ساعدوني ياناس وريحوني -لصحتك

[aksachli]

عنوان الموضوع : ساعدوني ياناس وريحوني -لصحتك
مقدم من طرف منتديات نساء الجزائر

ساعدوني ياناس وريحوني




السلام عليكم ورحمة الله وبركاته

بصراحة أنا في هم وحزن وأتمنى أنكم تساعدوني عشان أرتاح ولولا ثقتي فيكم ماكان دخلت هالمنتدى وفضفضت فيه' المهم أنا فتاة عمري ?? سنة ونص تقدم لي شاب ذو دين وخلق عمره ?? سنة ومطلق والحالة المادية ممتازة وأهله ناس طيبين وأهلي مرتاحين لهم....المهم فالبداية أنا رفضت بس بعدين صليت استخارة ولزمت علي أمه اني افكر فكرت وقلت الرجال طيب وراح يعيشني بسعادة وخير وافقت واستانس الكل الرجال وأهله وأهلي بعد ، رحنا وسوينا فحص زواج وطلع سليم ولله الحمد بس بعدين قبل مايجون عندنا بيوم عشان نملك وكانوا مجهزين كل شي وفرحانين أنا رفضته وكلمت أبوي وأهلي زعلوا مني بسبب الي سويته وأني حطيتهم فمشكلة وحاولوا يقنعوني بس ماقدروا ، اتصل ابوي بالرجال وقاله عن رفضي له وأعتذر له وقاله مافي نصيب وأكيد الرجال زعل كثير لانه حب عايلتنا وكان يتمنى أنه يصاهرنا وكلمني بصراحة وزعل وترجاني أني أوافق وحاولت بس ماقدرت واحس اني كسرت خاطره وقلبه برفضي له وقالي عبالج مشاعر الناس لعبة وراح يجي يوم وتحسين في اللي سويتيه فيني بس بعدين انا فهمته سبب رفضي لي واعتذرت له عن الي سويته فيه واستسمحت منه وسامحني وأنا بصراحة رفضته لاني مو مقتنعة فيه ولاعمره والفارق الي بينا(?? سنة)وأحس أني مو متقبلته وهاذي زواج مو لعبة اذا انا الرجال مو متقبلته ولاعمره مآأتخيل أعيش معاه!!!

عمي قالي كلمة قال(تذكري اللي سويته بالرجال راح يجي يوم ويتقدم لج رجال ويرفضج ويكسر قلبج مثل ماكسرتي قلبه) وكلامه لي للحين يرن بأذني ومو قادرة أنساه مع أن السالفة مر عليها أكثر من شهر المهم ولد خالي يبيني وأنا أبيه ويبي يتقدم لي وأنا بصراحة أحبه من زمان بس خايفة يتقدم لي وأوافق وأتعلق فيه بس بعدين يرفضني ويكسر قلبي وخاطري...


ساعدوني ياناس وريحوني شوي لاني بصراحة حالتي حالة بعد الي صار وياي''

>>>>> ردود الأعضـــــــــــــــــــاء على الموضوع <<<<<
==================================

تبين اللي انتي تحبينه !!
والاول وش ذنبه ؟ وش عذرك ترفضينه وتكسري قلبه ؟
وليتك رفضتي من البدايه مو توافقي وترفضي وتجرحينه
والله يهديك خذي اللي يحبببك مو اللي انتي تحبينه

__________________________________________________ __________

نصيحه مني لاتخافين ولا شي
انتي ماكنتي ناويه تكسرين قلبه, انت رفضتي ولك سبب وهذا من حقك
اما كلامهم لاتصدقينه لانه هذا زواج مو لعبه , والمفروض الرجال يكون فاهم هذا الكلام
والحمدالله انت رفضتي قبل الملكه , وقبل الدخله يعني قبل الزواج مايتم , وهذا من حقك
حطي في بالك انت ماغلطتي
ومن حقك تقررين مصيرك , وبالنسبه للي صار عادي انت كنت تاخذين وقتك مافيها شي ..

__________________________________________________ __________

لاتخافين مقدر ومكتوب ويمكن خيره لك
لاتتأثرين بكلام من حولك لأن هذا هو أختيارك

__________________________________________________ __________

الزواج مو غصب و محد بيجبرگ ع شيء
بس شنو عذرگ لأنگ رفضتيـه ؟
رجل أخلاقه عالية و فيه مواصفات فارس أحلام گل بنت بس عيبه أنه مطلق
وش بيقولون الناس ؟! .. بيقولون فيها شيء أو من ناحية ثانية
أنتي استخرتي و أرتحتي و گان گل شيء سليم و وافقتي .. و لما صار گل شيء رفضتيـه
ليـه مـا رفضتي من البداية ، بـس بالنهاية الزواج مو لعب .. و محد بيجبرگ
و لا تخافين من أي شيء ..

__________________________________________________ __________

المشاركة الأصلية كتبت بواسطة وعد ماشارك مع منتدى غيركم نصيحه مني لاتخافين ولا شي انتي ماكنتي ناويه تكسرين قلبه, انت رفضتي ولك سبب وهذا من حقك اما كلامهم لاتصدقينه لانه هذا زواج مو لعبه , والمفروض الرجال يكون فاهم هذا الكلام والحمدالله انت رفضتي قبل الملكه , وقبل الدخله يعني قبل الزواج مايتم , وهذا من حقك حطي في بالك انت ماغلطتي ومن حقك تقررين مصيرك , وبالنسبه للي صار عادي انت كنت تاخذين وقتك مافيها شي ..