تهاوشت انا وزوجي وافكر انفصل -تم الاجابة

[aksachli]

عنوان الموضوع : تهاوشت انا وزوجي وافكر انفصل -تم الاجابة
مقدم من طرف منتديات نساء الجزائر

تهاوشت انا وزوجي وافكر انفصل



ياليت تنزلون موضوعي


تحيه طيبه

اخواتي الكريمات اعاني من مشكله مع زوجي بدت من من اربع اشهر وهي الغيره الزايده عن اللزوم و حصاره وتقيديه لي في كل الامور والكبت والخنقه

كان شخص طبيعي وعادي جدا يغار الغيره العاده لكن الموضوع زاد وتطور وناشب على كل شي

بذكر لكم كم موقف واحكمو هو يعرف ان عملي اختلاط لكن كي شخص قاعده في مكتبه ولحاله فمره جا عندي وشاف في مكتبي ثلاث متدربين المتدربين بس بياخذون اوراق المحاضره ويطلعون يعني مو قاعدين نسولف ونضحك وانا علاقتي سطحيه بس سلام واخلص شغي وخلاص شافهم ما اعجبه
فقام يسال ويستفسر وومن هم وش اسمائهم اقوله فيه شي يقول لا بعدين قالي وليه انت تشتغلين هالشغل قلت انت عارف طبيعة عملي اختلاط مو اول مره قالي ايه بس ماتوصل زي كذا قلت انت اكثر من مره تجي وتشوف ناس عندي في المكتب ليه هالمره دققت قالي لان شكلهم مو طبيعي في البيت قام يسأل اسئله كثيره عن الشغل ومن اشوف ومع من اقعد وليه اسوي كذا وليه اروح واشياء ماقد سأل عنها بعدين قام يتهاون يبني اترك الشغل يقوم متاخر يجي متاخر يسوي حركات يحاول ينرفزني عشان اترك الشغل قلت له شف اذا انت تعبان مو مشغول اخلي اهلي يرسلون لي السواق يوديني ويجبني تعدل وضعه مع انه يسوي حركات
الموقف الثاني رحنا انا وياه نتغدى في مطعم كان قاعد زي المراقب ويوم جا الجرسون ياخذ الطلب قالي وش معنى جا لنا حنا قلت لان حنا دخلنا الان ومافي احد دخل بعدنا قالي جيتي هنا من قبل لحالك قلت انا واختي قال يعني يعرفكم قلت ما يعرفنا مجرد جرسون

مواقف كثيره لاتحصى مايخلني اقعد مع ابوه او اي احد من محارمه مايحبني اسلم على اعمامي وخوالي يكره اجيب طاري رجال غيره حتى عيال اخوانه صغار شوي يموت ان قربت منهم كل يومي يكون عباره عن تحقيق واسئله ويسوي حركات غريبه بديت اشك انه مفصوم مايخلني اروح السوق لحالي اول كان يخلني اروح عادي هالحين هو الي يروح ويكلم البياعين وهو الي يخلص كل شي ابيه المهم ما احتك او اقرب من رجال وفي الدوام يدق علي من كلمك اليوم من قعد معك انا قمت اصرفه واطنشه وخلاص طفشت منه ومااعطيه وجه وجاني برود من ناحيته

جلست معه قلت له انت ليه تغيرت وش فيك هالاربع اشهر تحولت انسان ثاني قالي انا ابيك لي وبس قلت حب تملك يعني قال سميه الي تسميه مابي احد قلت وش فيك سامع شي شايف شي انا تصرفت تصرف خلاك كذا قالي لا بس مابي احد يقرب منك قلت طيب ابوك واخوانك الصغار وعيالهم واعمامي وخواتك وامك واهلي ليه وش مشكلتهم قالي مابي احد يشاركني فيك قلت طيب وش رايك نروح لعياده او لمستشار زوجي قالي انا مو مجنون واعرف وش اسوي قلت له اجل شكلك مسوي شي غلط وخايف ربي يبتلك فيني انا قلت ذي الجمله وهو تحول لكائن اخر وانا بس مصدومه اناظر فيه وماحبيت اتكلم خفت يصير فيه شي او يموت

طلع من البيت وانا على طول ماصدقت رحت على بيت اهلي وخبرت امي بالسالفه وامي انصدمت قالت معقوله هو مسوي كل هالاشياء بعد ثلاثة استمر يتصل ويرسل وجى عندنا ورفضت اقابله وارسل اهله وامه وابوه انصدمو من كلامي عنه حتى امه بنفسه قالت انا كل ما قلت له ليه ما تجيب زوجتك وليه ما تكلمنا يعصب ويصرف لاني احس نفسي عافته كانه مجنون مريض مادري وش فيه انا ذكرت لكم مواقف بسيطه لان فيه مواقف ماتنقال
انا قلت لاهلي خلاص بنفصل عنه لاني موقادره اتحمل الحياه معاه واذا يبني ارجع لازم يتعالج او يشوف دكتور وضعه مو طبيعي ابوه اجبره يروح لشيخ وقاله الشيخ مافيه شي ماشاءا لله عليه بس هو الشي الي عنده نفسي الغيره مسيطره عليه تجيبونه اقرا عليه اهديه بس هو لازم يتعالج ويقرا على نفسه بعد ورفض رفض تام
بعد كم من يوم امه دقت علي تترجاني ازورهم تقولي انه جا انهيار عصبي وهو بالمستشفى وتبني اروح اشوفه
رحت زرته وكان نايم ورجعت انا حاسه بتأنيب الضمير اني ماتوقعت يصير فيه بس بعد ماودي ارجع له و اعيش بعذاب وجحيم ومراقبه طول الوقت

>>>>> ردود الأعضـــــــــــــــــــاء على الموضوع <<<<<
==================================

ربنا يفرج همك أختي ويشفي زوجك أكيد هو عندو مشكل نفسي اصبري شوي حبيبتي مو بخاطره استخيري الله وادعيلو وربنا كريم

__________________________________________________ __________

هذا يدل انه يحبك موت
الشي الثاني حطي نفسك مكانه وشفتيه في العمل مع بنات في المكتب
فمابالك انه رجل وىلرجل غيرته قويه ، وحتا في الحيوانات اعزكم الله الذكور اشد غيره على إناثه
ودخوله للمستشفى دليل حبه لكي ،،، للاسف اكثر الطلاقات الحاصله في بلدنا سببه وضيفه المراءه وبلخصوص لمن تكون شغاله في مكان فيه اختلاط، لاتقولي مريض هذا شئ طبيعي ممكن هوه حاول يصبر فتره معينه وماقدر يتحمل
حاولي يختي لو تحولي شغلك في مكان مافيه اختلاط والا اتوقع انك حتخسري زوجك لاسمح الله.

__________________________________________________ __________

اللهم الف بين قلب أختنا وقلب زوجها كما الفت بين قلوب عبادك .. اللهم سخره لها فى الخير كما سخرت البحر لموسى ..
اللهم أجعل بينهما من الموده والرحمة أفضلها ..وأرزقهما الصبر والحلم أكمله ..وأجعلهما على منابر من نور ..
وأسعدهما معا وبقربهما..في الدنيا وفي جنه السرور . اللهم أرزقهما العفاف..... يارب العالمين

__________________________________________________ __________

المشاركة الأصلية كتبت بواسطة عالم الخياطه بلس هذا يدل انه يحبك موت الشي الثاني حطي نفسك مكانه وشفتيه في العمل مع بنات في المكتب فمابالك انه رجل وىلرجل غيرته قويه ، وحتا في الحيوانات اعزكم الله الذكور اشد غيره على إناثه ودخوله للمستشفى دليل حبه لكي ،،، للاسف اكثر الطلاقات الحاصله في بلدنا سببه وضيفه المراءه وبلخصوص لمن تكون شغاله في مكان فيه اختلاط، لاتقولي مريض هذا شئ طبيعي ممكن هوه حاول يصبر فتره معينه وماقدر يتحمل حاولي يختي لو تحولي شغلك في مكان مافيه اختلاط والا اتوقع انك حتخسري زوجك لاسمح الله.

يا اختي من قالك والله في حريم قاعدين في البيوت لا وظيفه ولا شي وزوجها حابسها وخنقها
فيه فرق بين الحب وحب التملك هذا شكله فعلا يحب يتملك لدرجة ان بعد اهله واهلها ما يبي يكون بينهم تواصل ويغار عليها منهم غيره مرضيه واضح وكلامه واسئلته فيها شك
واضح انها غيره مرضيه ويبي له علاج نفسي ورفضه للعلاج دليل على انه عارف وش علته ومايبي يتعالج
ويمكن هو كان يغار بس كان مجمع كل شي مره واحده وضغط على نفسه لحد ما انفجر مره واحده وصار يتصرف تصرفات غريبه عجيبه ويحط حجج واعذار
اولا استخيري ثانيا لازم ينعرض على دكتور وتدعميه في فترة علاجه وتساعديه مو شرط تكوني معه على طول بس عشان الامور تكون هاديه بينكم وبعدها تغير كان بها ما تغير شوفي الي يناسبك

__________________________________________________ __________

المشاركة الأصلية كتبت بواسطة عالم الخياطه بلس هذا يدل انه يحبك موت الشي الثاني حطي نفسك مكانه وشفتيه في العمل مع بنات في المكتب فمابالك انه رجل وىلرجل غيرته قويه ، وحتا في الحيوانات اعزكم الله الذكور اشد غيره على إناثه ودخوله للمستشفى دليل حبه لكي ،،، للاسف اكثر الطلاقات الحاصله في بلدنا سببه وضيفه المراءه وبلخصوص لمن تكون شغاله في مكان فيه اختلاط، لاتقولي مريض هذا شئ طبيعي ممكن هوه حاول يصبر فتره معينه وماقدر يتحمل حاولي يختي لو تحولي شغلك في مكان مافيه اختلاط والا اتوقع انك حتخسري زوجك لاسمح الله.

انا مع كﻻم اﻻخت
ﻻتخسري زوجك