عنوان الموضوع : قصيت شعري الطبيب يجيب
مقدم من طرف منتديات نساء الجزائر

قصيت شعري



بدخل بالمشكله على السريع
يوم الثلاثاء كل بيتنا نايم وانا نظام نومي مخربط يعني انام العصر واقوم كذا الساعه 11 او 12
الزبده كنت بتروش ولقيت مقص وانا شعري مره متقصف قلت بقص اطرافه بعديين بستشوره واسترته
تروشت وخلصت فردت شعري بقص اطرافه والمقص شوي خربان يعني مايقص بسرعه
قصيت الي على اليمين ومره يعني طوله زين
قلت بسم الله وبقص الي على اليسار
وقصيته وطلع اقصر من الي على جنب
الزبده قلت ياويلي من امي ياويلي من امي قامت اختي قالت قصيتيه قلت اطرفه بس
قالت ياويلك من امي
انا هينا صدق يعني خفت بقوه اول مره ارتكب جريمه مثل كذا < كأني كبرت المشكله شوي ؟
بس صدق يعني شعري مره طلع قصير ومره مبين انه مقصوص
وبكره مدرسه وفوق البلشه بلشه ثانيه
رحت سترت شعري لاني للحين مب مصدقه اني قاصه شعري
ولبست بلوفر ودخلت شعري عشان امي ماتشوفه (
وسويت ذا الحركه يوم الاربعاء والخميس وكل ما رجعت للبيت سويت كعكع
الزبده يوم الجمعه والسبت برضو مسويه كعكع
السبت تروشت وفردت شعري وسميت بسم الله عشان اواسيه وبدل مايصير واحد قصير والثاني طويل يصيرون كلهم قصار (
الزبده قصيته وصار قصير مره
وجدلته جديلتين عشان بكره بالمدرسه يصير مكسر
وحطيت الفوطه علي وماجت الساعه ست المغرب الا وانا نايمه
قومتني امي عشان اروح المدرسه
قمت ودخلت الحمام وفكيت شعري طلع مره قصير
وابد ابد ماكان قصدي اقصره بس عشان اواسيه
الزبده وحطيت الفوطه ورحت عند امي قلت يمه تكفين بغيب قالت طيب وغبت
-
وانا مره خايفه لاني ماقلت لامي اربعاء خميس جمعه سبت
تكفون قولو لي وش أقول لأمي ؟
يعني كيف اقول لها ؟
امي ابد ماعطتني فرصه اجلس معها واكلمها دايم منفسه
وانا والله ماكان قصدي اقصه لين كتفي كنت بقص اطرافه
بس صدق مره ندمانه يعني
زبدة المشكله كيف اقول لأمي انا مره خايفههههه ؟؟؟؟؟؟؟؟؟؟

>>>>> ردود الأعضـــــــــــــــــــاء على الموضوع <<<<<
==================================


عادي قولي لها كنت بقص اطرافه وعشان فيه مويه بان طويل و قصيت وبعد ما نشف قصر ما كنت ادري انه وهو فيه مويه يفرق و هوجاف والشعر يطول عادي


__________________________________________________ __________

حبيبتي واجهي الامر عشان ترتاحين , فكيه جدامها فجأه ولين سألت ليش جذا صاير , قولي لها المقص يمي , جان في تقصف وابي اوسي جان المقص ينزلق مني ويقص معظمهم ,,,
ماعندج حل غير تواااجهي عشان ترتاحي
والله يسهل امرج والله شلت لج الهم !


__________________________________________________ __________

من كلامك مبين انك صغيرة
حبيبتي المفروض تروحي لأمك تقصه لك أو كوافيره فاهمه بالقص لا عاد تلعبي بشعرك
واجهي مامتك وقوليلها المقص خربان
كذا ولا كذا راح تشوف شعرك بتخبيه ألين متى يعني


__________________________________________________ __________

ذكرتيني بنفسي لما كنت مراهقة سويت نفس حركتك وقصيت شعري بس كان شعري مرة خفيف وامي مانعتني اني اقصه وكنت كارهه هالشي لأنه مع الطول يبين خفيف مرره بس انا جازفت وقصيييييته بنفسي وامي لما شافته هزززززأتنييي تهزيئة محترمة وتفلت بوجهي كأني مسويه جريمة ورغم مرووور سنييين على هالموقف الى الحين مانسيت تهزيئة الوالدة 😁😢(الله يسامحك يا أمي ) بس تعرفين الحريم الكبار عندهم كل شي إلا قص الشعر
>>>>>> أحكي قصة حياتي 😂😂
ع العموم ياصاحبة المشكلة اللي صار معك صار وشعرك وقصيتيه يعني الى متى بتعيشين بالهخوف مالك الا تواجهين امك وتوقعي انها راح تهزأك بس ميخالف لا تصيرين حساسه وتزعلين منها أمهاتنا يبون مصلحتنا
وتقبلي التهزيئه والهواش منها بروح رياضيه.
أتمنى لك التوفيق صغيرتي❤️


__________________________________________________ __________

ههههههههههه والله ذكرتيني بنفسسسسسسسسسسي
لما كان عمري 13 و14 داااااايم كنت العب بشعري واقصه
وداااااااااايم اتهزئ وربي , صحيح لما اقصه اخاف من امي لحظتها
بس احطها قدام الامر الواقع انقص خلاص وش بتسوي ! ههههههه

واجهي امك حبيبتي , وحطي في بالك انك بتتهزئ سوا اليوم او بكرة
بتتهزئ خخخخخ , عادي كلنا مرينا بنفس موقفك

موفقه