عنوان الموضوع : التعايش مع العنوسة -تم الاجابة
مقدم من طرف منتديات نساء الجزائر

التعايش مع العنوسة



السلام عليكم

اخواتي انا فتاة انتصفت الثلاثين من عمري
طبعا حين كنت في بداية العشرينات اتمنى مثلي مثل اي بنت اتزوج البس الفستان الابيض وتكون لي مملكتي الخاصة
كنت اروح السوق واشوف الفساتين واللانجريات وابكي واقول ان شاء الله اشتري قريب
يارب واعيش جوا
وكل ماجاء خطاب افرح واعيش تخيلات لما وصلت ال30 جاتني صدمة وصرت احس راح القطار عني وانتهى بس برضه انتظره امكن يرجع
وحتى لمااخطب احس كل شيء عادي ولا افرح صراحة احس انها راحت عليه
المهم مشيت الايام
وعشت ظروف صعبة في ظلال اخوتي الله يسامحهم يارب حاولت اشرد قلت لازم افكر ايه
مو معقول اجلس كذا ضرب واهانات وتمديس لا لا لازم ابحث لازم اسعى مو يقولون اسعى ياعبد
قلت / خلاص لازم افكر فكرت نعم سجلت بمواقع كلمت خطابات كلمت مشايخ
تخيلوا الوضع
يتوصلون على اساس اني اعرفها يتوصولون معي ويسألون اللقب بعض الصفات واجاوب احيانا توصل ل8 رسائل والرسائل تأخذ وقت اذا كانت موقع العفاف عشان يشرفون عليها بعدين يقولون مالها نصيب
اكلم اخوان الخاطب طبعا برسائل وبعد كم سؤال وارضى بوضعه احيانا سوق لموزين وانا فتاة اعطاني الله جمال ومال بفضله وكرمه في النهاية اقول خلاص اعطيك رقمها تقوول لا ماابيها

وكنت لااريد متزوج قلت خلاص في واحد متزوج مميزاته حلوة وتواصلت معاه بعدين اقول
ها تجي تخطبها بعد كذا عرفت انه مايبي احد يعرف ويقول وش رايك تتصلي على البنت وتقولي انك اختي حسبي الله عليه قلت هي تعرفني زميلتي قال : لمااشوفها واذا عجبتني اجيب اهلي
وهكذا
الخطابات تحلف وتقسم انه طيب يطلع دخان لاصلاة والله يعلم يشرب مخدرات او شمه وفوق كذا لهم سمعة حسبي الله عليها وتبي 4 الاف
لا وتتضارب مع الخطابات من يأخذ ال5 الاف
المشايخ تعرضت مرة لضرب شعرت اني في فلسطين والله ماابالغ مو سهل الله يسامح من كان السبب لما كلمت الشيخ قلت : ياشيخ داخله على الله ثم عليك انك تساعدني انا ظروفي كيت وكيت قال( امن يجيب المضطر إذا دعاه )
وكلمت ثاني قال روحي ادعي ربك
وعلى هذا اللي يجيك ماعنده وظيفة حتى شهادة ، او يجيبون لك واحد معاه حالة نفسية،
وزميلتي جابت لي واحد يتبرز في كيس الله يسامحها الله يشفيه انا لااعيب عليه احس الناس مستهونين بي
أقربائي مااحد درى عني واحد منهم ماخلى بيت الا خطب وبعدين تزوج وعمري في ال30 بعد كذا شاف من زووجته الويل وضرب وضريب هو واياها الله لايبتلينا
بعدين بعد ماصار عنده اطفال وهو مثلي في العمر قال لاخوي : انا ابييها هي مستواها مثلي وابى وحدة مثل تفكيري
هههه الحين مستواي مثلك وتفكيرك ويينك عني اول لما عرفت انا سمعتك طلعت بأنك تضرب قلت مافي الاهذه المسكينة اخذها تتحمل اولادي او اتحمل الضرب كفاااااااااااية شبعت ضرب

واللي تقول اباك لولد اختي اللي كم عمره25 ليه تقوول اساسا نحن نأخذ فلوس الحرمة حسبي الله ونعم الوكيل تزوجين وحدة اكبر منه بعشر عشان تصرف وبكرة تزوجونه تقول امه قاالت اهم شيء موظفة.
سورة البقرة قرأت ياسين بعض الوصفات استخدمت من ترويش بماء مقري
ادعية استغفار حاولت ومن انا صغيرة
رحت زواجات قلت امكن يشوفوني اتعب واسشور الكشه واترزز مافي شي الحمدلله
واشوف اللي كنت اشوفهم اطفال صغار وانا كبيرة هم العرايس الله يوفقهم واشوف فلانة معاها اولاد وفلانة يمشون معها بناتها صراحة مرة شفت العرايس ودموعي جلست تتساقط لاشعوريا

صراحة تعبت وحفيت وانا ابحث مو عشان فيني نقص لا الحمدلله الله اعطاني
بس كنت اريد الهروب نعم الهروب ولعل الاحوال تتحسن
اخواتي بعد الجري والبحث قررت بعد ماشاب شعري وانهارت اعصابي:

اني انسى موضوع الزواج خلاص بإذن الله ماراح الووم نفسي في يوم من الايام انا سويت كل اللي اقدر عليه وربي ماكتب فتعلمت :
الزواج : 1-رزق من الارزاق لن يأتيك به الا الله ومهما حاولت لن يأتيني الاماكتب الله فلاداعي ابحث وراه والله البحث خاصة ورى هذا الموضوع منهك نفسيا ممكن الواحد يسعى للعمل لكن زواج اصبري ولوكتب لكي نصيبك سوف يطرق بنفسه الباب

2- الرضى بالقضاء والقدر واعرف انه ربي مقدره عليه من سنين ولن يصيبني الا ماكتبه الله لي

3- ان العنوسة ابتلاء وامتحان والانبياء يمتحنون والصالحين اصطفى الله لي واختارني
من بين اخوتي بهذا الابتلاء وسوف يراني اصبر او اكفر الله يسامحني بس

4- التعايش مع الوضع نعم اتعايش واتقبله واعيش كأن حياتي كلها كذا بمعنى ارضى واشغل وقتي بشيء نافع
قراءة قرآن اللالتحاق بالتحافيظ سوي اي شيء ينفعك خياطة رسم اي شيء طبخ
5- ادعي الله ان يرزقك الرضى والصبر وحسن الخاتمة واهم شيء انه يكون راضي عنك
6- لعل الله ابعد عننا شر من زوج واولاد لايخافون الله فينا
7- التفكر في ايجابيات العنوسة الحمدلله نناااام على كيفنا مافي ولد يصيح ولارجال ينفخ
مانجري ورى محاكم عشان اطفال
8- حبي نفسك نعم لاتبين للناس انكسارك بسب العنوسة كوني في احسن وضع لاتكوني انت والزمن على نفسك
9-ثقي ماعند الله خير وابقى فالله لعل بدعائنا اختار لنا الافضل وادخر دعواتنا لاهوال يوم القيامة تذكري اننا اذا تزوجنا فبها ونعمت وإذا في الاخرة يالله انها ازواج مطهرة
10- اسعدي نفسك اذا اهلك يسمحون لك بالزيارات او التنزه اخرجي لاتجلسي شوفي اي شي يسعد قلبك شيء مضحك شيء مبهج افتحي يوتيوب شوفي الاشياء اللي تريح قلبك
11- الحمدلله عندنا اوقات ماعند كثير من المتزوجات بس ياليت ياليت ننتهزها في الطاعة حتى لو غسيل او كنس احتسبي الاجر
12- كوني عضو فعال اجعلي من نفسك مكانه فهذا الشيء لايصنعه الزوج اشتركي في اي شيء ينفعك دنيا وآخره ويجعل لك قيمة
13- اي احد يكدر عليك تحسيين ناس يخافون مثلا تشوفين صوور اولادهم خايفين انك تحسدينهم او يتكلمون عن ازواجهم الا بالسوء على بالهم راح تخطفينهم
14- تذكري المصابين بالسرطانات والفشل الكلوي والمقعدين ايهم احسن حالا
او انهم مساكين حتى لو تمشوا مايحسون بمتعة خايفين ان عينك تمنعهم من الاحساس بجمال الطبيعية الله الله ياعينك الدمار الشامل وسبب التعاسة الابديه
اعتزليهم

طبقوا اخواتي ماقلت لكم والله راح تحسوا بسعادة افضل من لوووم النفس وانتظر النصيب وطوول الانتظار احس يوولد الانتحار هههه

اخواتي دعواتكم لأختكم عانس وافتخر اللي هي انا طبعا انا كتبت لكم بعض الامور لكن لااستطيع اطبق بعض الامور لأن ظروفي ماتسمح

سألتكم بالله انه مافي اي احد ينقلها او ينسخ منها شيء لاشياء احتفظ بها لنفسي
والله لن ابيح اي احد ينقلها لمنتدى ثاني

>>>>> ردود الأعضـــــــــــــــــــاء على الموضوع <<<<<
==================================


سبحان الله
على كل متزوجة شكر النعمة واللي ماتحس بها وشوفوا البعض يتعبون ويدخون فكل من جاها عريس لحد الباب شكر النعمة


__________________________________________________ __________

الله يرزقك بالزوج الصالح. ..يا اختي ادعي الله دايما ولا تنسى ان هذه ارزاق بيد الله وحده ممكن نصيبك قريب لا تجعلي الزواج يأخذ تفكيرك


__________________________________________________ __________

الله يعينك ماخليتي شئ نقوله كل شئ قلتيه بقي تنبيه فقط فيه بنات تزوجن بعد 35 سنه وانجبن أولاد وعايشات بالف نعمه لاتقنطين من رحمة الله ربما بعد اسبوع يصير زواجك عليك بكثرة الإستغفار والصلاه على النبي عليه الصلاة والسلام وإن شاء الله سوف تفرج لك بإذن الله


__________________________________________________ __________

الله يرززقك يااارب
نفس معاانات وحده قرريبتي وزواجها نهاايت الشهر مااشاء الله وعمرها وهي بالثلاثينات
بس قبل تعبت والله من الناس لاكن ربي محدد هالوقت لزواجهاا وكل شي خيره من رب العالمين
الله يررزقك ويرزقني ويرزق كل البناات بالازواج الصاالحين الططيبين


__________________________________________________ __________

والله يا اختي كفيتي ووفيتي بكلامك ما تركتي لنا شي نقوله
الحمد لله علي كل شي كتبه لنا و اذا ما تزوجنا ان شاء الله يعوضناالله بالاخره
ربي يرزقك الزوج الصالح التقي النقي