عنوان الموضوع : انا الدبه مجابة
مقدم من طرف منتديات نساء الجزائر

انا الدبه



ياناااس اناااا دبببه تعقدت من جسمي تعقدت من وزني وحجمي كرهت نفسي كرهت الناس كرهت كل شي في الحياه دايما البنات يستهزؤون فيني صديقاتي يتكلمون ويستهزؤون كثير ولما اتكلم معهم يقولون شفيك ماتتحملين مزح وانا امشيلهم كثير قلت خلاص عادي مابعطيهم وجه بس ماقدرت اتحمل وربي كل مااشوف بنت نحيفه احترق اتضايق بقوه في قلبي لا تقولون حسوده اقسم بالله اني كل مااشوفهم اذكر ربي كثير كرهت نفسي لدرجة خلاااص ثقتي في نفسي انعدمتتت انا الحين في الثانوي تخيلو مافرحت بصغري من المتوسط والبنات يحبوني بس عشاني فرفوشه واضحكهم واسولف معهم بس احاول ماابين لهم اني متعقده من جسمي عشان مايمسكونها علي انا نقطة ضعفي جسمي قدام الناس لما احد يتكلم ابين انه عادي عندي وماني مهتمه بس في داخلي ابكي وانقهر
مره كنت انا وصديقاتي بنركب في السواق حقنا راجعين من المدرسه وتعرفون فيه شباب يجون ويروحون على كيفهم واحد تعدى من عندنا وقال كلام ويتغزل وانا اسبه الله لايوفقك ويارب تشوفها في احد عزيز عليك وقعدت اتكلم وشوي قال محد كلمك يالدبه !
تحطييييم والله العظيم اني يوم رجعت للبيت بكييت كرهت نفسي لاتقولون رجيمات مو غبيه لدرجة مافكرت بذا الشي بس انا مستحيييل انحف بالرجيمات كنت اسوي والاحظ انه مايفرق معي قبل والحين ورحت للمستشفى وقالوا صعب ينزل وزني بسرعه يعني مو زي الناس العاديه اخذ سنه يمكن عشان انقص 10 يااناس تعقدت من نفسي امس حلفت بالقران ان ماراح تجي السنه الجايه الا وانا نحيفه ساعدوني لاتطمعون علي تكفون
واللي راح انحف بسببها ورببي ماراح انساها من الدعاء راح ادعيلها اكثر من نفسي
امنيتي الوحيده في العالم وماابغا غيرها اروح للمرايه واشوف نفسي نحيفه بمووت من الوناسه

>>>>> ردود الأعضـــــــــــــــــــاء على الموضوع <<<<<
==================================


آعرف وحده نزلت وزنها وزبطته بسنتين !! استمرت سنتين !! انتي شدي عللى نفسك بقوه وتحملي تعب الرجيم وسوي ريآضه كثير مثل آلمشي آلجري آشيـآء كذآ لازم تتحملين عشآن توصلين للي تبين له لآتيآسين يعني لو مرت سنتين وانتي بآقي دبه م تتحسفين عليهآ .؟؟ بامكانهه يكون جسمك يهبل بعد هالسنتين!! خلي عندك عزيمه واصرار آنتبهي لاتستسلمين لليـآس


__________________________________________________ __________

اهليييين ي عسسل
طيب حبيبتي كم وزنك ؟؟
روحي لاخصائيه تغذيه عشاان تعطيك ريجيم يناسبك وتمشين عليه
وكماان روحي لنادي ريااضي
بنت خالي وزنها زايد راحت لنادي رياضي بعد فتره وزنهاا نقص كثير ماشاء الله
و حااولي يكون يووومك حركه يعني لا تجلسين كثيير قدام التلفزيون او الجوال او اللاب توب
اشغلي نفسك بأي شئ
العبي العاب الذكاء ترى التفكير ينقص من الوزن
و ابتعدي عن اكل المطاااعم كله دهوووون تزيد الوزن
اتمنى ردي يفيدك حبيبتي
موفقه ي قمرر


__________________________________________________ __________



بنت خالتي نزل وزنها بسسنه ونصص
مافي شي سسريع حبيبتي لازم تصصببرين
وان شاء الله ينزل وزنك


__________________________________________________ __________

عزيزتي أنا عندي أختي عالجت بالإبر الصينية وصارت نحيفة ^^


__________________________________________________ __________

اذا وزنك عالي جداً عندك طريقة البالون. وشفط الدهون. وابر الميزوثيرابي هذي تقريباً ماتألم مره ونتيجتها كويسه. والابر اقلهم وممكن باي عياده.
او انك وهذا الخيار الافضل تروحي مدينة الملك فهد الطبيه بالرياض فيه دكتور ممتاز يعمل عمليات للي اوزانهم زايده واذا ماتبغي عمليه يسوي تحليل الغدد والسكر.
ويعطيك علاجات اعرف وحده نحفت بالعلاج حق الغدد
واذا ماتقدرين معليش جيبي جهاز اورب تراك وسوي رياضه وخوذي ريجيم كويس وابدي عليه وابتعدي عن الغازيات والسكريات بانواعها والمقالي واشربي شاي اخضر وحليب بالقرفه والشاهي هذا كويس ينزل بس بدون سكر واشربي خلطة الزنجبيل والكمون واليمون والشاي الاخضر صدقيني مع الاراده والعزم بتنزلين باذن الله. وتسكتين الكل لكن لو جلستي محبطه وتبين تنزلين بسرعه ماراح تستفيدين لان وقت النزول الافضل يكون طويل وعلى فترات متباعده عشان تشققات الجلد وعشان ماترجعين لوزنك الحالي بعدين.
صدقيني بالبدايه تحسين بصعوبه بس لو نزلتي كيلو راح تتحمسين. وتنزلين اكثر.
ومارسي الرقص ههههه والله طبيبة عمتي تنصحها فيه تقول يخفف جسمك كله.