عنوان الموضوع : الي قلبها طيب بس تدخل بالله مجابة
مقدم من طرف منتديات نساء الجزائر

الي قلبها طيب بس تدخل بالله



سلام عليكم انا صاحبة هذا الموضوع(بتكمل سنه في رمضان ماتكلمني)

واذا الرابط مافتح معاكم فاسم موضوعي هو (بتكمل سنه في رمضان ماتكلمني)

قبل كو حاجه ماكان لو داعي بعض الكلام الي قلتوه عن امي وتقولو مريضه نفسيه والله حسيت بتأنيب الظمير وبكيت على كلامكم انا ما عمري شكيت لحد مشكلتي هادي لاني الوم نفسي وما ابغى حد يعرفها لو جا يوم وماتت امي اكيد بتذكر اني يوم كتبت عنها كلام زي دا وبندم اكيد من دحين بقولكم ما ابغى تقولو كلام زي دا امي مو مريضه لو سمحتو

هذي هي كملت سنه كااااامله وماكلمتني
الكل سألني وقال اكيد انو فيه سبب وطبعا فيه سبب
كونت خايفه من ذكر السبب لانكم بتدعون عليه وانا ما ابغى دا الشي لاني سمعت دعاوي ومرظت والله العظيم وتنومت اكتتر من مره من غير دعاء امي عليه السبب انتو اكيد سمعتو بحريق روظه اطفال عندنا في جده بعدها بفتره حصل حريق تاني في (مدارس ال___ الاهليه)
الي هيا مدرستي وحطو التهمه عليا انا وشلتي خلوني اذكر لكم الحادثه عشان ماتدعو عليا الحريق كان جدا عادي حتى ماوصل للأخبار وجرايد وخرابيط كونت كالعاده انا وشلتي مسببين ضجه ومشاكل والمدرسات كانو بيسوو اجتماع واحنا محد يقدر فينا الصراحه بالذات انا احس اني ادشر بنت المهم انها اخدتنا وسكرت علينا في غرفه الحاسب والسبب انو الفصول مالها موفتاح و كونا نلعب كالعاده وحده من الي موجودين سوت حاجه فصلت فيش او ركبت جهاز ماني عارفه والله العظيم ويشهد عليا الله والله ماني عارفه اش حصل فجأه صار التماس وشوفنا بخار وصرخنا عطول بنات حاولو يتصرفو خوفنا خوفنا لدرجه انو بعضنا داخو فجأه رعب لانو قريب سمعنا سالفة حريق الروظه وكانو خايفين لاكن الدخان كان مايخوف بس في المكان الي فيه الجهاز طلعت فوق الطاوله افتح الشباك لاكن حسيت اني بدوخ ونزلت وروحنا نصرخ للداده وفتحولنا والحمد الله ماحد صارلو شي والنار كمان كانت جدا جدا بسيطه وطفوها صارت سالفه كبيره مين كان السبب ؟ اتصلو على اهالينا كل ام وقفت معا بنتها الا انا اميي بكل بساطه اتصلت عليهم قالت (بنتي تعبت فيها لكم اللحم ولنا العظم ولا اوصيكم فيها ) صارت التهمه عليه روحت كلمت ابويه وفهمتو الموضوع وصدقني والغلط اني علمتو ع كلام امي وراح عليها هيا ماكونت اقصد كل العالم والناس دعو عليا ولين دحين يرددو هدي العباره انتي كونت بتقتلي 500 ميه نفس الى درجه انو حتى جارتنا بعد ماطلعنا من بيتها توقعت انها نسيت موضوع الحريق تركتني حتى وطلعت من الباب ودفتني من ورا (اطلعي انتي الي قد اصبعي وكونتي بتقتلي 500 مية نفس )وزاد كره امي ليا بزياده واسمعها في كل مرا تقول هذي العباره (كونت في نعمه انا وزوجي وجت اللعينه ودمرتني كونت اشتغل وتركت شغلي بسسببها) كل هذا الكلام ما ادري اش يعني واش تقصد فيه هيا كانت موجهه وفجأه ربت منزل
طلبت مساعده من خالتي وقالت لي انا جلست معاها وتخيلو اش تقول (اي مشكله معا زوجي تصير اطلع واطلع قهري كله في بنتي فلانه ) ليش انا طيب

اذا كان فعلا هذا السبب ف انا مستعده اتحمل كووول ضربها لو تضربني سنه كامله بتحمل اهم شي ماتضربني كره منها لي انا جدا حساسه لما حد يقول كلام عن امي ما اقدر اوصف قد ايش حساسه في دا الموضوع الى درجه اني اراقب امي معا الضيوف واذا كان شكل الضيوف اجمل من شكلها او امي في شكلها شي غلط والله اني ادخل غرفتي وابكي حتى يعورني راااسي ما ادري اذا في حد زيي ولا لا ؟ والله بمجرد ما اشوف امي وحدها وحزينه ما اقدر امسك نفسي وابكي بشكل فضيييع اشهق وامسك نفسي والله
احس اني ابكي عليه اكتر ماهيا تبكي ع نفسها واحقد على ابويه كتير اذا رفظ لها طلب معا انو ابويه اطيب انسان
عقدتنيي امي تحب الشقار واختي الكبيره شقرا ومرا مرا تحوبها امي بزياده بس لانها جميله هذي امي ترا احيان غريبه تكون وانا اغار من اختي الكبيره مرا وتورينا صورنا واحنا صغار وتسوي مقارنه بيني وبينها دايما كمان والي يزيد كره امي لي خالاتي دايما يقولو لها ربي بنتك وهما نفس حالة امي معا بناتهم ويشجعون امي كمان ويقولو اظربيها تخيلو انو خالتي بالشوكه تغرزها في ركبة بنتها ولا في كتفها والله ما بالغ ولا اكذب وامي تصير تقلدهم وتتعلم منهم وتسوي لي نفس الحركه معايا من يوم وانا صغيره ماعمري سمعت امي تناديني باسمي صارو الناس الي حولي ينادوين بابشع اسم وانا ذكرت الشي دا في موضوعي الاول انهم ينادوين ب (___) تعقدت واحيانا خالاتي ينادوني يا (عنتر) قصدهم اني ولد وانا فعلا مافيني انوووووووثه ابدا ولا جمال ولا شي على طول اقصص شعري وامي تعاملني كاني ولد وتناديني احيانا باسماء اولاد في المدرسه عند شلتي ينادوني (خالد) سخريه مني تعبت لدرجه انو لما اسمع اسمي او لما ينادوني باسمي احس اني ببكي عشان كدا بقولكم اسمي وخاطبوني فيه ترا نفسيتي تتحسن لما احس باسمي معا اني ما احبو اسمي (غدير) والله دحين وانا اكتبو متردده اكتبو واحس كأنو مو اسمي انا شلت من راسي الانتحار من كلامكم الله يسعدكم ويوفقكم ويوفق ويسعد ادارة هذا المنتدى الراقي

حتى ابويه بيصير زي امي اخويه الله يرحمه وهوا بسني ابويه كان يطرده برا البيت ويردد هذي العباره (ما ابغى مراهقين في بيتي) طيب انا بنت المفروض مياطلعني برا البيت وما كونت متوقعه يسويها لاكن صااااااااااارت والله العظيم من امي ومن ابويه امي تعبي راس ابويه افكار عني ويجي فوق راسي مراهقتك بعيد عني اطلعي برا بدون نقاش انا ماعندي مراهقين في بيتي والله طلعت برا وسكرت امي الباب فتره ويرجعوني مستحيل يسووها معا البقيه عاااااارفه تعقدت نفسيتي مستحيل تتعدل مليون بلوة تحصل بس اش اقول واش اخليييي تعبت

اسفه اني طولت عليكم

اتمنى تفيدوني بشي وعفكره صعب تتواصلو معايا

اتمنى الاداره تنزلو وشكرا

>>>>> ردود الأعضـــــــــــــــــــاء على الموضوع <<<<<
==================================


والله حبيبتي مدريي ايش اقولك غير ربي يعيينك
حاول معهم بالكلمه الحلوه ولاتحسسي كثيير لانو راح اشياء اكثر
واصبرري الصبر مفتاح الفررج ..
انا اخس منك بس خلاص ماقدر غير اسكت


__________________________________________________ __________

والله شى غريب الله يهدى الجميع تكلمى مع امك واحكى لها كل الى قلتيه لنا والله يحنن قلبها عليك


__________________________________________________ __________

بصراحه مافي ام طبيعيه تسوي كذا مع بنتها يمكن مو مرض نفسي يمكن عقده او شي قديم صار

والله مادري زعلانه علييك واجد ما شاء الله عليك ياغدير طيبه كثير وحنونه الله يكملك بعقلك

اكثري من الاستغفااار وقياام الليل واشكي همك لله وثقي بأن القاادم افضل

وان شاء الله ربي بيوفقك لانك باره في والديك رغم هذه المعامله

الله يفرج همك ويحنن قلب امك وابوك علييك ويسعد قلبك ياارب


__________________________________________________ __________

بكل جوارحك بقلبك المنكسر بخشوع بثقة بصبر ايوب على الداء وبدعائه قولي* لا اله الا انت سبحانك اني كنت من الظالمين


__________________________________________________ __________

ياحياتي
معليش غدوره تحملي واصبري والله اذا شفتي الأجر اللي حصلتيه يوم القيامه وشفتي مكانتك بالجنه ان شاء الله راح تقولين ليتني تعذبت كل عمري وعشت في هالنعيم الدائم بأذن الله
الدنيا فانيه أصبري واحتسبي الأجر
ياكثر مشاكل تصير مع الوالدين لكن الواحد مابيده غير انه يدعي لأمه وابوه لأن الله وصانا عليهم حتى لوكفارمعليش ياحلوه متى ماحسيتي حالك متضايقه ومهمومه توضي وافرشي سجادتك وكل اللي بقلبك قوليه لربي وانتي معلى يقين انه يسمعك ورح يستجيب لك حاولي تصلحي حالك لايهمك الكلام خليكي بنوته نعومه
الحين الدراسه قربت خلي الكل يتفاجأ فيكي أشتركي مع المصلى
اهتمي بدراستك لأنه والله ماراح ينفعك غير شهادتك
وبالنسبه للحريق هذا شي مكتوب ومقدر الحمدلله على سلامتكم
واللي يدعي عليكي قولي (( ولك بالمثل )) وكلن حسيبه ربه
الله يوفقك ويسعدك ويحميكي ويهديكي يارب .
وعلى فكره أسمك يجنن روعه