خلعت زوجي وتقدم لي شخص ورفضته عشان . . . -تم الاجابة
عنوان الموضوع : خلعت زوجي وتقدم لي شخص ورفضته عشان . . . -تم الاجابة
مقدم من طرف منتديات نساء الجزائر
خلعت زوجي وتقدم لي شخص ورفضته عشان . . .
السلام عليكم
اخباركم حبيباتي
اممم انا لسه كم شهر من خلعت زوجي طبعا مجرد ملكة يعني مازلت بنت بكر ماسويت ﻻعرس وﻻغيره
والاسبباب ان اخلاقه جدا سيئة وراعي مخدرات الله يستر علي والحمدلله ان الله فكني منه ومادرينا ب هالاشياء اﻻ بعد الملكة الله يخلف على حظي بس
ويعوضني خير
وماشاء الله تقدمو لي ناس يبوني بس لاعرفو ان خالعة زوجي يتراجعون
مو الامهات الرجال هم متخوفين من هالشيء مو مهم اهم شيء اني مقتنعه انا وهم الحمدلله والشكر مايقدرون الاسباب
من كم يوم تقدمو لي ناس وكانو عارفين بوضعي شافتني الام وعجبتهم
بس خلوني اقولكم شروطها
تبيني اعيش بنفس البيت بحكم بيتهم كبير رضيت ب هالشيء يعني بيكون لي غرفتين وحمام وانتو بكرامه بس رضيت وقلت مو مشكله دام ماعندهم عيال كبار
حالة ولدها المادية جدا عاديه راتبه 3000 بس وظيفته شركة رضيت الرزق من الله والشغل مهوب عيب
ديرتنا بعيده عن ديرتهم يعني حول 30 كيلو وبعيدهه جامعتي عنهم رضيت
لكن اللي مارضيت فيه انها قالت المهر من 20 ل 25 هنا انا سويت سالفة سلامات !!!!!!! قالت لها امي ﻻ مايكفي ورانا شبكة ورانا مدري شنو قالت بخليها 30 قلت ﻻ 35 ﻻن قبل مهري كان 35 ليه يعني الحين يصير اقل وبعدين انا خسرت بالاول خسرت له ودفعت من عندي برضو ﻻني صرفت شوي من المهر
ف رفضت هي هالشيء مع انها حاولت معنا كثير قلت لامي يعني عجزانه عن 5 اﻻف الله يهديها )
انا ماني ندمانه بس كان عاجبني عمر ولدها انه صغير 23 ابي كذا يناسبني .مابغى كبير
لكن الحمدلله على كل حال
هل اللي سويته صحيح من حقي اني اطلب مهر كذا كل شيء غالي ومحد بييساعدني ابد ﻻني يتيمه
وربي اني انظلمت بصغري وبمراهقتي وحتى بفرحتي بزواجي
لكن الحمدلله الله يعوضني ويرزقني من فضله . دعواتكم لي
وحسبي الله ونعم الوكيل بالظالم اللي قبله وباهله اللي غشونا وحسبي الله ونعم الوكيل بكل من ظلمني وقهرني .
نزلو موضوعي ماعندي احد افضفض له دونكم
اللهم صل وسلم على نبينا محمد
>>>>> ردود الأعضـــــــــــــــــــاء على الموضوع <<<<<
==================================
،،
صرآحة آنا آوافق آنه من حقگ تحددين آلمهر ، بس طبعا لآزم ترآعين ظروفه إذا گان مآيقدر
إذا گان رجال آخلآق و آدب و يشتغل و حآلته الماديـة حلوة و منـاسب لعمرگ لآتضيعينه من يدگ ..
و حددي آلمهر آللـي يگـون گ أقصى حد لقدرتـه هو و أهله .. و ربـي يوفقگ ويتمم عليگ يآقلبي
مودتـــي ..
__________________________________________________ __________
اوافق اختى غموض الورد فى كلامها
وربنا ييسرلك الخير كله
الزواج الصالح لا يقدر بثمن
__________________________________________________ __________
انا برايي كل شروطهم غلط بغلط ولو انا بدالك مارضا فيهاا هذآ راي شخصي وانتي عاد بكيفك العيشه مع اهل الزوج تقصر بالعمر اسمعيها مني كل عروسه تبي بيت خاص فيها تاخذ راحتها وتلبس اللي تبيه مو لازم تمشين على عاداتهم وتقاليدهم ولا تقدرين تاخذين راحتك وانتي توك عروسه وبعد المهر 25 بكل قله ادب قايلينهاا وراتبه 3000 راتبه مو حلو ابدا ولا يقدر يوفي لك كل حقوقك لاتقولين الفلوس مو مهمه بالعكس الحين نص المشاكل بسبب الفلوس اكثري من الاستخاره بس لاتتسرعين لانك بس تبغين واحد بعمر 23 ياشيخه يلعن العمر لو عمره 60 المهم يسعدك ويعطيك حقوقك الزواج انك تفتحين بيت خاص فيك وحياه خاصه فيك حلوه تعيشين مع اهله .!! ماعمري سمعت بوحده متزوجة عاشت مع اهل الزوج ومرتاحة من كل النواحي لازم فيه شي يضايقهاا حتى لبسك ماتاخذين راحتك فيه ولا لك صاله خاصه تقعدين فيها براحتك ومطبخ خاص فيك حتى لما تجين تطبخين مالك مطبخ خاص وحريتك ماتاخذينها لازم تحسين ان اهله مشاركينك ف كل شي وانتي مع اهلك البيت لهم الحياه الزوجية انك تطلعين لبيت خاص فيك مو من اهلك ل اهل الزوج فكري بالموضوع اكثر واكثري من الاستخاره ليه تعيشين حياه الفقر ؟ انتي مجبوره عليها ؟! يمكن تعيشين بمشاكل مالها نهايه لاتتنازلين عن حقوقك يحق لك مثلك مثل اي بنت يكون لك بيت خاص فيك وتعيشين حياتك زي ماتبينهاا اللي جابه بيجيب غيره وخصوصا لو قعدت امه تدخل بلبسك والا تكايدك بحركاتها وماتدرين البيوت اسرار يمكن مايظهر عليها ذا الا بعد الزواج وبعدين لو جبتي عيال بس غرفتين وحماام !! واقسم بالله ولا البدروم غرفتين وحماام .! وش الحصره ذي برايي ذا سجن مو زواج لاتقللين من شان نفسك بس لانه عاجبك عمره انتي لك حقوقك ولك حياتك الخاصة الحياه الزوجية مو يوم والا يومين يمكن ل اخر الحياه تستمر لآتدخلين نفسك بمتاهات اذا تنازلتي عن حقوقك من الحين صدقيني بتعيشين كل حياتك على التنازلات الله يوفقك ويكتب لك اللي فيه الخير
موفقهه
__________________________________________________ __________
من حقك تحددين مهرك
وهل شئ لا عيب ولا حرام والله يسعدك ويهنيكي
__________________________________________________ __________
من حقك ي قلبي
رد مع اقتباس
