عنوان الموضوع : مش قادره ابعد عنه مجابة
مقدم من طرف منتديات نساء الجزائر

مش قادره ابعد عنه



السلام عليكم
انا مشكلتى انى بحب واحد جدا وهو كمان بيحبنى اوى وهو دلوقتى سافر السعوديه بقاله سنه ونصف وكان المفروض ينزل اجازه فى الصيف يعنى على شهر 8 كده احنا كنا متفقين على كده ومش فى اى اعتراض وحصلت بقى عنده فى بيت اهله مشكله كبيره اوى ان باباه تعب جدا جدا وكان عاوز مصاريف عمليه كبيره وباباه مش معاه المبلغ المطلوب للعمليه فطبعا مش كان هيسيب باباه مريض وبعتله فلوس العمليه هو مبلغ كبير وعلشان كده اجل نزوله علشان الفلوس اللى بقيت معاه حاليا مش هتكفى الجواز وقالى مش هعرف انزل على شهر 8 زى ما اتفقنا والمشكله الاكبر بقى ان ماما قالتلى لو مش نزل على شهر 8 اعتبرى ان الموضوع ده انتهى وانا اخليه ينتهى بس بجد انا بحبه اوى وانا قولتله على كلام ماما بس قالى انا مش عارف اعمل ايه طب كنت اسيب بابا يموت وفى نفس الوقت انا عاوزك ومش هقدر اسيبك انا اعمل ايه طيب انا بجد تعبت اوى وانا حسيت انى سنى كبر عندى 22 سنه.
وعلى فكره انا بكلم باباه ومامته علطول وهما بيكلمونى وانا عارفه فعلا ان باباه تعبان اوى بجد ومش بيتحرك
بجد انا محتاجه المساعده فى حل مشكلتى

>>>>> ردود الأعضـــــــــــــــــــاء على الموضوع <<<<<
==================================


الحل انك تسيبيه تعرفين ليه ياحبيبتي لانلو كان عايزك بصحيح كان تزوجك باقل الامكانيات وانتي لما بتقولي بتحبي اوي يعني لازم تستحملي حالته الفقيره بس حالته الماديه دي وباباه العيان دي حجه عشان يفضل مرتبط بيكي بدون زواج الاحسن الك ان تسمعي كلام والدتك ودوسي على قلبك انا عارفه انو ده صعب لكن كلها كم يوم وتتعودي


__________________________________________________ __________

بس انا عارفه فعلا ان باباه تعبان جدا لانى بكلمه علطول والمشكله برده ان عنده اخواته ومامته لازم يساعدهم بفلوس علشان يعيشوا هو قالى انا مش عارف ارضى مين فيكو


__________________________________________________ __________

حبيبتى خليكى معاه واقفى جنبة وفى نفس الوقت اكسبى مامتك فى صفك قوليلها لو بابا الى تعبان ومحتاج فلوس وعندى اخ عايز يتزوج كنتى هتعملى ايه هتجوزى اخويا ولا تعالجى بابا ؟؟؟؟؟؟
حبيبتى ساعديه وخليكى معاه واوعى تتخلى عنة لمجرد انه فى موقف صعب ممكن كلنا نتعرضلة
والله انا بكلمك بصدق انا فى نفس سنك واتعرضت لنفس ظروفك اتخطبت فى 2-2008 وكنا متفقين ينزل فى 7-2008 ولكن حصلت ظروف جامدة ومعرفش ينزل لحد الان ..
ماما فى الوقت دة قالت كل واحد فى طريق انتى مش هتفضلى رابطة نفسك بيه وهو فى الظروف دى انا سيبتها تقول الى هى عايزاة لانى متاكدة انها خايفة عليا وبينى وبينة طمنتة وقولتلة انا عمرى ماهتخلى عنك وبصراحة ربنا كان معانا وساعدنا لحد مامرينا من الفترة دى وفى النفس الوقت اتفقنا اننا نتخلى عن جزء من احلامنا ونعيش على اد فلوسنا الفرش بسيط والشبكة بدل 25 الف جبناها ب 11بس والحمدلله ربنا يسرلنا وفرحنا بعد 3 اسابيع ان شاء الله بعد سنة ونص خطوبة
ويارب عقبالك بالله عليكى لو انتى متاكدة انه انسان محترم وبيحبك خليكى جنبة وتخيلى ان باباكى هو الى مكان باباه --ربنا ييسرلك الخير


__________________________________________________ __________

المشاركة الأصلية كتبت بواسطة بنوتة مسلمة
حبيبتى خليكى معاه واقفى جنبة وفى نفس الوقت اكسبى مامتك فى صفك قوليلها لو بابا الى تعبان ومحتاج فلوس وعندى اخ عايز يتزوج كنتى هتعملى ايه هتجوزى اخويا ولا تعالجى بابا ؟؟؟؟؟؟
حبيبتى ساعديه وخليكى معاه واوعى تتخلى عنة لمجرد انه فى موقف صعب ممكن كلنا نتعرضلة
والله انا بكلمك بصدق انا فى نفس سنك واتعرضت لنفس ظروفك اتخطبت فى 2-2008 وكنا متفقين ينزل فى 7-2008 ولكن حصلت ظروف جامدة ومعرفش ينزل لحد الان ..
ماما فى الوقت دة قالت كل واحد فى طريق انتى مش هتفضلى رابطة نفسك بيه وهو فى الظروف دى انا سيبتها تقول الى هى عايزاة لانى متاكدة انها خايفة عليا وبينى وبينة طمنتة وقولتلة انا عمرى ماهتخلى عنك وبصراحة ربنا كان معانا وساعدنا لحد مامرينا من الفترة دى وفى النفس الوقت اتفقنا اننا نتخلى عن جزء من احلامنا ونعيش على اد فلوسنا الفرش بسيط والشبكة بدل 25 الف جبناها ب 11بس والحمدلله ربنا يسرلنا وفرحنا بعد 3 اسابيع ان شاء الله بعد سنة ونص خطوبة
ويارب عقبالك بالله عليكى لو انتى متاكدة انه انسان محترم وبيحبك خليكى جنبة وتخيلى ان باباكى هو الى مكان باباه --ربنا ييسرلك الخير


انا بجد اشكرك على كلامك ده بجد جميل جدا وعلى فكره انا فعلا واثقه فيه انه بيحبنى اوى وبيخاف عليه اوى وهو راجل جدا جدا


__________________________________________________ __________

لا تتركيه لازم توقفي جنبو وتساعديه إنتي مرتو بالمستقبل لازم تحسي فيه من هلأ
ولا تتركيه يتعزب لحالو