عنوان الموضوع : مشكلتي قلبي يأمرني بكل شي ساعدوني بنتحر! الطبيب يجيب
مقدم من طرف منتديات نساء الجزائر

مشكلتي قلبي يأمرني بكل شي ساعدوني بنتحر!



بدون مقدمات انا راح ابدا اقول مشكلتي ويارب يسهل علي
انا بنت عمري 20
مقبله على الزواج و اهلي موافقين بس ناقص العريس الي ياخذني
طبعا انا مابي من القرايب ابدا ابدا
سجلت في مواقع الزواج بالنت و تعرفت على شاب صادق بالزواج و كان بيكلم اهلي و يجي يخطبني
وهو الوحيد اللي ماشكيت انه نصاب ابدا ماطلب رقمي او صوري او اي شي لي يقول اجي اشوفك الشوفه الشرعيه
المهم بعد فتره فتح الموضوع لاهله و رفضوا اننا نتزوج بحجة اني بمدينه و هو بمدينه
وانا تحطمت و حزنت وهو نفس الشي
و صارت علاقتنا عاديه مجرد بلاك بيري ومحادثات وهو محترم معي ولا يزعلني ولا يقول عني شي
المشكله انا تعلقت فيه ماشوف بعيني غيره و من بعده رفضت كل اللي جوني
كل شوي يطري على بالي و عجزت انساه و احبه حب مايعلمه الا الله
وهو صار ثقيل معي شوي ومايطري الحب يقول مابغى اقول احبك و اكسر قلبك لانك مو من نصيبي وكذا
واذا قال كذا احزن و اقعد ابكي و نفسيتي تعبت لانه هو الوحيد اللي دخل قلبي من بين كل البشر وماطلب مني صور ولا رقم ولا شي ودايم يدعي لي اتزوج واحد احسن منه وانا اقوله مافيه غيرك لي انت اللي دخلت القلب غيرك ماقدر ولاراح يقدر
وانا عجزت اتركه كل يوم اكلمه واذا ماكلمته ماقدر انام بس احسه مو مهتم
لان من بداية ماكلمته بالزواج قالي من قبل يمكن ربي مايكتب لنا لا تتعلقين فيني و تكسرين قلبك عشاني
هو رجال و مره حساس و يراعي مشاعري و مستحيل القى احد كذا بالدنيا
ابغاه يكون لي ابغى يتزوجني كيف اخليه يتزوجني
يابنات انا محتاره والله احلم فيه و اتخيله معي بكل مكان و صوته و كلامه حافظته عجزت اخليه بحاله احس اني بليته بنفسه وهو مو راعي العلاقات الي كذا
بس انا تعبت وش اسوي عشان اتركه
بليز بنات ساعدوني وانا والله مابغى اروح معه بالحرام لان هو اصلا مايبغاني الا بالزواج ويوم ربي ماكتب قال اللي بيننا خلاص وكل واحد بطريقه وكذا يعني مره ولد محترم و يخاف الله

انتظركم بسرعه

>>>>> ردود الأعضـــــــــــــــــــاء على الموضوع <<<<<
==================================


شوفي حبيبتي انتي عمرك عشرين مو صغيرة يعني عقلك براسك تعرفين خلاصك هو مايريدك زوجة لان اهله رفضوك ومايريد منك حب ولاعلاقات !!!!! طيب انتي وهو ع شنو متواصلين لحد الان هو مجرد تعذيب نفسي والسلام !!!!!! اقطعي علاقتك به فورا بلا بلاك بيري بلا هم ولاتعلقين نفسك بحبال الوهم هو مو الج ولايحبج مجرد حب انتي ع شنو تتواصلين وتعلقين نفسج بيه اكثر واكثر „”„””ابتعدي عنه وامسحيه من قلبج بالاول صعب بعدين كلش عادي صدقيني وربج يبعثلج اللي بيه خير


__________________________________________________ __________

السلام عليكم اختي
الرجل كان صادق معك و لم
يتلاعب بك و بمشاعرك و لم يعلقك انتي من
تعلقين نفسك و ما تفعليه ضرر لك انتي تعدبين نفسك
و صدقني اقطعي علاقتك به و تقربي الى الله بالصلاة
و الدعاء و ستنسيه ان شاء الله


__________________________________________________ __________

هلا اختي
خطا اللي تسوينه حتى لو هو نيته سليمه انتي تتواصلين معه بصفته ايش
بيجيك احسن منه ان شاءالله ورح تندمين اانك كلمتي غيره ي اختي احفظي نفسك
ومشاعرك وقلبك لزوجك مو الواحد مو من نصيبكك انسيه وبعدين انتي صغيره ان شاءالله يجي
يكون من قرايبكك بس مو لازم من النت مدري بس هذا رائي الزواج من النت مو صح


__________________________________________________ __________

انت وش دراك ان اهله رفضوا كلمتيهم !!!!!! يمكن هو الي قالها لك .. واذا صدق رفضوا هاذا مو سبب مقنع انت بمنطقه وهو بمنطقه عااادي كل البنات تتزوج وتروح مع زوجها وين مارااح الله يهديك ﻻ تعشمييييين نفسك فيه واذا جاك نصيبك استخيري وتزوي والله يكتب لك الي فيع الخير .......


__________________________________________________ __________

ليه ليه ليه تتزوجي موقع زواج وبعدك صغيره اختي طالما دخل هو موقع زواج اشلون يبحث ويعمل علاقه مع فتاه ليس من مدينته واهله ماراح بيتقبلون هالشيء ؟او بدون يشاور اهله وهو عارف ان الامر بايدهم وموافقته ورفضه مبني على كلامهم ؟

اختي انا انصحك انك الان تتخذي قرار وان كان يصعب عليك بحذفه تعوذي بالله من الشيطان وهو يمكن مؤدب ولكن مو شرط يكون صادق حبيبتي نحن بالسعوديه نعرف بعض ومستحيل رجل يتزوج امرءاه تعرف عليها من النت انا حين وقفت على دي المنتديات حق الزواج وجدة ان اكثر من توفقوا بالزواج فيها من خارج السعوديه لانضحك على نفسنا اساليه هو ليه توجه للزواج عبر الموقع ؟ اقرب شيء بيقوله لك كنت ابغى اعرف الي اتزوجها لاتصدقي ياماما اكلمك عن تجربه ماراح يتزوج عبر الموقع الا شخص ماعنده احد يخطبله امه متوفيه او شيء من هالامر او حاس بارض الواقع ومالقى من يقبله وبالتالي راح يمدح حاله عندك بكلام معسول وبالطبع حتصدقي

حبيبتي انت بسن الرشد وفاهمه اتخذي قرار حذفه ونسيانه الان ولا يوسوس عليك الشيطان استمرار تواصلك بيعلقك فيه زياده ولاكن جربي اقطعيه حذفيه الامر يومين بيكون صعب وبعدها عادي لاتتركي نفسك كدا تتعذبين ترا الحب شيء صعب جدا
وكلما ذكرتي حبك له ضعي يدك على قلبك وقولي اللهم زد قلبي حبا وتعلقا واقبالا عليك وبينسال حبه من قلبك جربي وبتدعيلي