عنوان الموضوع : امهات ساعدوني تعبت من بنتي -لصحتك
مقدم من طرف منتديات نساء الجزائر

امهات ساعدوني تعبت من بنتي



السلام عليكم
بدخل الموضوع على طول

بنتي عمرها ثلاث سنين و سبع شهور.
و تصرخ كثييييير بأعلى صوتها، حتى كل الفريج صار يعرفها من صريخها.
انا و زوجي تعبنا منها و من صريخها المتواصل، اذا رفضنا لها طلب تصرخ، اذا خذت منها شي تصرخ، حتى في السيارة اذا سكرنا الشباك تيلس تصرخ و تفضحنا.
فيها دلع زاايد، لا و مب بس تصرخ، تضربنا انا و أبوها و تخدشنا والله أجسامنا كلها خدوش منها و احيانا تشد شعري.
كام مرة هددتها بالضرب لاكن ماتخاف، اضربها شوي ضربات خفيفة عشان تخاف لاكن ترجع تضربني. والله خلاص صرت مأتحملها، كل ماتبدا صريخ أسكر اذني، و يوم نحاول نسكتها تزيد صريخ و ضرب.
نحنا مب مقصرين وياها في شي، طلباتها أوامر لاكن في اشياء مانقدر نعطيها، هذيك المرة خذت كتاب اخوها مال المدرسة و يوم خذناه منها تمت تصرخ و تصرخ لين ماتعبت و نامت.
بنات شو الحل معاها؟ انا خلاص تعبت منها.

ويا بنات هي الحين صوتها رايح فديتها ، شو اعطيها عشان يتحسن صوتها و ترتاح حنجرتها؟؟...

>>>>> ردود الأعضـــــــــــــــــــاء على الموضوع <<<<<
==================================


3سنوات صغيره وماتفتهم اكيد تصرف كذا


رفع


__________________________________________________ __________

مثل بنت اختي عمرها 3 سنوات واذا مالقت الا تبيه تصارخ


__________________________________________________ __________

ما الي خبرة مع الاطفال خاصة بمثل ها المشاكل
يمكن عادي بها العمر
الاخوات يفيدوكي


__________________________________________________ __________

طيب اللي تبغاه مقدور عليه ؟

يعني بيصير شي لو اخذته ؟

البنت عمرها 4 سنوات تقريبا بيبي

مسكينه تعور القلب

ليش ما تعطونها اللي تبغاهة؟

تبغا كتاب اخوها جيبوا لها كتاب زيه

يعني ليش تزعلونها ؟

فديت الصوت انا

مو صاير لها شي بس بحه من الصياح و تطيب


__________________________________________________ __________

انا عندي اختي الصغيرة بعمرها وتسوي مثل ما تسوي بنتك
كل شيء تشوفه بيد احد تبيه وتجلس تصيح عشان تاخذه
بس على خبرتي والي اعرفه من تصير تصارخ وتصيح اتركيها ولا تردي عليها لين هي من نفسها تتعب وتسكت او احبسيها بغرفتها بمدة 3دقايق ((الطريقة هاذي شفتها ببرنامج اجنبي كانو يسوون كذا مع الاطفال يحبسونهم بالغرفة على حسب عمرهم )) وان شاء الله يفيد معها

ربي يخليها لج ويحفظها من كل شر يارب