عنوان الموضوع : نفسيتي تعبانه الى الحضيض
مقدم من طرف منتديات نساء الجزائر

نفسيتي تعبانه الى الحضيض



اكرره شكلي واكرره نفسيي

السلام عليكم

كيف الحال


بدش فالموضوع على طوول




احس انييي شينننننننه عينيي ماشوف فيها عددل ولازم نظارات وماقدر البس عدسات نظري ضعيف واجد وو اسناني حدث ولا حررج الاسنان الاماميه عندي جاين فوق بعض وهذا الشي واضح لما ابتسسم وماحب ابتسسم اكره ابتسامتي وامي تقوووول مو لازم تعدلين اسناانك ماتبي توديني خااص وانا مابي ححكومي لانه زحمه الموعد ب 6 شهور وفوق وانا ابي خاص صراحه اخلص بسرعه وشعريي مشووط تعبت منه


وامي كله تعلق عليي وتقول انتي من بطل فوجهك من زينه كله تقوول لو ايش سويتي مابتصيرين حلوه ولا حد بيشووفك الله خلقك كذاااا وتقول هذا الكلام قدام حريم اخواني وانا اتفشل والله واحس اهم بعد ينحرجون ويحاولون يرقعون بالموضوع

واللي يزيد الطين بله مو بس تقولي لا حتى للناس تقول بنتي مو حلوووه ودوم تقارني باختي واحس الناس خلاص خذو عني فكره

يعني مره كنت نازلـه من الدرج وكان فيه مره في بيتنا الا وامي تقووووول فلانه عندنا خالتك فلانه ولما نزلت وسلمت تخيلو المره شقالت قالت امك خاييفه نتخرع من شعرك
وللعلم انا مطلقه وزوججي كان يقوولي بتزوج عليك وانا توني عروس شهر وكان يقول لخواته اصلا ماعجبتني !! بس بتزوجها عقب بتزوج غيرهااا كان وقتها عمري 17والحين عمري 24

بنات مابي احمل امي مسؤوليه زواجي هذااا انا احبهااا بس انا اصلا ماكنت مقتنعه بهذا الزواج وكنت وقتها صغيره 17 سنه وكنت رافضه لاني افكر بدراستي بس امي كانت تقنعني وتقوولي اصلا اذا ماخذتيه محد بياخذك وهذي فرصتك وبعدين قبل الملكه كنت ابي اروح الصالون اعدل حواجبي وكذاا فقطططط امي قلت لاااااااااااا ماتروحي وعصبت وقالت ماتعدلين شي خل زوجك يشوفك ع طبيعتك مو عقب ينصدم

والله نفسيتي تعبانه وموقادره انسى هذا كله وماحب اشوف وجهي بالمنظره وامي دووم تكسر فينيي بكلامها الجاررح وكل ماقلت ابي اشتري شي جديد ثياب ولا شي اختي وامي يقولون من بيشوفك
انا ماطلع من البيت صحيح بس احتاج احس بانوثتي

انا ادري لو اهتميت بنفسي راح اصير مملوحه بس مافي تشجيعع كلهم يحبطون فيني

الحين شكلي مبهددددل شعرري مامشطه كشه وصررت سمررا وطلعت لي حبوب وتررا العياده الجلديه امي تقول مو لازم

كررررهت نفسي


>>>>> ردود الأعضـــــــــــــــــــاء على الموضوع <<<<<
==================================


الله يعينك
بس كل البنات ﻻزم يهتمون بشكلهم خاصة الوجه والشعر
ﻻتسمعي لكﻻم احد اهتمي بشكلج وسوي خلطات
وان شاء الله الله يرزقج بالزوج الصالح آمين يارب العالمين


__________________________________________________ __________

اسمعي يااروحي
كل وحده بدنيا بيعجبها شخص
مثلا انا اقول هاذي البنت شينه
بس اختي تقول هااذي البنت تجنن
يعني في اختلاف بالاذواق
اذا انتي مو عاجبه امك كوني واثقه انك بتعجين غيرها
هاذا اولا
ثانيا
كل بنت لها كشخه تناسبها
يعنا انا احب القصير بس احس الطويل علي احلى
واختي القصير عليها احلى
يعني مهما كنتي لازم بيكون لك ذوقك الخاص
ولازم اذا لبستي لبس منااسب لك بتطلعين حلوه
خوذي موعد من مستشفى حكومي اصبري ست شهور عادي احسن ولا شئ

انتي حلوه وثم حلوه وثم حلوه

خليك واثقه من نفسك

واكبر بوسه لك ياروحي


__________________________________________________ __________

الحل لازم ينفجر كالبركان من داخلك انتي!!!!!!!لازم تكوني شخصية قوية وقوية جدا كمان علشان تواجهين قليلوا العقل(اسفة) اللي انتي معاشرتهن ...هو انتي ولا انا ولا امك واختك وخالتك وووووووو اخترنا لنفسنا هالخلقة ?اكيد لا ...الله سبحانه وتعالى هو اللي يصور ويبدع مثلما يشاء سبحانه وتعالى واكيد اذا كان فيك نقص في شكلك مثل ما تقولين فتشي وراح تلاقين اشياء كثير حلوة جواتك بقلبك غيرك ما يملك ذرة منها......انطلقي بنيتي وحبي حالك وفتشي على اللي ناقص وكمليه اعتني بشكلك وشعرك ولا تخلي اي احد يتحكم بحياتك حبي الحياة واضحكي للدنيا تضحكلك


__________________________________________________ __________


لازم تغيري فكرك وتحبي نفسك وشكلك.,
كلما حبيتي نفسك اكثر واقتنعتي بنفسك
ودافعتي عن شكلك
كلما حبوك الناس وايضاراح يعترفون بجمالك.,
هذا الحل الوحيد.,
وحتى تحبين نفسك لازم تطنشي الناس واهتمي بنفسك
في عمليات بالليزر لتصحيح النظر ومو غالية
اما الاسنان عادي احجزي للحكومي حتى لوبعد 9اشهر او 6 اشهر
كل شيء تدرجيا ولاتستعجلي
وحاولي تدخلي دورات واخذي شهاده وكثري من القراءة وثقفي نفسك
وسـ ترتاحي بعون الله
الله يوفقك.,


__________________________________________________ __________

انتي ضعيفة اذ هم ما شجعوك حتى تتغيرين حالك
انتي غيري حالك بنفسك بدون تشجيع احد موفقة غلاتي