دمعه من عيني من ورا دمعه الطبيب يجيب
عنوان الموضوع : دمعه من عيني من ورا دمعه الطبيب يجيب
مقدم من طرف منتديات نساء الجزائر
دمعه من عيني من ورا دمعه
السلام عليكم ورحمة الله وبركاته
:: :: :: ::
مدري من وين ابتديءاباا افهم انا غلطانه ولا هم تعبت من كثر مااكتم واسامح ومااقدر الا اسامح الله كريم ضيق بقلبي وهم مايعلم به الا ربي ولا أبي حد يعلم به كتبت لكم بعد تردد شي يخجل لصار اقرب الناس ياذيك وش ترتجين من دنياك
مااعرف اعبر مااعرف اتكلم وان تكلمت اعتبر فاضيه وماعندي سالفه وهم المهمين والعقال تعودت اكتم حاجاتي بصدري لان مالي داعي ع قولتهم تخيلو عندي 2 لبس بيت له 3سنين واذ جونا ضيوف وجهي يحمر ويزرق مدري وش البس اخار مره رحنا السوق يوم كنا بديرتنا لانه ديره صغيره مرا وكل شي قريب السوق المستشفى المدارس نروح مشي وكان عندنا اخوي الصغير عمره 17 ومو مقصر بس ماعنده سياره وامي كبيره بالسن معاد له حييل للمشي واخواني الكبار 3 متزوجين كلهم ساكنين بمدينه كبيره بعيد عنى كلمت اخوي الكبير يشوف لها بيت عندهم لان تبيهم يعنونها وينفعونها وقال طيب مايهمك وليتها ماقالت له وانا اصلن عارفتهم وعارفه اطباعهم والله لو مو امي تعبانه ماوفقت ننقل اخوي اللي عمره 17 رفض ينقل
معنا راح .. سكن عند بيت عمتي .. مهم بغتهم عون لقيتهم فرعون البيت خرابه غرفه وحده وحنا بيتنا هناك ايش كبره وبيوت حريمهم واسعه وماثثه احسن اثاث اما امهم ماهمتهم تخيلو حنا نلم عفوشنا امي تقول لاتشلين مواعين ولا شي هم بيشرون لنا قلت لا يامي بنشلها اعرفهم مابيدخلون عليك بملعقه مهم شليت حاجات مرا قليل وشناطنا وعشان امي كانت تعبانه الفتره الاخيره كان البيت وملابسنا قليل مرا ماقدرة تروح سوق محد شرا لنا شي قلنا عادي بنشتري من هناك بس لاسف ماتوقعنها لذي الدرجه تخيلوا لنا 3 سنين كننا أمس نقلنا ملابسنا باقي بالشنط حتى دولاب ماعندنا السوق مايودونا حجاتنا نفسه اللي جينا بها كل من شارد من عنده لاقدر لضيوفنا ولا قدر حتى لمهم رمضان دخل تخيلو حتى بن للقهوه مافي بالبيت والله لو ماعندهم استطاعه كان هانة لكن القهر ان رواتبهم فوق العشره الف القهر والقهر ان ماطلبناهم فلوس بس نبيهم يودونا والقهر ان حريمهم يودوهم الاسواق عشرين مره بالشهر ذى من غير الطلعات للتمشيه والمطاعم ولاتقولون مشغولين اعمالهم بوقات محدده وباقي الاوقات فاضين لاشغله ولامشغله تخيلو حتى زيارات لاقاربنا مايودونا واقاربنا يتشرهون علينا عبالهم ان اخواني مرا بيودونا مكان مانبي واقاربنا كلهم كبار فالسن غصب غصب انفسهم عشان محد يقول الجئي لهم ومرا قلت لخالتي بحالهم معنا وقالت لخوي الكبير امك تعبانه ليش ماتودها مستشفى يعطوها ادويه وكذا قال كل يوم نوديها يومين المستشفى ذي *_* والله انصدمة من كلامه اذكر ودوها يوم اغمى عليها يعني اهملوها يوم طاحت مرا اتصلوا ع الاسعاف وتنومة يومين محد جلس معه غيري كل من راح رقد عند مرته ولكنه امهم لا وبعد اخوي الكبير يقول طلعوها وهي بس تاقف وتطيح ماتقدر حتى تمشي كان المستشفى بيته وهي كانت 4 شهور قبلها تبكي من المرض تقولهم ودوني المستشفى يقولها اخوي الكبير (العاقل حقهم كلهم يقولون عاقل ) يقولها ذى من الكبر كلهم العجايز وجاعه ارتاحي ارتاحي العافيه من عندالله كذابين المستشفيات ويروح يتمشى ومطعم هو مرته ولكن امه مريضه تبكي من الالم لكن حرمته لو جها صداع دار به المستشفيات كلها الحكوميه والخاصه وحتى هو لو بس حرارته ارتفعت خذ له
اجازه من العمل يومين وراح المستشفى لاتقولون انتي كلميه ماحط قدر لامه تبونه يقدرني بالبدايه كنت اكلمه عبالي انه اخو مهتم واكلمه بادب ولين وهو عاجبه الوضع صار كل يوم يتمحرش علي بالكلام وطاح فيني تهديد يقول بحط راسك بالحمام الله يكرمكم وانا مو صغيره عمري وصل 23وكلام كثير ومرا يقول بحطك خدامه عند حرمتي ولما تكون مرته عند اهله يجي ياكل عندنا ويرميني فراسي بالملاعق والصحون يقول ذى الصحن مايصلح جيبي اكبر صحن بالبيت ذى السفره خليها طويله مرا ع اساس ان عندنا ضيوف عشره يدلع علينا يكرهنا بالاكل حتى امي تنسد نفسه معاد تاكل لكن عند حرمته هو ينضف ويشيل ويحط ويغسل الملابس وعندها 2بنات باقي صغار اكبرهم سنتين ونص هو ينضفهم ويمشط لهم وهي متكيه يقول الرسول كان ينفع حريمه واللحين جاب لها شغاله والله ماعلي منه ولا من حرمته بس الاذى اللي مسببه لنا ليه مليت اصبر واقول تهون تهون انا تركت الكليه وديرتي اللي متعوده عليها وجيت هنا بديرة الغربه كله عشان امي قلت كل ذى مو مهم المهم راحت امي وصحتها لاتقولون انقلي دراستك هنا لان مستحيل يدومون بي ولاتقولون سواق بيذبحوني يقولون معاد بقي الا رجال اجانب تمشين معهم خاصه اخوي الكبير مايحسب علي بشي يضربني ضرب يقول ابيك تنشلين معاد تقومين من ع السرير اصلن انتي عجوز مثل اميك حرمتي اصغر منك وحرمته ب 30 الم غربه وفوق ذى ظلم اتجرعه وامي مارتاحة والله هناك كانت مرتاحه هنا تعبت اكثر مرضت لاعلاج لا لبس لبسه اتقطع عليها الاكل ع كيفه فطور مافيه غداء يجيب رز كيس كبير وملح يقول اطبخوه بس بدون شي خضار فواكه ماتدخل علينا من الممنوعات وامي تطلبه مايجيب يقول خليها تمرض العشاء نوع واحد تونه وبزلياء كله ملح وكل يوم عليها وصحن صغير بعد وامي عندها حموضه تاكله تجلس تتالم اللين الصبح توصي معه مقاضي للبيت مايجيب الا ذي عناد بس والفلوس ياخذ نصه ويروح يقضي به لمرته عصيرات وكل اللي تبي يعني يشتري لها بفلوسها وبعد ياخذها ويطلبها يقول هات عطني فلوس وهو موضف وعندها راتب يكفيه ويزيد وامي ماعندها الا تقاعد حق الوالد يادوب يكفيها ذى بدل ماهو يعطيها ولا يعرف رمضان ولايعرف غيره هو مقضي لبيته وحنا مايبي يقضي لنا أخواني الباقين يقولون هو جنبكم ينفعكم ماتستهلون وهم مو مره بعيد فالحاره الثانيه ساكنين وواحد متزوج تو جديد ماعنده عمل عمله تجاره بشهر مره يشرف عليه ولاعنده عيال ولا شي مرا فاضي تخيلو ينفع مرته واهل مرته سوق طلعات يحسب امه عندهم حتى سفر يسافر بهم وأمه حتى بشهر رمضان ماجاء يزوره ولما نتصل عليه نبي شي يقول بكرا بعده يعني تصريفه واذ لزمنا عليه يقول فاضين انتم عندكم فلان ع اخوي الكبير ينفعكم وش تبغون واخوي الثالث يزورنا بس مامنه فايده بس هو طيب بالكلام يزورنا ولما نشكي له من اخوي الكبير يقول لا يمزح معكم لا عاقل وينفعكم كله يتعذر لهم وماعليكم وابشروا انا بوديكم ومعاد نشوفه الا بعد 4 شهور ونفس الكلام ولا يودينا ولا شي بس خلاص معاد صرنا نشكي عليه لانه يبين لنا ان حنا نفسيه والوضع عادي مافيها شي وانا ذا اللي قهارني اكثر هل اللي يسونه عادي ومفروض مانحس مثل مايقول اخوي والله تعبت معاد صرت اميز تخيلوا مافي حتى ربطه الم به شعري ولا مشط امشط به يارب رحمتك كل ماامسح دموعي ترد تنزل اقول يادمعي وقف مافي شي الوضع عادي بس عيى يطيعني واذ اشتد الالم قلت حسبي الله ولا جيت انام قلت يارب سامحتهم كلهم يارب مابي احد يتعذب بسببي مابي اكون مثلهم كل يوم وانا ع ذي الحاله اللحين السوال هل يجوز ادعي عليهم 3سنين واتجرع الم وظلم واشوف امي تتالم ولا بيدي شي تمنية اني ولد عشان اقدر اوديها المستشفي الاكل معاد احس به طعم ولا النوم ولا الحياه كله ولا ادري حنا بسجن ولا ببيت ياليت اننا بسجن يمكن السجن ارحم فيه بشر بقلوبها رحمه والله اني اكتب ودموعي تنزل وهو قد قالها اول ماجينا قال ذى سجنكم وفعلن وفى بكلامه
^ ماتحتمل اختصار ماعرف اختصر نزلوها وانا بنزل الجزء الثاني تحته لاحد يرد لما انزله *
يالاداره داخله ع الله ثم عليكم اسالكم بالله ان تنزلون موضوعي خلني اشوف يمكن كلمه تزيد صبري يمكن حد يرشدني انا ماعندي خوات ولا حد اشكي له الا الله وهو يسمعني
ثم أنتم كتبة لكم بعد تردد بعد مانفذ صبري يارب زدني صبر من عندك .
>>>>> ردود الأعضـــــــــــــــــــاء على الموضوع <<<<<
==================================
الله يصصبرك ..
__________________________________________________ __________
لا حول ولا قوة إلا بالله ..!
انا بقولك اخوك اخوك الي عمره 17 جيبوه عندكم خلوه يجي بصراحة ذا هو الاخو ترجيه وابكي عنده خلوه يروح معكم هناك ..!
اذا عنده صاحب او ولد خالة يسوق خلوه يكلمه يوصله لكم ويكون جايب من عفشكم اللي هناك ويقضي لكم اللي تبونه ..!
ومن مصروف التقاعد وجمعوا له واشتروا سيارة له بيكون سندكم ان شاء الله .. دوروا لكم اي صرفة بس لا تستنون اخوانككم الكبار كافي 3 سنين ولا حسوا بالله وش ترجين منهم ..!
من كلامك حسيتك من ديرتي ^^ شوفي في موقع موبايلي في وظايف لنساء عن طريق النت والراتب 3000 سجلي فيها وظيفة بالانترنت دام عندك نت تنفعك وانتي تجمعي فلوس عشان تشتري لاخوك الصغير .!
صدقيني هو الرجال اللي بينتبه لكم اكثر خليه يجي ويعينكم وتعينونه ..!
اذا ما يبغى يجي خلي امك تتصل على واحد من اولاد خالاتك او اعمامك وتكلمه يوديكم السوق ..!
ولو امك تقدر تمشي كان قلت لك تروحوا بالاجرة ولا مشي لسوق ..!
واخوانك انتي لا تكلمينهم وتسبينهم وتقولين جيبوا لنا وجيبوا خلي امك هي اللي تتكلم وتتكلم بعتاب وعنف لهم لعلهم يصحون على نفسهم
واذا قالوا اخوك الوسط واللي توه متزوج خلو الكبير يوديكم قولوا لهم ليش هو بس اخونا وولدنا وانتم لا امك يبغالها تتفاهم معاهم ولا تجلسين كذا بلا شغل ولا مشغلة ولا تسكتون مو من حقهم يعاملونكم كذا ..!
اخوك ابو 17 سنة اعتمدي عليه الباقين ادعي ان ربي يصلحهم ..
__________________________________________________ __________
__________________________________________________ __________
__________________________________________________ __________
رد مع اقتباس
