عنوان الموضوع : عانس محطمه
مقدم من طرف منتديات نساء الجزائر

عانس محطمه



السلام عليكم
اخواتي في الله

موعارفه كيف ابدا ولاني شاطره بصفصفة الكلام
لكن اعتبروها فضفضه

انا اكبر خواتي عندي 4 خوات اصغر مني
كلهم تزوجوالا انا ظليت مثل البيت الواقف : لكمة [1]: الشكوى لله

مو عارفه وش اسوي دعيت واستغفرت وطلبت ربي
لكن للحين مالله كتب لي نصيب

عمري الان 34 وصحيح انخطب لكن صارو قلال الي يتقدمون لي يعني كل سنه يمكن يجي واحد ويمكن لا .

لكن مادري وش الموضوع من جاني يتقدم لي يكونون موافقين والامور طيبه
فجاه يغطون ولاعاد يرجعون >>شكيت احد مسوي لي عمل ولاشي

مو لاقيه تفسير للي يصير

اذا ربك سهلها وكلمو انهم يبون نظره شرعيه
يروحون اهلي يسالون عنه ويتم الرفض لحجج انا اشوف انها ماتنحط لوحده بسني لو اصغر من هالسن عادي مو مشكله لكن بهالسن !!!
ابضرب مثال للشروط الي يتم الرفض من اهلي عليها

(مدخن _ صاحب سفريات مع اصدقائه _ يرفض وضع بيت لعدم استطاعته لماديه _ راتبه قليل اذا كان بحدود 4000 او اقل )
تشوفون هذي شروط للرفض لوحده قريب توصل 40 سنه !!!!
الصدق صعب علي اقول لهم شروطكم تلفت مع تقدم عمري (مااقدر اقولها لاهلي تشوفون اسمعهم يتحلطمون ويرفضون وانا ساكته وابلع الهم )

الحين انا تعبت نفسيا من كثر التفكير صارت عندي هموم وبيشيب شعري منها
صرت عصبيه اكثر من اللازم وانطوائيه ماعاد احب اجتمع مع اي احد ولااشوف الناس حتى صديقاتي ماعاد اكلمهم واذا عزموني مااروح لهم الا من بعد الف اتصال وترجي منهم
خواتي اذا تجمعو اروح غرفتي واجلس بالحالي ماعاد ابي احد منهم ( مع انهم ماسوو لي شي بس انا صرت ماعاد ابي اشوف احد او اكلم مع احد )اذ جلست معهم ساااااااااااكته

صرت كااااااااااااااارهه لحياتي ولوضعي الحالي

انا بشر عندي مشاعر وعندي احاسيس ابي يكون عندي زوج
محتاجه للمشااعر هذي اكثر من اي شخص
هذا غير اني اتمنى يكون عندي اطفال قبل اوصل 40

كل الي حولي تزوجو خواتي بنات عماتي صديقاتي مابقى غيري
تعبت وربي تعبت
ابي انسان اكمل معاه حياتي محتاجه للشي ذا بقوه

تكفون ادعو لي دعوه بظهر الغيب
ماتتصورون وش قد انا محتاجه لها ( قربت انهبل )
لاتشوفوني مشفوحه على العرس
انا بحال من الوحده مايعلمه غير الله
هذا غير اني اشوف الي حولي ببيوت ومبسوطين مع ازواجهم وانا مقابله الجدران


المشكله الازواج الان يطلبون زوجات بسن صغير 22 او 23

ماحد يطلب بسني

الله المستعان

الي تعرف رقم خطابه مجربه او على الاقل مادحينها لها تحط الرقم لي
والله يجزاها الف خير

من زمان لمحت تلميح لامي اننا نكلم خطابه تدور لي
قالت اذا لك رزق بيجيك !!!

وش اسوي اذا الرزق معاند استغفر الله ياربي

تكفوووووووووووووون ادعوووووووو لي
بالزوج الصالح عاجل غير اجل

>>>>> ردود الأعضـــــــــــــــــــاء على الموضوع <<<<<
==================================


الله يكون في عونك

انا عانيت مثلك والله شوي بنفجر من اهلي ليش يرفضو

رحت لشيخ قراء عليه قال سحر ...

وانا متاكده لاسحر ولاشي

ممكن عين

وتمركزه بالاررحام لان دورتي مره مقطعه
تخيلي احد الاشفار مقطوع والله ثم والله بنجنن كيف صااار كدا

احسسسن نفسي بنهبل حتى ملابسي الداخليه تتشقق من الوسط كانه مقطوعه بمقص
شريت جديده وبعد اسبوع نفس الشي

قريت على نفسي سورة البقره 3مرات وراى بعض
ورجوووولي صارت بقع خضراء

ونبض بالارداف


وقال لي شيخ لازم ترقي نفسك حتى تتزوجي هدا الي سبب لك تاخر بالزواج

على قناة الفراشه خطابه وموقع عفاف بعد
ربي ييييسر امورك

انا اهلي مستحيل يزوجوني عن طريق خطابه ياواحد من اهل يابلاشششششششششششش


__________________________________________________ __________

عادي حبيبتي

فيكي تتزوجي لو ربي كاتب لك

ان شاء ربك خيره لكل تاخيره

في الاونه الاخيره والله مطلقتين تزوجو رجال هوامير والحين مستانسين

ووالله كمان رجال اعرفه توفت زوجته واخذ له وحده عمره 35 تقريبا والله وعندها ولد والحين حامل وقسم بالله باافضل سعاده والكل يغار منها

وسعي صدرك الدنيا للحين بخير لعل ربكي اراد لكي الافضل
شوفي انتي لازم تطبقي اسباب التوفيق والنجاح والسعاده
الاسغفااار لاتتركينه لاتتوقفين عنه
اذكار الصباح والمساء هذه خليها عادتك
اية الكرسي مرا الصباح ومرا عند المغرب وقبل النوم
المعوذات لاتتركينها يمكن فيك عين او سحر لاتخلينها
خاصة الفل اكثري منها في المساء وقبل النوم
لان كل سحر يتدبر في المساء بالليل (قوليها من المغرب)
اذكري ربك بكل حين
صلاة الليل اخ من صلاة الليل والله انها كل الخير لك وكل السعاده وتحقيق الدعوات بهذه الصلاه
ياليت تسجلين في حلقة حفظ القران الكريم ..ودوري لك وظيفه طيبه اشتغلي فيها ظبطي اموورك
وانا كل اللي قلته لك والله اني اطبقه الحين تعودت اسوي كل ذا
والحمدلله اموري حييييل تقدمت وتغيرت الى الافضل وانا الان بالسنه الثانيه من التغير
كلما اقارن اموري قبل والحين احمد ربي كثييييييييييييير كثيررررررر
بس بغى اتخصص بالتخصص اللي ابيه واخلص دراستي وياخذني ولد خالتي

والله على كل شي قدير


__________________________________________________ __________

اسال الله ان يرزقك بالزوج الصالح عاجلا غير اجل
حكاية انهم يرفضوا بحجه راتبه هذا مو سبب هذا جحد للرزق اللي جاكم
اذ نخطبتي ورفضوا اهلك كلمي حد يدخل بدون مايعرفون انه انتي حكيت لهم
والله يرزقك ويرزقنا من واسع فضلة


__________________________________________________ __________

^
عندي جزء من النص مفقود

اللي هو (خاصة الفل اكثري منها في المساء وقبل النوم )

الفلق


__________________________________________________ __________

صحيح الظاهر سحر راعي السفريات حقهم اهلك يرفضونه لانك بتتعبين معاه وشايف

اشكال واونواع

دخلي منتدى الرقية الشرعية ويشخصون حالتك وان شاء الله يعطونك العلاج

مع اني تعبت وانا ادور وبالاخير ايقنت وتاكدت انه كل شي بيد الله سبحانه اهم شي

تتقربين منه بصلاة الليل والدعاء والاستغفاركلمي وحدة من خواتك المتزوجات تكلم

امك