عنوان الموضوع : تعبت من نفسي ودي اتغير(فضفضه)
مقدم من طرف منتديات نساء الجزائر

تعبت من نفسي ودي اتغير(فضفضه)



السلام عليكم


تعبت من نفسي والله خلاص مليت حالتي مره زفت

انا انسانه ربي انعم علي بذكاء لكن ما استخدمه وانعم علي بنشاط لكن ما استخدمه بشي مفيد
دراسه تخصص قوي جدا وانتظر الله يرزقني بالوظيفه يوم كنت ادرب الدكاتره يستغربون كيف انا القط الشي بسرعه وحتى دكتوره المشرفه على مشروعي التخرج تقولي انت بالمره ذكيه حرام عليك الي تسويه بنفسك وهي عقاب لي نزلت الماده ممتاز مو امتياز والسبب اني صرت اغيب والخبط
والله يابنات مو بيدي مادري وش السالفه
اول تعطيني كتاب لو يكون 300 صفحه او اكثر اخلصه بيوم لو كنت مشغوله اخلصه بثلاث ايام على الاكثر الان امسك الكتاب اقعد في المقطع ساعه واغلب وقتي سرحانه واول ما القى شي يلهيني اروح معه على طووووول ماشاء الله كنت فعلا ذكيه بس الان مادري وش فيني ماادري وش الي صار معي

يعني صار اغلب وقتي واتس اب فيس بوك تويتر حتى لو ماتكلم مع احد بس كذا اتفرج على الصور واقرا اشياء مو مفيده زي نكت طرائف
حتى ماافكر اشتغل على ابحاث خاصه واشوف افكار ممكن تفيد تخصصي احس فيه شي مقيدني ماسكني

الدكتور يوم كنت ادرب عطاني اوراق وقالي يالله بشوف كيف تحليها وماهتميت اهملت المهم جاني بعد فتره قالي حليتها قلت ايه قال وريني ودخل دكتور ثاني ونسى دكتوري السالفه كان يسولف معه بعدين بعد ماطلع دكتوري مسكت الاوراق واقعد اضغط على مخي عشان اطلع شي وفي الاخير طلعت والحمدلله واعجبته النتيجه بس كان متوقع مني اكثر بس انا وش قلت له كذبت عليه قلت لانك انت محدد الموضوع باسئله معينه لو ماحددت كان كتبت كل شي وهو المسكين صدق مايدري اني حليتها بعد ما طلع

صاير عندي اهمال وتسيب وتأجيل وكل يوم اقول ان شاء الله برجع مثل اول وارجع اردى من اول اقرا الشي اليوم الثاني انساه رحت سويت تحليل فيتامين بي12 حق الذاكره وطلع في المعدل الطبيعي بس لازم يرتفع شوي عن طريق الاكل

سهل يتخل تركيزي سهل احد يقطع وقتي ويخليني اضيع سهل اخرب على نفسي سهل انسى المعلومات سهل اني اغيب وبطقاق مايهمني شي وبعدين اندم واقول ياليت سويت وياليت مااجلت وياليت يرجع الوقت
مع العلم ما كنت كذا كنت على الساعه وانجز الشي قبل وقته والان اعوذ بالله انقلبت 180 درجه سكرت الفيس بوك وتويتر وحذفت الواتس اب ونفس الحاله اروح اقعد عند التلفاز واشوف افلام واشياء شايفتها الف مره انا ما كنت كذا والله
مابي اكمل باقي حياتي كذا ابي التزم ابي تركيزي يقوى ابي ارجع مثل
اول ابي انجز ابي اسوي شي بحياتي

>>>>> ردود الأعضـــــــــــــــــــاء على الموضوع <<<<<
==================================


مممم لازم تخلي ارادتك وعزيمتك قوية
استرجعي ثقتك بنفسك وقوي قلبك
الله يوفقك


__________________________________________________ __________

دامك قدرتي تحلين الورقه معنااته مو حسد اللي صارلك مجرد كسل واهمال منك تذكري الذكاء 1 بالميه والاجتهاد 99 بالميه ذكائك جنب اجتهادك مايفيدك لازم تحاولين ترجعين زي اول بارادتك وعزيمتك وقوي ايمانك بالله وادعي دايما واسمعي الرقيه الشرعيه وشغلي القران بغرفتك دايماا ترا عيون الناس ماترحم تحصني دايما واستودعي الله بنفسك


__________________________________________________ __________

اهم شيء الارادة الارادة الارادة


__________________________________________________ __________

حبيبتي اصري تتغيرين وقولي راح انام واصحى انسان ثانيه نامي وقولي يارب وكلتك امري وحسبي الله ونعم الوكيل واقرئي المعوذات وايه الكرسي ونامي واذا تركتي الصلاة ارجعي صلي وبعد ماتكمل صلي ركعتين لله واذكار الصباح والله يشفيك دعواتك الي لو استفدتي


__________________________________________________ __________

الله يعينك