عنوان الموضوع : مااعرف كيف ارد عاللي يضايقني بسرعه -تم الاجابة
مقدم من طرف منتديات نساء الجزائر

مااعرف كيف ارد عاللي يضايقني بسرعه



السلام عليكم ورحمة الله...
متضايقه دايم ناس يغلطوا علي ومااستوعب الا متأخر وخلاص مااقدر ارجع ارد عليهم لانهم نسوا السالفه وخلاص وانا توني استوعب... تعبت ماابي اشيل بقلبي والا اقول بتجاهل..
واحس اني طيبه وعلى نياتي وشخصيتي ماش ماني قويه.. على طول خايفه من الناس احسهم اقوى مني مثل اختي دايم نتضارب مرات اتجاهلها ومرات ارد عليها وتجلس تصارخ علي وانا مااحب اصارخ او اتضارب مع احد...
والا مرات يغلطون علي ويسبو وينتقدوني واتنرفز وارد عليهم بعدين يقولون كنا نمزح وش فيك اقول حتى انا كنت امزح يعني الوحده بعد ماتعلق كل تعليقاتها البايخه علي تقول امزح وترجع تسبني اني انا ماافهم وحقوده ومدري ايش طيب ليش تعلقين علي من البدايه وانا حالي بشاني..
والله متنرفزه مره يابنات تعبت من كثر مااتجاهل وكل ماتجاهلت كل ماحسيت اني ضعيفه... ابي اصير لئيمه مثل الناس.. بس المشكله مااعرف ارد بنفس الوقت مايجيني كلام اقوله ..نفسي اذا احد ضايقني ارد عليه رد يسكته ..
لاني بس اجلس افكر بكلامهم اللي يضايقني لكن اللي ارد عليهم انساهم.. يارب تكونو فهمتوني.. الله يفرج علي وعليكم

>>>>> ردود الأعضـــــــــــــــــــاء على الموضوع <<<<<
==================================


ابي اصير لئيمه مثل الناس!!!

هذي شهاده منك ع لئمهم وف نفس الوقت يعتبر قلةة ذوق منهم

حبيبتي،، تدرين من الشخص القوي والواثق!!
هو الصامت اللي مايهتم للكلام ولايعيره اي تفكير بمعنى ان صمتك هو اقوى رد عليهم كلهم لان الصمت هيبه،،

لاتحاولين تتعلمين فنون الرد والقوة لانه مو ظابط ع شخصيتك ،،صمتك لحاله اكبر رد عليهم بانك اعلى منهم ف كل شي

وبعدين حبيبتي لاتخلين اي شي فيك قابل للتعليق او انهم يحرجونك وممكن كلمة وحده تردين عليها بهم لاي شي يضايقك ،،،

اثبتي احترامك للجميع وبكذا الكل راح يحترمك ولاتعطي الامور اكبر من حجمها

يكفي انك تمتلكين الذوق والادب فهنيئا لمن كسب قلبك،،

القادم سيكون اجمل غاليتي،،)


__________________________________________________ __________

رفع


__________________________________________________ __________

ماهي الثقة ب النفس !؟
الثقة هي عكس الشك ..
والشخص الواثق ماعنده اي شك ب نفسه ..
لكن الشخص اللي يفتقر الثقة نلاقي رأسه مليان شكوك عن نفسه .. ومعتقدات وافكار سلبيه عن نفسه ..
ب اختصار الثقة هي معتقداتك الايجابيه عن نفسك .. هي الاعتقاد ب انك مانتقصك اي مهارة ومايعيبك شي .. وهي الاعتقادب انك لك قيمه وتستحق ..
معتقداتك هي الافكار اللي ععندك عن نفسك .. ! انت اش تشوف نفسك !؟ اش هي افكارك ععن نفسك !؟
على سبيل المثال .. بعض الناس مع الاسف يعتقد انه غبي .. انه اهبل .. او حتى انه اقل قيمه من غيره او نااقص عن الناس ..
الثقة ب النفس هي حالة ذهينة .. حيث مافي اي شكوك او افكار سلبيه او وساوس تملا عقلك ..
الشخص اللي مو واثق تلقى طول ماهو مع الناس راسه مليان شكوك ووساوس وهذا ب الضبط اللي يخليه متوتر وهو مع الناس ..
هذي هي ب الضبط الثقة ب النفس وهذا هو مفهومها ..
اذا كانت افكارك ومعتقداتك عن نفسك ايجابيه صرت واثق .. لكن اذا كانت سلبية صرت مو واثق ..


__________________________________________________ __________

ماهي العلاقة بين نقص الثقة والخوف من الناس ..
اكيد جاء ببالكم هالسؤال !'
لمن يكون الشخص غير واثق وعنده شك ب نفسه اكييد راح يتوتر لمن يقابل الناس !.. بسب افكاره عن نفسه ..
لمن الواحد يعتقد انه اقل قيمه من غيره اكيد راح يتوتر مع الناس لانه مايبي الناس تكتشف انه اقل قيمه او غبي او اخرق .. الخ .. !
اكيد الواحد لمن يعتقد انه غبي ما يبي يتكلم مع احد ويتوتر اذا تكلم لانه مايبي الناس تشوف انه غبي
ابي من كل واحد عنده نقص الثقة يراقب افكاره اللي تجي ب عقله لمن يكون مع الناس .. لاحظ ع نفسك الشكوك والافكار السلبيه اللي تجي ب ععقلك وتخليك مرتبك وخايف !؟
كل مازادت الافكار السلبيه والوساوس كل ماكنت متوتر وقلقان اكثر ..
يمكن تقولون طيب انا ما احس بهالشي .. وماني قادر احدد الافكار اللي تخليني متوتر !
اقولك .. التوتر مستحيل يجي من دون سبب .. اكيد يكون فيه سبب لكن انت مو حاس فيه .. راقب نفسك وصارح نفسك وفكر ب عقلانيه وصبر وراح تكتشف الهول والافكار السلبيه اللي مالية راسك ..
ماراح تحس ي هذي الحركه لانها تصير ف عقولكم الباطنة فما تحسون فيها .. لكنها مجوده ف عقولكم البااطنه


__________________________________________________ __________

المشاركة الأصلية كتبت بواسطة ~soomy~
ابي اصير لئيمه مثل الناس!!!

هذي شهاده منك ع لئمهم وف نفس الوقت يعتبر قلةة ذوق منهم

حبيبتي،، تدرين من الشخص القوي والواثق!!
هو الصامت اللي مايهتم للكلام ولايعيره اي تفكير بمعنى ان صمتك هو اقوى رد عليهم كلهم لان الصمت هيبه،،

لاتحاولين تتعلمين فنون الرد والقوة لانه مو ظابط ع شخصيتك ،،صمتك لحاله اكبر رد عليهم بانك اعلى منهم ف كل شي

وبعدين حبيبتي لاتخلين اي شي فيك قابل للتعليق او انهم يحرجونك وممكن كلمة وحده تردين عليها بهم لاي شي يضايقك ،،،

اثبتي احترامك للجميع وبكذا الكل راح يحترمك ولاتعطي الامور اكبر من حجمها

يكفي انك تمتلكين الذوق والادب فهنيئا لمن كسب قلبك،،

القادم سيكون اجمل غاليتي،،)

فيه فرق بين اللي يسكت عشان يتحاشى تفاهات الناس، واللي يسكت ضعف منه ..
ضعف الشخصية عمرها ماكانت ادب..
الا بتخلي الناس يتكلمون على الشخص لانهم عارفين انه هالشخص ضعيف ومايعرف يرد وياخذ حقه..
مو شرط انها ترد برد بذيء او شتم، اهم شيء يكون رد مسكت..