عنوان الموضوع : اخاف اذا رحت اهلي والسبب الطبيب يجيب
مقدم من طرف منتديات نساء الجزائر

اخاف اذا رحت اهلي والسبب



السلام عليكم

انا متزوجه في منطقه ثانيه يمكن تبعد عن اهلي 50 كيلوا تقريبا
المنطقه اللي انا ساكنتها فيها طريق وهذا الطريق واحد رايح جاي وعند مكان جبال وخلا مكان مره يخوف والطريق متعرج يعني مو مستقيم وبوسط الطريق محطه مهجوره زوجي يقول ان هالمحطه من زمممان مهجوره واصحاب المحطه تحصل لهم مضايقات ويخافون وصارت مهجوره
الطريق ذا معروف بالنسبه للمناطق اللي قريبه منه تصير له قصص وفيه جن بسم الله
في بداية ماتزوجت كنت شايله هم هذا الطريق كيف بروح لااهلي بالرغم ان فيه طريق ثاني بس بعييد وعن طريق مدينه واشارات وزحمه وهذا الطريق المتعرج بالنسبه لنا قريب وتقريباً 45 كيلو طول الطريق

المهم في بداية الزواج كنت شايله هم الطريي وبعدين تعودت عليه وماصرت اخاف
وقدل شهور صارت لنا مواقف ومن بعدهااا وانا ايدي على قلبي اذا مشينا هذا الطريق
بقولكم مره كنت عند اهلي واتصل زوجي الساعه 2 ليل انه خرج من الدوام ويبي ياخذني
وامي خافت علي وقالت طمنيني اذا وصلتي قلت طيب
واحنا نمشي في الطريق كام فاضي مافيه الا سيارتنا وفجأه واحنا ماشين شفنا زي الشي من بعيد واقف على طرف الخط
وقربناا وشفنا زي رجال واقف لابس ابيض وجسمه كله دم ويأشر يبينا نوقف له
مشينااا عنه لان وقفته مو وقفة واحد تعبان !
انتم مستوعبين جسمه كله دم وواقف وقفة انسان طبيعي

خفنا وهربناا منه لان ماعنده سياره ووراه جبال ومافيه بيوت من فين جاي !
وبعد فتره سمعت ان واحد من قرايبنا مر من نفس الطريق ونفس الوقت وقابل شخص مسوي نفسه تعبان وطنشه والشخص لحق السياره بالحجر يرمي

ومره صار لنا موقف ثاني فجأه الطريق كله غبار مانشوف شي
وسمعناا ان قديم كان يصير كذا الجن بسم الله يغبرون بالطريق
وكثثثير تمر من امامنا كلاب ويضطر زوجي يهدي عشان مايصدمهاا
ومره بغى يصير علينا حادث لكن الحمدلله الحمدلله يارب اننا سلمنا
الخط مجرد ماتشوفون يخوف ولاتوجد اناره

صرت اخاااف والله اخاف اذا رحت اهلي واخاف على زوجي اذا يبي ياخذني من اهلي احااتيه طول الوقت
وامي تخاف علي من هالطريق
لدرجة اني اقول الاذكار واتشهد من بداية الطريق

مره قلت لزوجي مانبي اليوم نروح من هذا الطريق ورحنا من الطريق الثاني والمسافه جداً بعيده

وش اسوي كيف ابعد الخوف لي سنه ونصف اروح واجي من هالطريق قبل ماكنت اعرفه
مااوضح لزوجي اني خايفه احاول اسولف معه طريق الطريق اضيع الخوف بس غصب عني اخاف وش اسوي احس جاتني فوبيا من هالطريق

>>>>> ردود الأعضـــــــــــــــــــاء على الموضوع <<<<<
==================================



__________________________________________________ __________


__________________________________________________ __________


__________________________________________________ __________


__________________________________________________ __________