عنوان الموضوع : الغربه هدت حيلي مجابة
مقدم من طرف منتديات نساء الجزائر

الغربه هدت حيلي



سلام عليكم

انا تزوجت وبعدت عن اهلي اناوزوجي بعدنا عن اهلنا وديرتنا ورحنا لمنطقه بعيده عن منطقة اهلنا بساعات وجاولت اتافلم علي بيتي وعلي المنطقه

بس ياناس والله خوووف وقلق وملل الوحده قاتله خصوصا لاراح لدوامه


افكر لواحد فينا تعب وين نروح مين يقف معنا مين يسال علينا اذا جيرنا بالعماره كل واحد بحاله ولانعرف فيهم احد

باب شقتنا ماندق ولا مره مااحد يجي لو بالغلط

انا الخوف والتفكير ذبحوني والوسوسه
احيانا زوجي يطول بدوامه حيل وانا لحالي الخوف ياكلني اكل

احساس الغربه يتعب حيييل
وبس طفشانين لحالنا مانعرف شي ولا احد

لزوجي تعب اخاف وين اروح،لاسمح الله ولا انا


اه يابنات دعواتكم ربي يكتب له نقل بخير لديرة اهلنا وناسنا

ابي حل للي متغربه كيف اتقلمتي وش سويتي بليز محتاجه

>>>>> ردود الأعضـــــــــــــــــــاء على الموضوع <<<<<
==================================


امممممممممممممممممممممممممممممممممممم *.*
غربة وانتي في بلادج !
يوم قريت كلمة غربة قلت الله يعينها
بس انتي قلتي منطقة غير منطقة اهلج معناته ما هي غربة
انتي ابدئي بالخطوة الاولى والباقي اتركيه ل رب العالمين
اختلطي بالجيران واسهل طريقة انج تعزمين الحريم عندج في يوم
وكان حلو لو استغليتي شهر رمضان وطرشتي على الجيران من الاكلات اللي كنتي تجهزيها برمضان على الفطور
و بالنسبة للخوف حطي في بالج لو الله كاتب يصيبج شي بيصيبج حتى لو كنتي بين اهلج وناسج
و حاولي تعتمدين على نفسج اكثر
ربي يكتب لج ما فيه الخير
موفقة

استغفر الله العظيم الذي لا إله إلا هو الحي القيوم و أتوب إليه


__________________________________________________ __________

المشاركة الأصلية كتبت بواسطة غرام طفلة
امممممممممممممممممممممممممممممممممممم *.*
غربة واني في بلادج !
يوم قريت كلمة غربة قلت الله يعينها
بس انتي قلتي منطقة غير منطقة اهلج معناته ما هي غربة
انتي ابدئي بالخطوة الاولى والباقي اتركيه ل رب العالمين
اختلطي بالجيران واسهل طريقة انج تعزمين الحريم عندج في يوم
وكان حلو لو استغليتي شهر رمضان وطرشتي على الجيران من الاكلات اللي كنتي تجهزيها برمضان على الفطور
و بالنسبة للخوف حطي في بالج لو الله كاتب يصيبج شي بيصيبج حتى لو كنتي بين اهلج وناسج
و حاولي تعتمدين على نفسج اكثر
ربي يكتب لج ما فيه الخير
موفقة

استغفر الله العظيم الذي لا إله إلا هو الحي القيوم و أتوب إليه

لا اله الا الله


__________________________________________________ __________

ياعمري عليك انا مثلك متغربه عن اهلي واهله لي سنتين معانا اخوه لاكن علاقتي بزوجه اخوه مو قويه ابدا مانلتق الا في السنه حسنه مع انها فوق شقتي على طول انا يااختي مرينا بضروف ربك العالم بها وماعندنا احد يطالع لنا كنت اشوف زوجي مكسور وانا ماملك له الاالدعاء والحمد لله امورنا تيسرت والله ياختي احيانا تمر علي شهور ماشوف حد
لكن الحمد لله على كل حال
ادعو الله سبحانه وتعالى ان زوجك ينقل لديرتكم وترتاحون من الغربه
انا برضه اطلب منك ننقل لمنطقه قريبه من ديرتنا لانه فيه احتمال ننقل لمنطقه ابعد
[/quote]


__________________________________________________ __________

الله يكون بعونك وبعونا والله انا مثل حالتك لكن
انتي أحسن مني على الأقل بنفس دولتك إلا انا
أهلي بدوله وتزوجت بدوله أوربيه وتخيلي حتى
لغتي ممضبوطه وزوجي ما يخليني التقي بالجاليه الي هنا
وساعات اجلس ابكي والله من الوحده والغربه
لكن الحمد لله الله رزقني بنوتات 2 خففت عني الوحده
ااااااااااه والاه حاسه فيج ربي يوفقج


__________________________________________________ __________

لاحول ولاقوه الا بالله العلي العظيم
ربي يصبرج ان شاءالله
وتري انتي مب في غربه ولا شيء
سوي جميعه مع الحريم الي في المنطقه
يعني حاولي تقربي منهم ,وان شاءالله بتتعارفون وبتصيرون صديقات ومكسب حق بعض !
الله يعينج ان شاءالله ويونس وحدتج بذكره يارب