عنوان الموضوع : مشكلتي الطبيب يجيب
مقدم من طرف منتديات نساء الجزائر

مشكلتي



السلام عليكم ..
كيف الحال ؟؟ ..

خواتي انا مشكلتي مب خطيره .. لكنها مب بسيطه ..
انا عمري 20 ..
في يوم من الايام دشيت موقع من المواقع التعارفيه ..
استمتعت فيه خصوصن انهم كلهم من نفس بلادي ..
تعرفت ع بنات وع شباب مجررد صداقه ..
يعني ما نتعدى الحدود ..
لكن في شاب يبلغ من العمر 19 سنه ..
الكل يعرف برنامج kik شي اكيد ..
المهم طلب مني الkik مالي بحجه انه يبي يكلمني بموضوع ..
يخص بنت من بنات الموقع .. ووعدني انه عقبها ينسى اكاونتي ..
عطيته ..
كلمني عن البنت ..
بس المشكله مو هني ..
المشكله اني تماديت و تميت اكلمه صبح و ليل ..
قبل لا اكل اكلمه ..
و قبل لا انام اكلمه ..
و قبل لا اطلع اكلمه ..
وربي الشاهد ما تعدينا حدود الاخوان .. وخصوصن انه اصغر مني بسنه ..
المهم كلمته شهرين تقريبا ..
من جم يوم هو تعدى الحدود بحجه انه يمزح ..
يعني قال ( بمص رقبتج .. بعضها ..... الخ )
من بعدها قلتله خلاص فلان جدد انته تعديت حدود الاخوان .. وانا كلامي وياك غلط .. و انته وعدتني بعد ما تخلص كلام عن البنت تمسى اكاونتي .... ومن ها الكلام ..
اعتذرلي و قالي انا ما اقصد واتمنى اني اكون خفيف عليج وانا اسف لاني نسيت وعدي ..
المهم خلاص يعني قطعت علاقتي وياااه .. لا اخوان ولا حبايب ..
بس مشكلتي اني خلاص تعودت عليه .. احاول اقنع نفسي اني خلاص ما لازم احاجييه .. بس شسوي صار روتيني اليومي ..
وربيعتي او صديقتي من نفس الموقع كانت حبيبته ..
بس مدري شو صارلهم و تهاوشو و تركو بعض ..
و صديقتي للحين تحبه ..
للعلم انها ما تدري اني اكلمه ..
شسوي بنااات .. ماقدر اخلي صديقتي على نياتها ما تدري اني اكلمه ..
وما اقدر ما اكلم هذا الشاب ..
اتمنى تكون مشكلتي واضحه .. و اي استفسار او ما فهمتو شي خبروني ..

>>>>> ردود الأعضـــــــــــــــــــاء على الموضوع <<<<<
==================================


اول مرة انج خنتي الله بكلامج مع شباب

ثانية خنتي ثقة صديقتج بكلامج مع حبيبها


حاولي تتسلين بأي شئ بس لا ترجعين تتكلمين معاه

لأنه اذ رجعتي راح يظن انج تحبين الكلام ( مص رقبتج .والخ )

لذلك رجعتي تتكلمين معاه من جديد

موفقة غلاتي


__________________________________________________ __________

والله انك في غفله
شوفي انا بذكرك بايه بالقران اللي تقول ولاتتبعوا خطوات الشيطان وهذا اللي صار معك بالضبط
دشيت موقع تعارف
تونس فيه
ماتتعدى الحدود
اخوان
تعلقت فيه
وبعدين ابيها من الاخر ايش النهايه اللي بتحطينها لها القصه
حبيته
وعدني بالزواج
خانني وغدر فيني
ولا تركته لوجهه الله
عوضني الله باحسن منه
من ترك شي لله عوضه الله بخير منه عندك عقل وفكري
انتي مخيره ماانتي مسيره
دايم الصراحه توجع بس تادب انتي وخويتك هذا الولد جالس يتونس فيكم ويلعب بمشاعركم وهو ماقال كلمته لك الا وهو حاسس انه تمكن منك وانك تعلقتي فيه اجل تعب شهرين والتمهيد هذا كله يروح ع الفاضي لازم يطلع منك بشي وهذا البدايه بس
ولو قدر يمسك عليك شي مارح يتردد يهددك فيه
اتركيه وابعدي عن هذا الطريق واذ كنتي حابه تتونسين ادخلي بعضويه وشاركي بالمنتدي بمواضيع بكتابات بخواطر واكثري من الاستغفار الله يصلح الحال والبال
تحياتي


__________________________________________________ __________

مسكينه تحسبي كل شآب تكلمينه رآح يتحرمك ويعآملك مثل آخته مستحيل لازم يبآن على حقيقته آنسيه مآعليه بكره تتزوجي وتحبي زوجكآمزح آلمهم آنسي موضوعه وآهتمي بآآشياء ثآنيه دري شيء مفيد يشغلك


__________________________________________________ __________

استغفر الله واتوب اليه


__________________________________________________ __________

هذا واحد ما يستحي على وجهه خليه يولي اشغلي نفسك بأي شي

يمكن اول كم يوم راح تحسين بفراغ او انچ تريدين تكلمينه بس لااا قاومي نفسچ

وراح تتعودين و بعدين رح تحسين على نفسچ تگولين انا شلون طاوعته

انسيييه و لا تفكرين فيه ابببببد وكل ما جا على بالچ قومي سوي اي شي اشغلي

فيه نفسچ ...

والله يوفقچ ويسعدچ