عنوان الموضوع : مشكلتي هي اهلي -لصحتك
مقدم من طرف منتديات نساء الجزائر

مشكلتي هي اهلي



السلام عليكم ..مقدما سوري باخذ شوي من وقتكم بس اتمنى تقرون كلامي للأخير جزاكم الله الف خير
طبععا الحمدلله انا عمري بيوم ما شكرت ربي
اشكر ربي على كل شيء على نعمة كل شي الاهل ...
بس بعض الاحيان الواحد بتصيده اشياء ما يقدر يسكت يوصل إلى درجة الانفعال والغصب الاإرادي
بس شنسوي اذا كان الاهل هي مشكلة حياتج .. هم سبب العقد هم سببب كل شي
من يوم انا صغيرة لما كانو يجوفوني دائما كانو يقولون لي يام خشم كبير وامي بعمرها ما زرعت فيني الثقة ساعات امي هي نفسها اللي تعققعدني تقولي انتي مفكرة روحج ذكية يام شنوص وياخنافر ترا انتي وحدة غبية .... والخ وكان هذا الشي من غير سبب
في ذمتكم خلا نكون منطقيين هذا كلام ام ؟ وكانو خالاتي وخيلاني نفس الشي يعيبون على خلقتي
وانا فتاة في عمر الزهور عمري 15 لازم بتأثر
وخاصة اذا كان هاذا الكلام يقولونه لي من يوم انا صغيرة عمري 5 سنين لحد احين
ومرة تخيلو يا جماعة كان عمري 10 سنوات وكانو بنات خالتي معاي في مدرسة وهم اصغر مني بسنتين تخيلو شنو صار سولي قصة كبيرة وكنت مظلومة خالتي تهمتني بإني انا شقيت دفتر بنات خالتي (بناتها)
وتمو يقولون اكيد انتي اللي شقيتيه وودوني من إدارة لأدارة وانا احلف بالله إني ما لمست شنطتهم ولا قربت صفهم حتى تخيلو كنت صغيرة وكنت لما اروح بيت ابوي العود كلهم كانو يطالعوني بنظرة إن انا شقيت دفترهم في المدرسة وانه حقودة وانا والله العظيم يا جماعة ما بيني وبينهم شي
ووحدة من خالاتي قامت تسوي حركات من وراي تعيب علي تفكرني كنت ما اجوفها بس انا انتبهت عدل وطبعا انه احين احاول على قد ما اقدر اقولكم قصة حياتي معاهم بإختصار طبعا هي سوالف اكثر واكثر بس هاذا مثال بسيط لان لو بقولهم لكم هني مستحيل بخلصون
وما زالو لحين كلا يختلقون المشاكل لدرجة وصلت إني احاول بقدر الإمكان اتباعد عنهم ما اروح ازورهم لان من ازورهم لازم مشكلة يسوون لي وانه وحدة ابي استانس في عمري ما ابي اقضى شبابي كامل وياهم لان حتى شيب طلعلي من كثرهم سوالفهم
واحين ما ازورهم ابدا وكلا اتباعد ععنهم وهذا شي يحسسني بالوحدة بس شسوي اتم وحيدة اهون من كل يوم اذا اروح هناك يختلقون لي مشكلة واهو حتى لو ما رحت ما يخلوني في حالي اسلم بعد يقولون عني انتي مريضة نفسيا منجذي ما تجين انتي حقودة منجذي ما تزورينه
في كل الحالات مشاكل يا جماعة تعبت ابي اتخلص منهم ومن مشاكلهم
سبببو لي عقد في حياتي احين ما اطيق خشمي صرت وحدة متعقدة من كثر ما اسمع هالكلمة حتى أصدقاء ما عندي
بسببهم اختربت حياتي كامل
وشكرا لحسن استماعكم مقدما

>>>>> ردود الأعضـــــــــــــــــــاء على الموضوع <<<<<
==================================


الله يعينك اختي .. الله يصبرك ويعوضك ان شاء الله
كل واحد فينا مابيعيش حياته متل مابدها هو .. الحمدلله على كل شي


__________________________________________________ __________

بسم الله اللع يعينك اختي صدقيني اللي انت فيه شوية من اللي شفتهة ماما يعني اللي انت فيه اضربيه في 3 او 4 لكنها صبرت وفضلت تدعي ربنا انه يفرجها عليها لحد لما ربنافرجها وهي دلوقتي خلفتنا وبقت تعاملنا صح وتعلمنا صح ادعي ربنا اختي انه يفرجها واصبري ان الله مع الصابرين


__________________________________________________ __________

يا بعدهم أولاً الثثثثثثققققققققه انتي ارضي بنفسك ودوسي كلام الناس وأكيد فيج شي حلو بس انتي من كثر ما انتي متحطمه ما تشوفين ايجابياتك بالنسبه لهم تعاملي معم بحدود يعني اجعلي لعلاقتش معهم حد ،،
وخليج مع خواتج مو لازم تحتكين مع خالتش ،،،

اما ام خشم وكذا ماعليك منهم ماحد يعيب الناس الا وفيه عيب ،،،،،


__________________________________________________ __________

لا اله الا الله
شوفي يا قلبي اول شيء , لازم تقوين من نفسج يعني بلاها اتكونين مسكينه
لين قالوا لوج حقوده وحسوده قولي اااي فعلااااا كيف عرفتون انا شريره بعد
اااااي تري جذي الثقه في النفس في الردود
مش كل علي قد عقله وحطي هذي المعلومه في راسج اي حد يعيب علي خلقه حد اعرفي انه نااااااااااااااااااااااااااااقص يعني فيه نقص , وبحاول يتخفي نقصه في ناس ضعيفه ,يعني مثلك
خالتج وبانتها ناقصين بس احساسهم بلنقص واحساسهم بأنهم يبون يخفونه بفرغونه في شخصيه ضعيفه ولقوج انتي يا المسكينه وبفرغون فيج سمهم
وانتي ماشاءالله عليج , تستقبلين بكل براءه !!!!!!!!!!!
يا قلبي تري الدنيا بقت حالها حال الغابه واحد
البقاء للاقووووووي , وصدقيني لا تقللين من نفسج ويعني ايش فمج شين؟؟ اهم شيء تكونين محترمه وطيبه وفمج بكون زين , صدقيني الجمال الداخلي اهو الجوهر مو الخارجي
ثــــــــــــــــــــــــــــقي في نفسج واكسري اي حد يوقف في طريقج
ولازم تتعودين تتراسلين مع نفسج يعني تقوين منها وتشجعينها
ولا تعطي فرصه حق اي حد يتعدي حدوده معاج , يا قلبي تقووووي وحبي نفسج تراج تقدرين لو عزمتي


__________________________________________________ __________

رفع