عنوان الموضوع : أوافق على العريس او لا ؟ -لصحتك
مقدم من طرف منتديات نساء الجزائر

أوافق على العريس او لا ؟



السلام عليكم ورحمة الله وبركاته

انا عمري 23 تخرجت بكالوريس وان شاء الله راح ابتعث اكمل دراسه بره ، وتقدم لي واحد عمره 32 ماعنده وظيفه ومطلق وراح يتخرج انتساب بكالوريس هذا الترم وناوي يكمل دراسته برا على حسابه وبعد ماعرف أهله اني بروح بعثة انبسطوا أكثر
شفت صورته وسيم
بس خايفه
خايفه يوافق عشان يقدر يكمل دراسته على حساب الدولة مو عشان يبغاني !!
وخايفه لانه مطلق أكيد كان شرير
وخايفه انه أكبر مني بكثيير
وخايفه لو رجعنا من البعثة كيف يكون وضعنا وهل راح يلقى وظيفة كويسة
ايش رأيكم ؟ أوافق آو لا
مع العلم اني استخرت وحسيت اني مرتاحه شوي لان خايفه من النقاط السابق ذكرها
انصحوني

>>>>> ردود الأعضـــــــــــــــــــاء على الموضوع <<<<<
==================================


حبيبتي مش شر اذا كان مطلق انه سئ انت استفسري عن سبب طلاقه

ثانيا عمرك مناسب وما في فرق بير بالعمر

وحبيبتي بالنسبة للوضيفة في احد الصحابة قال (للاسف ناسية اسمه )( علمت ان رزقي بالسماء لن يأخذه احدا غيري فطمئن قلبي ) هاي ارزاق

والله يوفقك ويختارلك الافضل


__________________________________________________ __________

الله يوفقك


__________________________________________________ __________

والله ماعرف شو اقول انتي فكري هل هالشخص اللي تتمنينه واسالو عن اخلاقه ودينه وش سبب طلاقه
ودرسي الموضوع من كل النواحي مو بس عشان وسيم توافقين ها شي مايدخل العقل
والله يوفقك


__________________________________________________ __________

وعليكم السلام ورحمة الله وبركاته
شوفي ي اختي القرار مو بيدنا هو لازم يكون بيدك بعد الله سبحانه
اول شي انتي اسئلي واستفسري عن سبب طلاقهـ .. مب كل من طلق صار شرير يمكن طليقته كانت...... الله اعلم ما ابي اسيء الظن فيها الله اعلم شلون كانت حياتهم المهم ثاني شي والاهم انج تعرفين اخلاقه ودينه وثالث شي سمعته شلون اممم دامج استخرتي ومرتاحة توكلي على الله طبعا بعد ماتتأكدين من الاشياء اللي ذكرتهم ... اممم نصيحة اذا ان شاء الله تزوجتي وابتعثتي برا تمسكي بدينج وحجابج لا تتهاونين ف نقابج اذا كنتي متنقبة لانج تمثلين الاسلام كونج فتاة مسلمة<< قلت هالكلام لان في كثير ناس الله يهديهم لا سافرو برع يتخلون عن دينهم ومبادئهم


__________________________________________________ __________

يا اختي ما تقبلي الا لتخلي احد من اهلك يسأل عنه
وعن سبب الطلق وعن اخلاقه هذه المعلومات لا تكفي
واستخيري وادعي الله يكون خير لك