عنوان الموضوع : مشكلتنا مع خوالنا -تم الاجابة
مقدم من طرف منتديات نساء الجزائر

مشكلتنا مع خوالنا



السلام عليكم
اخواتي الكريمات ...
اسفه لاني دخلت منتدى كبار ، بس مالقيت احد افضفض له غيركم ..
انا بنت عمري 11 سنه
تعاني اسرتنا من مشاكل مع الخوال ، ( اهل امي )

ف بعض الاحيان تسير مشكله بين امي وجدتي ، واخر مشكله صارت ب عيد الاضحى
قمت الصبح ولقيت امي بالصاله ، وجدتي بتجيب القهوه ، ويوم جت جدتي قالت لامي :- تعالي للقهوه ، نفسك شينه وزي كذا ، وامي قالت :- طيب انا مو نفسي شينه !
---
وجاء كلام كثييير كثييير وهواش ووووو ..

بعدين امي راحت حجرت نفسها بالغرفه اللي كنا ننام فيها ، او انها تطلع شوي اذا صارت جدتي بالمطبخ او اي مكان ثاني .

بعدين بالليل كنت عند باب المطبخ ، وكانت جدتي فيه ، ونادتني وقالت اللي عانته من جدي الله يسامحه ( بس ماراح اذكره احتراما له ) بعدين صارت تقول لي كلام عن امي وانا صراحه تفآجأت جدا جدا ! ( اسفه ماراح اذكره )
وتعجبت ان هذي امي ! ، بعدها يوم رجعنا لبيتنا :- امي قالت لي كلام !

اصدق مين يعني !
مابي اخسر امي ولا جدتي :'(
وجيت بكلم امي ب موضوع الخناق اللي بينها وبين جدتي ، قالت تكفين لاتجيبين الموضوع مالي نفس ، وضاع الكلام اللي كنت بقوله .

وخوالي مايعطوني وجه الا ثنتين وهم م.ا و ع.ه ، بس ع.ه مادري شفيها متغيره علي شوي بهذي المره ، بس الحمدلله على كل حال .

واكثر وحده ماتعطيني وجه واحسها ماتحبني هي خالتي ه.د ...
مع اني ماسويت لها شي ! وتحب عيال خالي ر.ا و ر.ن و ف.د
وتحبهم مره وماتبي احد يسخر منهم ولا يقولهم شي !
اما انا :- تسخر مني بعض الاحيان ، ماتسولف معي واذا سولفت معها تسلك لي وتحاول انها تفر مني باي طريقه ، وفيزموقف حصل معي يدل على ذلك :- كنت مره بوريها شي بجهازي .. ونادها ولد خالتي :- ه.د ه.د ! تعالي بسرعه لقيت حل للعبه ! وطارت له خالتي ويوم رجعت ماكلفت نفسها ترجع لي او تقول اسفه ! عاد انا انقهرت وبقوه ! وهذا يدل انها كانت تبي تفر مني باي طريقه كانت .

وانا صراحه طيبه مع الكل واحاول ان اشتري لخالاتي اشياء بسيطه وهدايا اذا عطاني ابوي فلوس .

وماعمري خربت شي من اغراضها او ضايقتها او اي شي كان ..

صراحه صرت اكره اننا نروح لجدتي ، فهم مايرحبون فينا زين زي خالاتي اذا جاءوا ، فهم زي اللي يتضايقون منا ومايبوننا نجي :"(

ولما اشوف صديقاتي مع خوالهم طلعات ووناسه صراحه انقهر واشوف ماشاء الله علاقتهم مع خوالهم ..

ف تكفون في حل ؟!
وجزاكم الله خير ..
وارجو من الاداره رفعه
والسلام عليكم ورحمه الله وبركاته

>>>>> ردود الأعضـــــــــــــــــــاء على الموضوع <<<<<
==================================


الله يسهللك مرادك باين انكي طيبه الله يفرحك


__________________________________________________ __________

حبيبتي انت لساتك صغنونة استمتعي بطفولتك وبراءتك بلاش تتعبي نفسك بالمشاكل من دلوقتي وتمرضي عقلك خلي المشاكل حتى تكبري متفكريش في حد ولا تحملي هم حد ربنا يوفقك


__________________________________________________ __________

يااحيااتي

فديت قلبك ..

مهما كانت المشكلات بين أمك وأهلها مصيرها تنحل والظفر مايطلع من اللحم .

وكل الناس تصير بينهم وبين أهاليهم مشاكل ولكنهم يرجعون يتصالحون .

والكلام إللي قالته جدتك عن أمك دخليه من إذن وتطلعيه من إذنك الثانيه .

ولاتقولين لأمك الكلام إللي قالته جدتك لأن بيتأزم الوضع وإنسي الكلام .

وجدتك قالت كذا لأنها زعلانه من أمك وتشوف أمك الغلطانه ونفس الشئ أمك تشوف أهلها

هم الغلطانين .

وأخوالك وخالاتك أكيد يحبوونك بس المشاكل بينهم وبين أمك معكره صفو الأجواء .

فبإذن الله بتنحل المشاكل عن قريب .


__________________________________________________ __________

حبيبتي لاتهتمين بمشااكلهم ولاتدخلين نفسك فيهم ولاتفكير كثير بهالامور لانك بتتعبين كثير ...وواضح ان لكل شخص لعايلتكم عنده مشكله والمشااكل كثيره وخليهم يحلونها بينهم لاتهتمين بكلام جدتك ولا بكلام امك ...بعدي نفسك عن مشاكلهم وشغلي نفسك وركزي بدراستكك والله يوفقكك


__________________________________________________ __________

ما شاء الله احس انك ذكيه ومو بسهله هههههه ... انتي باقي صغيره وطنشي المشاكل واهتمي بدراستك أفضل لك