عنوان الموضوع : راح يجنني ؛( -لصحتك
مقدم من طرف منتديات نساء الجزائر

راح يجنني ؛(



السلام عليكم ورحمة الله

يا اخوات زوجي راح يجننني .. صاير عديم احساس و ماعنده مسئوليه
و صاير حيل اتكالي مع اني اتبعت معه اكثر من طريقه
انا بقول لكم القصه:-

زوجي بس يحب دراسته و يعشق شي اسمه دراسته مستعد يضحي
ب العالم كلها هشان دراسته .. وانا ما عندي مانع حلو الشخص يصير عنده طموح ..
وانا ضحيت عشان هو يدرس واوقف معه في دراسته
بس مشكلته انه مهملني انا و عياله
انا اوكي ماعدت ابي منه شي بس عياله ع الاقل هو صحيح ما يقصر ب الفلوس
بس ب الامور الثانيه
يعني تخيلو يجيب لي كتب عن التربيه و يقولي اقري و تعلمي
عشان نربي عيالنا و هو ما يطبق ولا شي من هاذي الامور

واسلوبه ب التربيه غبي معليش اعذروني انا اعطيكم مثال

كنت مره ب الحمام عزكم الله .. و طلعت على صراخ بنتي عمرها 3 سنوات
ورحت اركض الى باب الغرفه مقفل عليها و هي بروحها وانا بس احاول
افتح الباب تخيلو جاني و يقول خليها انا معاقبها
وش هالاسلوب الحيواني بنت صغيرها تتعاقب ب الحبس عشان سبب سخيف
وهي تصرخ و تبكي مثل المجنونه من الخوف ب القوه فتحت الباب
و هو زعل << بكيفه يزعل اهم شي بحياتي عيالي انا اموت بس ما يصيبهم شي

ومو بس هاذي السالفه احيان اضطر اخلي العيال معه والله انه ما ينتبه لهم
كنت مره طابخه الغدى و قلت له بس بصلي و بجي احط الغدى انتبه للعيال
عشان لا يدخلون المطبخ لان المطبخ ماعليه باب
ورحت اصلي وانا متئكده ماراح ينتبه لهم
طلعت اشوف بناتي جايبين كرسي و جالسين عند الفرن و وحده فوق الفرن
و كابين النسكافيه و الملح كله ب القدر
ب العنه الاكل اهم شي هم و هو حضرته جالس ع الكمبيوتر ويوم كلمته قال
انا بس سهيت عنهم دقيقه و حده اما عاد ولا يقولي اجل مافيه اكل اليوم
قلت له تبي غدا روح المطعم

و مره طلبت منه ينتبه لهم طلعت لاقيت البيض والملح و الطحين وعفست الثلاجه مطلعينها و مخلينها ب الصاله ع الفرش و الكنبات
واذا كلمته يقول عذره الدايم سهيت عنهم بس دقيقه


ادري بتجون تقولون لي الرجال مو مسئول عن العيال
انا ادري و ما ابي منه شي غير ينتبه لهم في وقت الي بصلي
او اني ادخل الحمام

والحين هو ما يحب يطلع العيال يقول انهم يطفشون في الطلعه
على كل شي يتحججون و يطلبون و يعصب عليهم

قلت له شي طبيعي الاطفال بي اعمارهم ينعجبون و يبون العاب و شغلات
بس احنى نفهمهم بشويش ان مو كل شي يبونه ياخذونه ومن ذي الامور و مافيه فايده معه

و تخيلو انا شايله كل امور العيال و البيت على راسي حتى عزبة البيت انا
الي اشتريها لان لو كتبتها له يجيب غير عن الي ابي ما يعرف شي
قلت عادي و مسئوليت العيال كلها والله علي هو بس يدفع
والمشكله و القهر زبالة البيت وانتو بكرامه ما يرضى يرميها
يقولي ليش انتي ما ترمينها
قلت له ذي مو شغلتي شغلتك انت مو كل شي علي انا
صار يخلي الزبالات تتجمع داخل البيت بعدين يفكر يرميها

اما اسلوبه معي انا ... طول وقته دراسه واذا جى يبي فراش
والله صرت اكره الفراش اجير نفسي انام معه وامثل عليه
و يقهر في كل مكان يشوفني ب البيت يجي يبوسني و يسوي حركات انه يبي ذيك الشغله
وانا افهمه يا فلان مايصلح عندنا عيال كبرو ويفهمون ذي الشغلات خلها
في الغرفه وكاني اكلم جدار
وقسم صرت اكره انه يلمسني
واساسا هو قالها لي انه جايبني معه في الغربه عشان مايبي الحرام

يعني انا اله له .... والله يا بنات ايام الي ارجع فيه بلدي شان اشوف اهلي
احس بسعاده ما تنوصف لاني بعيده عنه

الله يعين بس ... عطوني حل يا بنات عشان احسسه ب المسئوليه واغير من شخصيته الاتكاليه

>>>>> ردود الأعضـــــــــــــــــــاء على الموضوع <<<<<
==================================


ياحبيبتي ما احب ازيد من همك يارب يارب يصلح شانة يارب فعلا حسيت بيكي وكثير ماكلة همك بس اسمعيني وحاولي معة بها الطريقة ارجوكي اهم شي العيال مساكين ارجوكي ابد لاتحسسيهم باهمال ابوهم او تفهميهم ذي المشكلة حت لايتاثر نفسيتهم ثاني شي ضاعفي جهودك في الوقت الي هو مو بلبيت اتعبي نفسك على عيالك اكلهم وشربهم واحتياجياتهم وشغل البيت لاتسوي بالمرة صح انة صعب عليكي البيت وسخ بس مثلي انك ماتكدري تساويلة شاي روح حبيبي وسوي شاي فدوة لروحك
لما بيفوت عل المطبخ يشوفة وسخ وهوسة ويدخل عل حمام نفس الشي وكلما مشى اتعثر بالعاب الاطفال وسالك ليش كذا قولي اله انك تعبانة وماتكدري لوحدك ومرة ثانية قولي له عادي مافيها شي اهم شي راحتي وراحة دراستك لاتطبخي قولي لة اهم شي دراستك خل نجوع ومرة مثلي انك نايمة والعيال يبون مي دزيهم على ابوهم او تحملي بنتك تبكي شوي ليما يضوج ويقوم هو برعايتها وانت ادرى بحال بيتك بس جربي صيري مهملة بعض الشي بعد مرة راح يتغير الوضع لا اراديا يصير مسوول وان شاللة يارب تصير الامور بحسن رضاكي


__________________________________________________ __________

صح حبيبتي يمكن انت من الاول عودتيه انك تحملي المسئولية كلها من شغل البيت والاولاد والطبيخ الخ هاد شئ الي خلاه يتكاسل ويرمي الحمل كلو عليك وينتبه بس لدراستو بس لا تهملي نفسك لانو حيجي يوم ويقلك انك انت السبب ما كنت تنتبهي لشكلك وكنت بتبعديه عنك لان يوم ما يخلص دراستو واللله اعلم قليل ما تلاقي الرجل يعتبر تضحيتك من اجل نجاحو وانك كان ليك دور كبير ليوصل له المرحلة


__________________________________________________ __________

أي صح إنتي شكلك عودتية من البداية الحين حاولي ترجعين تعودينة يتحمل المسؤولية وحلوة الطرق إلي ذكروها الأخوات


__________________________________________________ __________

الله يعينك و يفرج همك ويهديه
(ب العنه الاكل) > اذا انا موفاهمه غلط بتلعني الاكل !!!
الله يهديك لايغضب ربي عليك عشااان كلمه قلتيها ويحرمك من النعمه
واعذريني بس حبيت انبهك


__________________________________________________ __________

سلامتك من الجنون ياقلبي
كل مشكلة ولها حل
أول شي ربي يبارك لك في اطفالك
باين عليهم ماشاءالله من كلامك ربي يحفظهم كتيرين الحركة وشقاوتهم زايدة
والضاهر هو لما يعاقب انتي بتعترضي بحكم حبك لهم
وهدا خطأ
خليه يعاقبهم هو كمان ابوهم وترى يحبهم زيما تحبيهم
لكنه مو بحنيتك عليهم
الحل ياعسل
لما بيعاقب اسكتي خليه يمارس دور الأبوة والمسؤولية لاتعترضي عليه < علشان يتعود
لما تختلي فيه قوليله حبيبي الله يخليك لأطفالك ولايحرمهم من اهتمامك
بس ياقلبي عاقبهم على قد عمرهم علشان بكرة لما يكبرو مايفتكرو قسوتك عليهم
جربي هدا الأسلوب مانتي خسرانة
اما انك تمارسي دور الأم الدفاعية وكأنه مو من حقه فهدا راح يخليه يتهوان في مسؤوليته
لاتنسي ان الطفل شقي عادة بيكسر وبيخرب
لكن بنربيه بمشاركة بين الأم والأب
خليه يمارس دوره كأب مارح تخسري
دامه لا يضرب ولا يسبهم اعطيه فرصة.
تاني شي للمساته لك هدا من حقه
اعذريني الأطفال مش عذر ولا هو عيب ولا حرام
رسول الله صلى الله عليه وسلم عرفنا عنه انه كان يقبل زوجته وهو صائم
وعرفنا انه يجامعها
يعني احنا لما نقرا السيرة بنتعلم مابنستغرب ولا بنشوفه حرام ولا بياثر فينا سلبيا
حضن زوجك لك وتقبيله لك يسوي جو من الألفة بينكم
وبينعكس على اطفالكم
ترابطك وحبكم لبعض راح يكبرو عليه
ايش يعني لو باسك وحضنك؟
انتو مش قاعدين تمارسو شي كبير خاص بغرفة النوم
معقول يحرم نفسه لين ينامو الأطفال وتختلو بالغرفة علشان ياخد بوسة منك؟
حرام كدا
تحرميه
انتي ضاغطة على نفسك كتير
خففي على نفسك وحاولي تاخدي مانع لين يكبرو اطفالك وتفضي لنفسك ويفضالك زوجك
بكرة لاتقولي شاف غيري لاسمح الله وترجعي تندمي
وازني بين احتياجاتك واحتياجات اطفالك واحتياجات زوجك.
واللي كنتي تاخيه عنه من اشغال اتركيها له
حتى لو يأجل اهم شي يسويها .
ودائما اذكري الله وقولي لاحول ولا قوة الا بالله
اللهم ياملين الحديد لين قلب زوجي عليا
اللهم يامسهل الشديد سهل علينا تربية اولادنا التربية الصالحة
وربي يجعلهم قرة عين لكم .