عنوان الموضوع : ابي اعرف انا شنو فيني بالضبط
مقدم من طرف منتديات نساء الجزائر

ابي اعرف انا شنو فيني بالضبط



مرحبا ياحلوين
الله يخليكم انا مشكلتي مافيه احد يفهمني والحين صرت انا مو فاهمه حالي مدري شنو فيني

انا طبعا متاخره جدا بالزواج واموري جدا متعسره ومتعطله مو عارفه ليش
وبالدراسه متاخره قدمت على اكثر من جامعه وماقبلوني ورحت الحين
ادرس بجامعه اهليه المهم توي باول المشوار وقلت اوسع صدري واطلع اجوف الناس
باختصار الناس صاروا يتريقوون علي عيوز وداخله جامعه ومن هالحكي
ولما يشوفوني يؤ كبيره وماتزوجت بناااات هذا مو بيدي ياربي
بالله شنو اسوي انا مررره اتضايق من هالحكي
تكفوون هل انا على خطا يوم رحت اكمل تعليمي ولا اجلس بالبيت جذي فاضيه
انصحوني يزاكم الله خير.... ارشدوني ابي تجاربكم كيف تسهل اموري كيف اتصرف مع هالعينه من الناس

>>>>> ردود الأعضـــــــــــــــــــاء على الموضوع <<<<<
==================================


السلام عليكم ورحمة الله وبركاته
حبيبتي ..أنتي اللحين ربي وهب لك النعمه انك تدرسين
بتضيعين الخير الي انتي فيه لأجل كلام الناس
تتصورين الي أستهزؤ فيك ..الله مابيبلاهم
أنتي ماعليك منهم صدقيني هالأشكال ماتخلي الواحد يرتاح
لاتخلينهم يأثرون فيك ..خليهم يبربرون لحد مايشبعون وانتي لاتاخذين على كلامهم
لاتتعبين روحك وياهم
بكرا راح يشوفون أستهزائهم فيك مردود عليهم
واصلي مشوارك ..العلم مايتعلق بالسن أبداً
الله يوفقك ويسهل أمورك


__________________________________________________ __________

حبيبتي اذا كان عالزواج فكل شي قسمة ونصيب وربي يرزقك الزوج الصالح عاجلا وغير آجل انتي بس اكثري من الدعاء والاستغفار وأقرأي سورة بقرة بها تتحقق المعجزات وانا مجربه الاستغفار

اما عن دراستك‏
‏{اطلب العلم من المهد الى اللحد‏}‏
وطالب العلم مجاهد فلا تأخذي بكلام الناس وشجعي نفسك
ولاتجعلي الكلام يهون من عزيمتك
وتفوقي وانجحي وسكتي كل شخص يحكي ويستهزء
والله اعرف ناس عندهم شهايد وموضفين ومسؤليات بيت واطفال وكبار في السن ويدرسون في الكليات
اتمنى لك التوفيق والسعادة


__________________________________________________ __________

هههههههههههههههههه حلووة صراحه
وكلام الناس ابد مايوقف!.. والله لو رحتي وانتي حامل بيقولون فيك كل شي!!!!
كلام الناس ياقلبي انتي ماله نهايه ابد.. واذا سمعتي كلامهم راح تخسسسري انتي كل شيء اما الناس لا!
شفتي كيف ياحياتي؟
اذا رحنا الجامعه وحنا توونا صاحين جابو علينا كلام وان تزبطنا جابو علينا كلام وان سوينا نص ونص جابو علينا...!!
عشان كذا يارووووحي انتي، عيشي حياتك وانبسسسطي.. لكن فيما يرضي ربك ياعسل
واكيد راح تشوفي ناس مثلك ونفس حالتك او قريب منه.... لكن يبيله صبر ياحلوووة انتي
ربي يوووفقك يارب وتتخرجي بنتيجه حلوة ان شاءالله !*
دعوااااتك ياقلبي!!*


__________________________________________________ __________

اقول بس ماعليك منهم ادرسي واثبتي نفسسك والله يغنيك عن الغير

والزواج من ربك وانا اختك فلا تهتمين لهم واكثري من الاستغفار والصلاة على النبي

الله يوفقك ويرزقك بالزوج الصالح عاجل غير آجل وبنات المسلمين يارب العالمين


__________________________________________________ __________

كلام الناس لايهمك
الناس ماتخلي واحد بحاله ماعندهم شغل
انت كملي دراستي وشوفي الدنيا
والكلام طنشيه لاتحطيه بالك