عنوان الموضوع : خطيبي مايحبني ونفسي اتركو مجابة
مقدم من طرف منتديات نساء الجزائر

خطيبي مايحبني ونفسي اتركو



السلام عليكم ورحمة الله وبركاته


بنااات يمكن كثير يشوفو مشكلتي تافهه بس وربي انها
متعبتني نفسيا... انا كنت احب اخو صحبتي وكانت بيننا
محادثات فققققققط!! عمرو ماسمع صوتي ولا شافني
بس ماسنجر ورسايل جوال .. كان عمري 16
واحنا اصلا كنا جيران واحنا صغار.. المهم حبينا بعض فتره وبعدين
اتضاربنا وسارت بيننا مشكله كبيره وقللي انو كان يلعب
وما عمرو اعتبرني اي شي فحياتو ولا حبني بيوم
انا عصبببت عليه بس ماحسيت انو همني لأني انا كمان
ماكنت احبو من قلبي مجرد اني متعلقه فيه لأنو الولد
الوحيد اللي اعرفو.. بعدها بسنتين دخلت المسن وكان متصل
وجا يكلمني وانا ما اعطيتو وجه وكنت حاطه صورتي
اول ماشافها انصدم قلي ماتوقعتك لزيزه كذا وبعدها طلب
مني يرجع وانو ندمان بس انا رفضت وطنشتو عشان يندم
وسبت المسن وبطلوو المسن وخلاص ماسرت اعرف عنو شي
وبعدها بكم سنه ارسلتلو عالواتساب اسألو عن حالو
وانصدم اني كلمتو لأني كنت مغيره رقمي من زمااان
ومره فرح فياا وقلي انو لسا يحبني ويبغاني... هوا اصلا
يدرس برا وكانت اختو تقول انو حب وحده اجنبيه..
المهم انا رجعت اكلمو بس واتساب وقلي يبغى يخطبني
وجاتني اختو قالتلي انو قال ل امو يبغى يخطبني
وانو منجد يحبني.. المهم اضفنا بعض على البيبي
وسرنا نتكلم كثير وكان مررره معايا وانا ماكنت احس نفسي
احبو بس عشان هوا طيب وكويس كنت معاه وماما تحبو
المهم لما رجع سافر يكمل دراستو ماسار يكلمني ابددددددددا
يمكن ف الاسبوع مره وبس يسألني عن حالي ويسكت
كنت دايما ازعل واتضارب ويقلي انتي حساسه وانا مشغول
بدراستي وارجع اسكت.. بعدها جاني تبلد وماسار يهمني
ولا سرت اكلمو.. جيت ف بالو وكلمني اهلا وسهلا!!
ماتكلم براحتو.. بعدها اكتشفت انو ضايف بنات عندو في تويتر
وحاط البن حق البيبي ولما واجهتو انكرررر وقلي انتي مو مغصوبه
عليا.. انا هنا سكت وماتكلمت.. بعدها بيوم جيت كلمتو
واعتذرت قلي عادي مو زعلان بعدها طلب انو مانتكلم الين
يسير بيننا شي رسمي.. واحنا اصلا ف الحقيقه مانتكلم
مرررررااا بيننا حدود وخطوط حمرا كثير وكلامنا جدا سطحي
حتى اسماء اخواني مو مره حافظها من كثر ماكلامنا قليل
بس هوا معجب فيا عشان يفتكر شكلي وعشان انا الحمدلله ملتزمه
ويقول عني مؤدبه ووو إلخ

المهم هوا جاي يخطب رسمي بعد شهر وانا مره خايفه
لأني احسو مايحبني احسو بيتزوجني عشان اشياء معينه
مو عشان هوا يحبني وانا اتقدملي واحد ملتزم وانا مره
كنت اتمنى الشي هذا بس رفضتو عشانو معا اني ما احبو
قد اني اضحي عشانو بس قلت حرام مايستاهل رغم اني
لما افتكر كيف كانت معاملتو وكيف كان بارد ودايما يردد
اني مو مغصوبه عليه انقهر ما احسو متمسك فيا
ودايما يقول انا مو حلو انتي احلى مني كيف تحبيني
ماني عارفه ايش اسوي معاه .. فيه واحد دحين متقدملي
مرررررره كويس *من اللي اسمعو* ابو صحبتي ملتزم
يقول لو عندي بنت كان زوجتها هوا *اللي خاطبني دحين*
لانو هوا يسير صاحب زوج صحبتي هذي.. وعيلتو مرتاحه
بس المشكله فيه انو امو كلامها كثير يقولو يعني تحب القيل والقال
معا انو ولدها مره طيب...


ف انا دحين منجد مو عارفه اش اسوي
هل اوافق على اخو صحبتي اذا اتقدم ولا هذا صاحب زوج اعز صحباتي؟؟


ومن ناحية الاخلاق كلهم طيبين وكويسين...
خايفه اندم اختار الاول ويطلع منجد مايحبني
وخايفه اختار الثاني ويطلع مو كويس واندم اني بعت واحد هوا اختارني
ايش اسوووووووي

>>>>> ردود الأعضـــــــــــــــــــاء على الموضوع <<<<<
==================================


طيب يمكن شكلك مخيف ومقرف (قرد) غصب يحبك وبعدين ماعندك كرامه تاركك كم سنه وترجعي له ع بالك جوليت


__________________________________________________ __________

السلام عليكم

حبيت ارد علبيش لان حسيت من كلامك متردد كتير

انا بقول لش اخو صاحبتش من كلامك عنه مارتحت له وحسيته يتلعب
وان من جد بياخدك لان واجهة حلوة واخلاق .. ويحس نفسه مسيطر عليش وبيقدر يفرض رايه عليش ويسوي الي هو يبيه ولا يهتم لش

وثاني حلو الالتزام وطيبة وماعليش من امه انتي بتاخديه ما بتاخدي امه وتقدري تكسبيها وتخليها تموت عليش وتمدحش

بنهاية منتي مجبورة توافقي على اي احد منهم ويمكن ربي يرزقك بلي احسن منهم ثنينهم

بس نصيحة عمرش لا تاخدي شخص كنتي تكلميه ويتركش ويرد يرجع لش ويعاملش ببرود من اول ما تعرفتو


__________________________________________________ __________

الي قاعدة تقول شكلها مخيف اقلها عيب عليكي


__________________________________________________ __________

انا اقوووول يا قلبي لو تستخيريييين بكون احسن
بس اشوف كمان ان الاول مو مناسب ابـــــــــــــــــــــــــد
هذا رائي وربي يووووفقك ويكتب لج الي فيه الخيييييييير يااااااااارب


__________________________________________________ __________

كان عليكي تصلين استخاره وتشوفين منو الانسب لك ببس انا من نظري انك تتزوجين رقم 2 لان احسن من رقم1 بس شوفي موكل احد ظايف بنات بتويتر عنده سوالف لان تويتر تواصل اجتمأعي يعني لاتخافين