عنوان الموضوع : اخت زوجي تبي تصير نسخه عني مللتني -لصحتك
مقدم من طرف منتديات نساء الجزائر

اخت زوجي تبي تصير نسخه عني مللتني





اداره نزلوووه

اخت زوجي الصغيره 19 سنه تبي تكون نسخه عني و تصير مثلي و متعلقه فيني تعلق غريب و بت امل من هالشي و يزعجني جدا وتضايقني بحياتي
انا شاطره بالمكياج والشعر واختيار الملابس لكني من النوع الهادي يعني مو راعية حفلات وماسبات واسواق طول الوقت
كل ما شفتني مسويه شي تقولي كيف تسويه واعلمها واخليها هي تسويه بنفسها وتضبطه وحتى الملابس تبي نفس ملابسي نفس اغراضي ما تناسب عمرها يعني هي توها صغيره ما يصلح لها مثل ملابسي حتى ملابس وروبات النوم الي البسها لزوجي تخيلو شافتها وراحت شرت اشياء تشبها تقولي عشان لما اتزوج البس مثلها اخوي سعيد معك وابي زوجي يكون سعيد معي مثلكم كل ما صار عني فراغ تبي عندي او تطلع معي او تاخذني معها لين راحت مع صديقتها مليت احسها مسويه لي حصار اول فتره كنت معطيتها على قد عقلها اقول لسا صغيره وقاعده تنضج مو حلو اني اتركها يمكن تتعرف على ناس مو زينه وتتاثر فيه لكن مليت مليت
وانا مو فاضيه لها عندي زوج وبيت وشغل مو كل مره بستقلها وبخليها تجي عندي وهي مره تفكيرها من الي يبحون المظاهر اللبس والشعر والمكياج و هالامور وسوالف السطحيه حيل
علاقتي مع حماتي كويسه صرت اسمع تعليقات منها بالفتره الاخيره زي مثلا في زواج بنت عمتهم سويت ميك اب سموكي ثقيل ولبست فستان بيج فاتح وهي شافتني وانهبلت ليه ما قلتي لي اسوي مثلك طنشتها اليوم الثاني كانت مسويه نفس الشي وامها انتقدت قالت لها هالمكياج لاكبر من عمرك من علمك تسويه
مع اني وقتها ما علمتها و ماقلت لها شي
ودايما اسمع تعليقات من خواتها مو يعجبك ذوق فلانه خليها تسوي لك وطول وقتها تسولف عني لصديقتها وتبي بالغصب ادخل معها ومع شلتها يعني بنات اصغر مني وش ابي فيهم وسالفهم
صرت اطنشها كثير وما احتك فيها وكل ما قالت بجي عندك اصرفها رحت عندهم من شهر وكنت قاصه شعري نوع من التغير سوت مشكله لامها الي تبى تقص شعرها مثل قصتي وتهاوشت مع امها وقعدت في غرفتها يومين ماراحت الجامعه لين راحت وقصة شعرها وارسلت لي بقص شعري اليوم وين قصيتي سفهتها بعدها بشوي زوجي دق علي يقولي انها تبيك بموضوع ضروري قلت له ما اقدر مو فاضيه عندي شغل ليه رحت كلمتها
وما كلمتها سحبت عليها
رحنا عندهم بعد كم يوم تقولي وش فيك زعلانه علي انت مو مثل اول قلت لها انا مو زعلانه بس ماعندي وقت عندي شغل وبيت لازم اهتم فيهم تقولي لاني خطوبة صاحبتي بعد اسبوع وابيك تنزلين معي السوق قلت لها مارح اكون فاضيه وبعدين انت لازم تكون لك شخصيتك المستقله وذوقك الخاص فيك الي يميزك عن الكل لا تكوني مثل احد خلي لك رايك الخاص بكل شي من دون ما تتاثري باحد وبعدين بدل المكياج والكلام الفاضي هذا كما مره قلت لك امسكي كتاب واقري تعلمي روحي انديه اجتماعيه مو كل شي بحياة المراه الموضه و الازياء لازم تهتمي بدراستك ومستقبلك اكثر مو لازم كل شي تشوفيه على غيرك تسويه بصير الكل يقول عنك قلوده او غيوره ومشاكل مع امك وابوك على هالاشياء التافهه
طبعا ماكني كنت اكلم احد و الي رفع ضغطي زياده اني اسمع اختها الكبيره تقول لامها
لها تاثير قوي على فلانه خلتها تسبق عمرها من يوم ماجت زوجتك ماهما الا المكياج و الشعر كل يوم تروح على الجامعه كاشخه كنها عروس وامها تقول بكلم زوجها يكلمها

كم مره صرفتها وطنشتها ومافي امل منها لا وفوق كذا من جتني ذيك المره على شغلي تقولي تقدرين تاخذين اجازه نورح السوق قلت لها لا طبعا قالت ليش اجل كيف بشتري قلتلك من قبل عن خطوبة صاحبتي قلت لها وقلتلك من قبل انا مو فاضيه لك روحي مع امك او خواتك خلاص يعني هذا شغل مو لعب
زعلت وراحت

ارجع البيت القاها قاعده مع زوجي سالت زوجي يبي شي ودخلت انا مافكرت حتى اناظرها من كثر ما مليت منها مو معقوله هالبنت امها وخواتها شايفين ان الحق علي مو شايفين اني اصرف واطنش في بنتهم وهي لزقه ماتحس

مابي تصير بيني وبين زوجي مشاكل او بيني وبين اهله بسبب طيشها وحركاته وش الحل مع هالبنت



>>>>> ردود الأعضـــــــــــــــــــاء على الموضوع <<<<<
==================================


رَفع....


__________________________________________________ __________

انتى احكي معاها وقوليلها انه مابتكوني فاضية لهيك شغلات كل يوم
اتفقو على يوم بالاسبوع تجي عندك ولا تطلعو مع بعض وتعلمينها كل ها الشغلات


__________________________________________________ __________



البنت منعجبة بيج
لازم تفرحي
تنظر لك كقدوة
بس عن قريب راح تمل من نفسها وتعرض عنك وهذا شي اضمنة لك 100%
اممممم
شو فيها لو ساعدتيها وعلمتيها؟؟
راح يكون لك الأجر من الله.,
ومن حقك عندك شغل وبيت وزوج ومو فاضية لها
بس ساعديها بحدود يعني مو مساعده كاملة ولامساعده ناقصة وانما بالتوسط بين ال2


__________________________________________________ __________

الله يكون بعونك أختي ... فعلا المرأة عندما تتزوج لا تجد الوقت لمثل هذه الأشياء خاصة لو كان لديها أطفال
نصيحتي تكلمي معها بهدوء .. اخبريها انك لست بعمرها و اهتماماتك مختلفة عن اهتماماتها , لديك مسؤوليات عليك الاهتمام بها بينما هي ليست لديها مسؤوليات و عليها أن تتفهم أن وقت فراغك قليل
و من الأفضل أن لا تخرجي معها كلما طلبت منك ذلك حتى لا تعتاد الأمر ... اجعلي الوقت متباعد بالمرات التي تلبين فيها طلباتها .. مثلا مرة كل 3 اشهر , الوقت المناسب لك , و حاولي أن يكون كلامك دوما عن المسؤوليات التي لديك و ما ينتظرك في البيت من مهام لكي تستوعب و تفهم انك لست متاحة لها و تبحث عن صديقة أخرى وقتها فارغ مثلها

موفقة أختي


__________________________________________________ __________

المشاركة الأصلية كتبت بواسطة misk queen


البنت منعجبة بيج
لازم تفرحي
تنظر لك كقدوة
بس عن قريب راح تمل من نفسها وتعرض عنك وهذا شي اضمنة لك 100%
اممممم
شو فيها لو ساعدتيها وعلمتيها؟؟
راح يكون لك الأجر من الله.,
ومن حقك عندك شغل وبيت وزوج ومو فاضية لها
بس ساعديها بحدود يعني مو مساعده كاملة ولامساعده ناقصة وانما بالتوسط بين ال2

أختي هي لا تقلدها سوى في الماكياج و الشعر و هذه السوالف و مافهمته منها أنها تذهب للكلية بهذا الشكل .. فعن أي أجر تتحدثين ؟ ^^