عنوان الموضوع : تكفون ساعدوني حامل وافكر بالطلاق -لصحتك
مقدم من طرف منتديات نساء الجزائر

تكفون ساعدوني حامل وافكر بالطلاق



السلام عليكم ورحمة الله وبركاته
متزوجة لي أربعة اشهر واحب زوجي كثير
ولكن من صباح زواجنا يتصل على أهله ويقولهم
جايكم ويعلق معي مدري كيف يقولون الشباب نقعد
أسبوع مانطلع الواحد يطفش هذا اول يوم تخيلو
وأخذت كثير بخاطري وقبل لانوصل أهله قلتله
أبغى نروح محل بكره قال أوكي وعندهم قالت له
أخته بكره ودينا المول قالها تم وانا انقهرت بداخلي
طبعا بعد مامشينا ذكرته بالأمر واعتذر انه نسى
وطبعا رحنا إحنا وهما المول وجلسو يفرفرون
وانا معهم وهو راح يسوي شغله لهم حتى منتصف الليل
وحتى يوم رحنا نتمشى أخويه حجز لنا يومين
عشان امسكه بالقوه حتى لايروح لأهله وشوي دقت
أخته تبغى مشوار يقدر يتاجل ولقيته يقولي بخليك
بالفندق وبنزل اوديها واحنا بمدينه تبعد ساعه عنهم
عصبت وبطل
كان واعدني بشهر عسل بس الفلوس اللي معه
اعطاها أهله يكملوا بيتهم وقالي اوعدك بعدين
هالامور دمرت نفسيتي وثقتي بنفسي خصوصا
اني متعوده ع الدلع
وصبرت
وبعدها أبوه يصيح علينا تعالو اسكنو معنا
بغرفه ووافقت بعد شهر من زواجنا
وبعدها حملت وعندهم يربو بس فخرجت
من عندهم خوفا على جنيني لان البس فيه
جرثومه تسقط وزعل مني شوي ورضي من حاله
رحنا سكنا ببيت بعيد عن أهله بس كل يوم يتصلون
جيب هات ودينا وهو تم تم تم
وانا تقريبا وصلت حدي خلاص
وبعدها بدإت اتنرفز لا إراديا من سيرة أهله
مره اشترى من مطعم وأعجبني وأسمعه يعلق
مره حلو لازم أجيب لأهلي منه سرت احس
انه مايفكر إلا فيهم تعقدت منهم
ومن اليوم الثاني يقول بروح لهم وأجيب لهم من
المطعم أقوله اصبر حتى عطلة الاسبوع ماعنده صبر
وبنفس الاسبوع جاني وقال بوديك المول
اعشيك بمطعم انا انبسطت ويوم جينا رايحين
قال أختي قروشتني أبغى عدسات من هذا المول
فهمت لحضتها انه عشانها بس عديتها
واحنا بالطريق وقف كفتريا يقول أش تبغي
قلت مو بنتعشى بمطعم بالمول طالع فيه وقال ليه
انتي تبغين نتعشى هناك عصبت وقلت انا عارفه
انك موديني عشان أختك قام يحلف ويقول لا
ومن بين الكلام اعترف بدون لايشعر انه أخذني
عشان ممنوع دخول الرجال بالمول وانا المحرم حقته
هنا انقهرت من استغفاله وثرت وبكيت ووعدني
انه من البكري يعزمني بمطعم ومن البكره
جا يقول ابويه يبغا حاجه وبروح لهم وصلت حد حدي
وكل المواقف تراكمت وسرت بنفسيه زفت وأخاف
ع اللي ببطني من كثر العصبيه حاولت معاه
وترجيته انه يعطيني وقت احس فيه اني المهمة
ووعدني وحلف وقال من الاسبوع الجاي
والاسبوع اللي بعده يقولي شكلك تعبانه روحي
عند أمك انا فعلا تعبانه من الوحم بس أتحمل
بعد كلامه رحت عند امي
واليوم جا يوديني معهد ادرس فيه
واحنا راجعين وقف كفتريا وقلتله جيب
فطيره وشوي رجع وكلم بجوالي أخته
يقول. هاه اجيبلكم فطائر انا هنا عصبت
مو لانه اشترالهم لا احس انه إذا شاف شئ حلو
تذكرهم على طول
يحسسني انه مابيفكر فيه انه باله مو معايه
انا كل اللي اطلبه يكون لي وقت خاص مايتدخلون
فيه أهله لاكنه بكل شئ يشركهم معي الين كرهني
فيهم وجاب لي عقده منهم
انا هالمره بكيت وأول مره اسبه بكلام مو ذاك
الكبر بس هو استكبره أصلا مايهمني
تكفون قولولي انا غلطانه
وكيف أتصرف معه
الصبر والسكوت ماينفع هو خلاص
تعود ان أكبر شئ اسويه الصياح والبكاء
وانتهى
أبغى يقدرني ويحط لي حساب بس
ما اعرف كيف
انا الآن عند امي وماكلمته من المغرب
منتظره نصائحكم
نفسيتي زفت والاختبارات الاسبوع الجاي
وخايفه. ع البيبي

>>>>> ردود الأعضـــــــــــــــــــاء على الموضوع <<<<<
==================================


رفع



لااله الا انت سبحانك اني كنت من الظالمين


__________________________________________________ __________

اممم انتي حامل والحامل تتحسس من اي شي
ومااشوف ان زوجك غلطان بالعكس اشوف انه مو مقصر معك ومن حقه يجيب لااهله وانتي لاتوضحين له انك تتضايقين من تصرفاته مع اهله

وبعدين مو لهالدرجه تطلبين الطلاق !!!


__________________________________________________ __________

يا حبيبتي استهدي بالله وابعدي عنك وسواس الشيطان والله انو زوجك انسان طيب وابن حلال وبار بوالديه وحنون على اخياته ...شجعيه حبيبتي مو تتذمري من تصرفاته لاحقة على وقت خاص الك لما تكونوا بالبيت لحالكم هو الك لما اقترن اسمك مع اسموا بعقد الزواج هو الك لما يقول كلمة حب وعشق وهيام وانتوا باحلى اللحظات مع بعض هو فقط الك ووووووووو انتي الحين حامل اهتمي بصحتك وبجنينك وخلي عنك العصبية اللي مالها داعي اصلا هي مو مليحة على اللي ببطنك .عيشي حياتك لا تخربي على نفسك طلعة او عشا بمطعم او نزهة من شان اسباب تافهة ايه تافهة وراح يجي يوم تتذكريها وتضحكي على حالك حبي زوجك وحبي ابوه وامه واعملي علاقات متينة مع اخواته واكسبي الجميع لصفك يجي يوم تحتاجينهم ولازم تلاقينهم كلهم بجنبك وانا تكلم معك عن تجربة والله. ارجوا حبيبتي انك تتقبلي كلامي بصدر رحب والله يهنيكم ويريح بالك وشيلي فكرة الطلاق من بالك خاااااااااااااااااااااااااااالص.كل ودي واحترامي.


__________________________________________________ __________

صح حركته تقهر بس هم اهله واصله طيب وحنون
مادام انو فيه خير لاهله اكيد بيكون فيه خير لك
صراحة بالنسبه لاي انسان اهله اولا ثم البقيه
انا عن نفسي افضل اهلي ع زوجي بكثير واغلب الناس بيفضلو اهلهم
مع الايام وكثرة المسؤليه بيخف اهتمامه باهله وبيكون كل اهتمامه لك ولابنائك
انتم الان في بداية المشوار


__________________________________________________ __________

بحطلك مشكله واحكمي : وحده من قرايبنا متزوجه وااحد جميل ماشاءالله ويشتغل بيطري
تقول انه بالمرة مايجلس معاها ودايم يروح للمزارع لشغله وكان ببدايه الايام معاها اوكي بس بحكم شغله مايجلس معاها عاد صارت هوشه بينها وبين اخته تغير عليها فجاه صار يشتمها ويهاوشها و يبيها تروح لاهله غصب تسلم على ابوة واخواته بس هي مشكلتها الكبرياء الزايد عن اللزوم وهواش وصراخ وحاله وصارت بنظره مجرد اثاث بالبيت وقت اللي تعبان يروح لها حتى اهلها مايستحملواها بالبيت ويا بزرانها


عشان كذا اختي حسني علاقتك فيهم وتقربي منهم يبيلهم هدايا بسبب و بدون سبب زوريهم كثير اخدميهم و تقربي اكثر منهم راح يحبوك ويحاولو انكم تكونو سعيدين مع بعض انتي وزوجك وبتكبري بعينه بعد

شوفي وحده ثانيه من قرايبنا تجامل اهل زوجها وتزورهم غصبا على نفسها وتحبهم وتهديهم زوجها الحين مايتركها لحظة وحده ولو تقوله وديني القمر يوديها

ياختي توك شباب وحامل بعدك صغيرة ع المشاكل ودامك تقدري تتجنبيها لا تفتعليها وتزيديها من مشاكل
خل بينهم بتحسي انهم مثل اهلك و اكيد انا ادري انك تبين لحظات حميمة زود ويا زوجك لكن اصبري وسوي مثل ماقلت لك بيحطوك في عيونهم تحمليهم شوي بس