عنوان الموضوع : ابغا ارتاح وأريح امي نظر عيني
مقدم من طرف منتديات نساء الجزائر

ابغا ارتاح وأريح امي نظر عيني



مشكلتي
انا متزوجة وعندي عيال وعندي مشاكل مع زوجي وما أثق فيه أبد أبد
وعندي امي أرملة عانت كثير في حياتها وساكنه في بيت مو مرتاحه فيه قديم ولا كهرباء ولا ماء زين الناس. تعبانه كثيرا منه مع أني كل سنه اعدل وأغير فيه بس مافيه فايده. وقبل لما كنت مع زوجي مرتاحه كنت أقولها بشتري لك بيت ورفضت. الحين هي تقول اشتري لي بيت انا تعبت. وأنا والله ماصرت أنام زين من يومها. قلقانه والأسباب هي.

انا عندي ديون وإذا أخذت قرض عقاري بيسددون ديوني وأخاف فيها شبهة ربا.

اذا اشتريت الحين راح انضغط على الأقل سنتين وأنا عندي مشاكل مع زوجي ومايصرف علي بس الأساسيات أجار وأكل. يعني ماراح يدفع راتب الشغاله ولا حساب السواق. ولا بيعطيني مصروف لا في عيد ولا في غيره.

والله قلقانه ومتضايقه. ابغا اسعد امي وفي نفس الوقت محتاره أورط نفسي بقرض 25 سنه. ونص الراتب.

انا موظفه ومعتمده كثير على الشغاله والسواق وشايل هم ما اقدر على مصروفهم وهم أصلا يساعدوني ويساعدون امي.
والبيت اللي ساكنه فيه امي مؤ لنا يعني مالنا حق نبيعه . يا نسكن يا نطلع.

فكرت اشتري بيت دور ارضي وشقق وآجر الشقق تساعدني بس والله البنوك حرامية ضعف السعر ادفعه وعلى 25 سنه.

تكفون فكرو معي. ايش الحل؟
وأدعو ان الله يريح قلب امي ويسعدها. والله صرت اكره أروح لها لان نظراتها تقتلني. ابغا أسعدها ومو مرتاحه لسالفة البيت.

إيه
انا عرضت عليها استأجر لها دور ارضي وتسكن فيه وترتاح من الخرابة اللي هي فيها. أحسن من أقساط بيت تأخذ نص الراتب. و25 سنة. بس رفضت

انا عارفه أنها امي وأنا راتبي كله حلالها. وكل مره اخلص أوراق البيت واستخير يجيني قلق وخوف غير طبيعي. وأبطل.
ساعدوني.

>>>>> ردود الأعضـــــــــــــــــــاء على الموضوع <<<<<
==================================


الله يعينكم
الله يفك كربكم وهمكم ياارب


__________________________________________________ __________

ربنا يعينك ويفرج عنكم


__________________________________________________ __________

الله يعينك ويصبرك انتي خليها تسكن ببيتك مؤقتاً لبين ماتزبطي امورك وتنقليها على بيت تاني


__________________________________________________ __________

الله ينور دربك وان شاء الله مدام نيتك صافيه ربنا راح يعطيكي على نياتك الله يصلح حل زوجك ويديم بعمر الوالده لانو والله الحياه من دونعا ماالها طعم والله يسعدكي يارب


__________________________________________________ __________

حاولي تقنعينها انج تأجرين لها شقه بسعر حلو

او مثل ماقلتي دور ارضي

يعني حاولي معاها وروحي شوفي الشقق ووريها الصور علشان تتشجع او خذيها معاج علشان تشوفها

ان شاء الله تلاقين شقه بسعر مناسب
واذا عندج اخوان خل يساعدونج بالاجار

وربي يسهل عليج ويوفقج