدي امك اختي انتي الان تقدري تعتمدي
على نفسك في امور زي الاكل والشرب وزي
كذا حاولي تعتمدي على نفسك فيها وماما
حاولي تتقربي منها روحي لها بوسي يدها
وراسها واجلسي بحضنها قولي لها انك
تحبيها حاولي ولا تقولي تكرهك امك ماتكرهك
لان هي تهتم فيكي ما خلتك في البيت لخالك توديكي
لجارتكم هذا دليل جزء من اهتمامها حاولي تنمي اهتمامها
فيكي يعني روحي عندها اذا مو فاهمه شي قولي لها
ممكن تفهميني بأدب