عنوان الموضوع : حياتي هم في همْْ الطبيب يجيب
مقدم من طرف منتديات نساء الجزائر

حياتي هم في همْْ



السلام عليكم
اخواتي ابي افضفض لكم
انا متزوجه من خمس سنوات وعمري 22 سنه عندي ولد وبنت
المشكله في زوجي اهو انسان مزاجي وعصبي وعديم احساس على اتفه الامور يصرخ علي ويرفع صوته ويسمعني كلام يجرح
مثلا قبل يومين عيالي يلعبون ويغنون ياطفال ياحلوين اشربوا الحليب هههه
المهم زوجي يقولي سكتيهم قتلهم ماما بحطلكم كرتون توم وجيري واسكتوا لاتصرخون ولاتغنون ومو نافع معاهم قمت وديتهم غرفتهم وطلعت لهم العاب المهم تدرون وش قالي
انتي ماتعرفين تربين الجهال لو مربيتهم زين كان اسمعوا كلامك واسكتوا
قلت له كل الاطفال كذا وخصوصا بهالعمر بنتي عمرها 3سنوات ونص وولدي عمره سنتين
قالي لا مو كلهم كذا انتي ماربيتي عيالك لاهيه بالدراسه
سكت عنه قلت لو برد عليه ماراح اخلص ويمكن تصير مشكله كبيره مثل قبل
وامس يسألني وش افضل سياره عندك قلت له فورد اكسبدشن ابيض
قالي انا افضل المرسديس قلت له الفورد كبيره وحلوه حق سفر وطلعة بر قالي بلا تفلسف زايد انتي اصلا ماتفهمين بالسيارات واسكتتي افضل صدعتي راسي
قلت له انت اللي طلبت رايي قالي غلطان اناوالشرهه علي ومره ثانيه ماراح اكررها لانك صدق ماتفهمين والله ان صارت فيني غبنه ودي ابكي

واليوم قلت له لقيت لي سواق للجامعه قام يقولي مالي شغل فيك تبين تدرسين تكفلي بمصاريفك
مابعطيك ولا ريال يوم قلت له اذا ماعطيتني منو بيعطيني يقولي خلي ابوك يعطيك
ذلني يابنات
انا ماعندي فلوس حتى مكافأتي ماراح استلم هالسمستر لاني مقدمه اعتذار واستلمت مكافآت السمستر اللي راح وعلى نهايته قدمت الاعتذار وانصرفت المكافئات كلها
حطني في موقف صعب من وين اجيب فلوس للكتب والمواصلات
وغير الكلام اللي قطه علي وش مستفيد منك وزين مخليك تدرسين وساكت عن حقوقي وعن غيابك عن البيت وعيالي قاطتهم عند امك وعايرني بتوصيله لي وبالمصاريف حتى الاكل عايرني فيه يقولي اكلتك وشربتك وتبين بعد فلوس مواصلات خلي اهلك يصرفون عليك وو....

والله مضايقه كثير مو عارفه اتصرف معاه جربت كل شي طنشته وعاملته وكأنه مو موجود تدرون انه ينبسط يطنشني ويروح ويرجع وانا مو عارفه عنه شي
واذا عاملته عادي احس بضيقه واحس ان حقي ضايع
جربت ارفع صوتي واصرخ مثل مايصرخ طردني من البيت وخلاني فرجه قدام اهله الكل تشمت علي
خلاص تعبت يابنات انا ذكرت هنا عدة مشاكل لي
بس والله مالقيت حل...
تعبـــــــــــــــــــــــــــــــــــــــــــــــ ـــــــــــــــــــــــــــــــــــــــــــــت..

>>>>> ردود الأعضـــــــــــــــــــاء على الموضوع <<<<<
==================================


لاحول ولاقوة الا بالله الله يعينك ياختي على نفسية زوجك المفروض يعطيك شوية احترام وحشيمة واذا ماتعدل سلوكه معك حاولي تكلمين امه او ابوه او اي احد له تأثير عليه واذا مانفع او مالقيتي احد كلمي اهلك يتفاهمون معاه


__________________________________________________ __________

الله يكون بعونك حاولي معاه واذا مانفع مالك الا اهلك
بس نصيحه من قلبي الا تعليمك لاتتركينه مهما كانت ظروفك
تحملي كل شي المهم كملي تعليمك لاتسمعي كلام اللي يقولو مافي وظايف
الرازق بالسماااااااء سبحانه
>> شطحت عن موضوعك الاساسي بس حبيت انصحك
وربي يسخر لك زوجك ويحنن قلبه عليك
يمكن هالفتره عنده مشاكل او نفسيته تعبانه عادي خلك هاديه
بالتوفيق


__________________________________________________ __________

لاحول الله

والله مابعرف

انشاء الله يفيدوك


__________________________________________________ __________

يستهبلـ هاذا ؟؟؟!!!!

اجلـ ليهـ تزوجكـ وانتــ ي صغيـرهـ ،،،

المهمـ بعلقـ ع المزاجيهـ ،،، ابشعـ صفهـ وربــي الصفـهـ الوحيــدهـ الليـ اكـرههـ اصحااابهـا من قلب اللهـ يعينشْ ع مزاجيتهـ

واللهـ يصلحـ حالكمـ


__________________________________________________ __________

حاولي انج تتناقشي معاه وانكم اسره ومايصير يعاملج جذي , الله يعينج ان شاءالله يارب العالمين