عنوان الموضوع : اموت موت بطئي -لصحتك
مقدم من طرف منتديات نساء الجزائر

اموت موت بطئي



السلام عليكم
بنات انا بدخل بالموضوع على طول
انا عمري 21 طبعا من 4 سنوات كذا تعبت تعب مفاجأ وتنومت قعدت اسبوعين والحمدلله طلعت وبعد سنتين تعبت نفس التعب وتنموت بس هالمره سويت عمليه وبعدها بخمس شهور تعبت مره ثانيه بنفس المرض وسويت عمليه وطحت بالفراش ويقولولي سليمه بس احس اني قاعده اموت موت بطيئ وقالولي ارقي نفسك واستمريت ارقي نفسي سنه ونص من المعاناه والتعب والاكتاب والخوف والحمدلله شفت الفرق الكبير مع الرقيه ووحده من قريباتي حتى هي تعبانه مسحوره وترقي نفسها وانا فهالفتره اقرا عن هالمواضيع كثير وتعمقت فيها وعرفت كل شي لاني عانيت وحسيت جد بنفع الرقيه سبحان الله
المهم ف يوم من الايام طلعن فوق اخذ جوالي ومالقيت الميموري حق صوري مليان صور مدري مين اخذه وقتها كانو الاطفال يلعبون فوق قلت يمكن اخذوه او لعبو فيه وكانت شغالتنا حبشيه رتبت الصاله سألتها شفتي الميموري قالت لا قلت دوري واذا لقيتيه بعطيك زي راتبك وقعددت ادور هي ماشافت مني شر يعني معاملتي معها كويسه المهم واسأل اخواتي ولا شافوه وادوره زي المجنونه وجتني رجفه وخوف وبعدين رجعت سألت الشغاله قالت ماشفته وتعالي فاشيني اذا تبغين وانا عندي ميموري ف جوالي تعالي شوفيه لانها حست اني شاكه فيها المهم قلت لا انا ما اقصد انك انتي ومن هالكلام المهم وبدت معااااااااانااااااااتي تركت الرقيه ماقدرت اكمل ولاصرت اكل واساسا انا تغذيتي صفر ومره نحيفه ونحفت زياده وصارت تجيني رجفه واستفراغ الله يكرمكم وخوف ما اقدر انام ووساوس ودي اصرخ بأعلى صوت ودي اكسر الاشياء اللي قدامي احس الدنيا ضدي والناس مافيهم خير وصرت اكره الجوالات والنت لاني اتذكر صوري واخاف تنتشر وصار عندي وسواس العين والحسد والسحر طبعا لاتلوموني من الظروف اللي مريت فيها صرت اوسوس اقول بيأذوني بصورتي بيعطوني عين او بيحسدوني وبيسحروني واحس اني مقهور مين اخذه ميييييين ؟ ماصرت انام زين صاو لي 3 شهور تقريبا على عالحال عذاب نفسي واتخيل ان الشغاله قاعده تفتش في صوري مع انو الحمدلله صوري مافيها شي مايصلح بس صور وجهي بس مره واضحه المهم وانقهرررررر احس بحرارة القهر في بطني وقلت لاختي قالت عادي انا ضاع ومافكرت فيه استودعت الله .. انا استودعته الله بس كيف ارتاح كيف اتطمن احس خلاص نهايتي بموت من الهلكه ما اكل زين ورحت عند دكتور نفسي عطاني حبوب بغيت اموت زادت الطين بله وتركتها وانا 24 ساعه افكر فيه وكيف ومين اخذه وليش ووش ييسون فيه وافز من النوم وقلبي احسه بيطلع من جسمي واي سالفه فيها شي مو حلو او يخوف اربطها بالميموري صار كابوس كاااابوس خايفه مره حتى راسي صار يوجعني شكيت انو عندي وسواس قهري ابغا اطلع من هالجو ابغا اطنش ابغا اعيش حياتي صرت نفسيه وما ابغا اسوي شي لا اكل ولا اروح ولا جي جثه هامده مدري وش فيني انا عارفه اني عطيت الموضوع اكبر من حجمه بس غصب عني واذا قريت اشياء تطمني اتطمن شوي بعدين ارجع مره ثانيه على هالموال وش الحل معايه ووش ممكن يسوون بالميموري ؟؟؟ يمكن اتأذى منه الله يتلفه ولحد يشوفه ويريح بالي ويطمني يااارب احس الدنيا تسكرت بوجهي يعني تعبانه جسديا ونفسيا وقبل كم يوم قالو عندي جرثومه المعده وعظم مصابي وعيوني احس ماصرت اشوف زين منها نظري مو مثل اول وانا نحفت مره صرت هيكل بس اكل علشان ما اموت
قلت لو بيستمر وضعي كذا بهلك طمنوووووووووني الله يطمنك دنيا واخره ولا يفجعكم
انا دورت في البيت الف مره ف كل مكان مالقيته بكيت عليه كثير لو مات لي احد لاقدر الله يمكن ما ابكي عليه ولا اتأثر هالكثر
وانا من يوم تعبتوبديت في الرقيه وسوست شوي لاني عااااااااانيت بكيت دم ويوم ضاع طااااامه بالنسبه لي بينهي حياتي
يارب ارحمني
والله اني اقولكم وضعي هذا بدون مبالغه ويمكن اكثرر بس الله يفرجها ابغا ارتاح وابغا ربي يرحمني
طمنوني وقولولي انتو قد ضاع لكم او تعرفون احد ضاع له وكيف عادي عندكم ؟ ابغا اصير زيكم اطنش ومتبلده ما قدرت انا اساسا اشيل هم واكبر المواضيع
وكل ما اقول لامي تهاوشني وتقعد تقول تافه السبب وياويلك ان فكرتي فيه وانسيه لانها مافهمت حالتي
المهم تتوقعون هالشي بيصير تافه بعدين وبرجع طبيعيه ؟ وبأنساه نسيا منسيا؟؟؟ الله ينسيني اياه ويجعله في بالي كأن لم يكن ويريحني منه
اخاف اقعد طول حياتي كذا بموت وقتها
طمنوني وقلولي يقدرون يأذوني فيه لا تخوفوني تكفون
الله يفرج هم كل من ترد وتحاول تساعدني
ومين صارلها زي حالتي وبعدين رجعت طبيعيه
جاوبوا على اسألتي كلها الله لايحرمكم الجنه

اهم شي ادعولي الله يرحمني ويفرجها علي وكل كل من ضاقت عليه

>>>>> ردود الأعضـــــــــــــــــــاء على الموضوع <<<<<
==================================


الله يفرج همك و خلي ثقتك في الله كبيرة
و ما يصيبك شيئ ان شاء الله مادام توكلت عليه و استعنت بقدرته و بسلطانه
حاولي تنسي و لا تستعيني بالافكار السيئة و ربنا معاك


__________________________________________________ __________

الله يطمن قلبك وان شاء الله تعثرين عليها

استهدي بالله انتي ثقتك ضعيفة بالله لهل سبب تخافين لا احد يعثر على صورتك وينشرها

نسيت الرب الحافظ وهو قادر على حمايتك يا اختي الله موجود فلا تخافين لا تخلين الوسوس تأثر على صحتك وحياتك ونفسيتك

انتي قولي لأهلك انه ميموري حقك ضاع حتى يكون عندهم علم

وموفقة بأذن الله


__________________________________________________ __________

انا راح ا مني اكثر من موبايل واحد ولااااااااااااااااااهمني فيها صوري اشكال والوان وفيها فيديوهات عائلية كمان الله يهنيه بيها اللي اخدها
انت شكلك عندك وسواس قهري واكتئاب حاد الله يخفف علينا وعليك مانزل


__________________________________________________ __________

اختي انا قبلك ضاع لي اكثر من ميموري صحيح خفت ودعت بس وكلت امري لربي وهالحين نسيت السالفه وعايشه حياتي
الشغله عادي ولا تحملينه اكثر من ما هي مستاهله

يمكن راح بالزباله او اي مكان عاااادي


__________________________________________________ __________

انتى كبرتى السالفة مرة حبيبتى
الامر عادى انا ضاع لى جوال بالممورى وكان فيه صور عادى وله الحين يمكن خمس سنوات
ولا صار شىء ولا فيه اى شىء
الحين انتى لو وجدتى جوال وفيه صور بنت حتى مهما تكون الصور بياخدك الفضول تتفرجين عليها
واخر شىء اذا لم تظهر صاحبته بتاخذين الممورى بتكسرينه

لاتكبرى السالفة الامر عادى مرررة و لاتاخذين ادويه نفسية ترى تتعبك وتتعودين عليها
انتى تبى جلسة صراحة واعادة ثقة بالنفس مع اى بنت قريبة منك اختك امك

حتى لو هنا فى المنتدى

وجع مكتوب خيرا الف مرة من وجع مكبوت

فخرجى ما فى قليك واقدمى على الحياة بحب وانسى الهم ينساك صحتك تتاثر حبيبتى بهذا الفكر والوساوس ووتجبين لحالك المرض والقولون العصبى والضغط الله يعافينا ياري
انتى بخير ولاتكبرى السالفة