عنوان الموضوع : ايش اسوي مع زوجي مجابة
مقدم من طرف منتديات نساء الجزائر

ايش اسوي مع زوجي



بسم الله الرحمن الرحيم
السلام عليكم ورحمة الله وبركاته
مشكلتي هي مع زوجي تعبت معه ومحيرني معه
احيانا احسه يحبني و حيانا لا ,, تصرفاته طائشه بعض الشي ,,
هو يقول لي انتي ماتثقين فيني انا اثق فيه بس تصرفاته والله هي اللي تخليني اشك فيه غصب
مثلا : كذا مره شفت لقب بنت في البي بي تبعه شي يشكك غصب وكل ما اواجهه يقول والله هذا صديقي بس عشان يصورون المحادثه ويقهرون اصدقائهم ,, وصدقته
وفي يوم رقم دايم يدق عليه ومايكلمه عندي يعطيه مشغول بس لما اكون بعيده يكلم واجي القاه نفس الرقم ومره صرفني يوم دق جواله وكذا مره اجي ويقفل الخط ,, بالله شي مايشكك ,, انا ايش سويت رحت اخذت الرقم وبعد ماراح قلت بدق واللي يصير يصير لان انجنيت من تصرفاته ودقيت وطلعت بنت حتى صوتها مو ذاك وقفلت بسرعه وقعدت ابكي قلت ما ادري ليش يكلمها وصوتها مو حلو عشان تغريه ,,, المهم دق علي زوجي بعدها قلت بعصبيه نعم ؟؟؟ قال ليش داقه ع اختي.....انا هنا انخرشت قلت بس كذا يلا باي وقفلت بعدها قعدت افكر عشان ما اتهور مره ثانيه قلت بدق عليها منها بتأكد ومنها اذا طلعت اخته بعتذر لها ..وبالفعل طلعت اخته وانحرجت منها قلت ماعليش شفت زوجي كلم اخر شي امه وع بالي هذا رقمها واخذت الرقم قالت لا عادي ,, عاد انتهيت من هنا باقي زوجي الله يستر جاي معصب ما عصب علي قلت له السالفه كلها وتصرفاته هي اللي تشكك وسامحني ع طول وندمت قلت بعد كذا ما اظن فيه سوء وقلت بس بطل حركاتك ,,
موقف ثاني : الاسبوع اللي طاف اخته اللي بالثانوي كانت ترسل وهو كان نايم مسكت انا الجوال قريت هاي كيفك (ماكنت اعرف انها اخته بس رقم ) قالت ايش رايك بصورتي امس تصورت,, ومرسله صورتها من نص وجهها وتحت وشعرها باين ولابسه تحت الفخذ انا انجلللللللطت وطلعت فوق اقرا المحادثه قالت والله احبك وزوجي راد عليها والله اعشقك وفديتك والله الحين النار بقلبي وطلعت شوي وطلعت اخته من جد انفجعت معقوله اخته ترسل هالاشياء .. وانصدمت من رد زوجي ,,بعدين رديت عليها قلت مو حلوه صورتك ( ع اني زوجي ) وبعدين عيب ترسلي صورتك بالبي بي ,,,
وزعلت (باللي مايردها جيل اخر زمن ) وصحى زوجي وعصبت عليه .. هو منصدم اول مره يشوفني اعصب كذا قلت من النار اللي بقلبي قلت بالله هالشي عندك عادي قال ايه هنا شوي ويغمى علي .. قلت عادي ارسل صورتي لاخوي ولبسي فاضح بعد واقول له احبك ويقول اعششششششقك وكل كلامنا حب في حب قال لا,, قلت عمري ارسلت لك صورتي في الواتس او حتى يدي قال لا ( لاني ما اضمن الجوال معه او لا ) قلت لو خويك مسك الجوال وشاف الصوره ايش موقفك؟؟ وسكت ..عرف الحين اني صادقه بكلامي واخواته طمعانات فيه عشانه شوي فري ,, قلت لو امها او اخوانها من امها شافوا الصوره تتوقع يسكتون قال اكيد لا ,, > سوري عايشه الدور
وقلت بعد كذا تخصص كلام الحب لي انا بس بالاخص كلمة اعشقك.. واذا بتشارك احد معي لاتقول لي ولاكلمة حب لان ما احب احد يشاركني فيك وتراضينا وخلاص..

المهم والزبده من هالموضوع زوجي قبل فتره سافر بلد اجنبي اول مره يسافر بعد زواجنا مع اخوياه وقبل السفر وعدني انه مايسافر الا معي مره ثانيه.
سافر وقعد تقريبا اسبوعين ورجع وعجبته السفره وفرحت معه وماحاولت انكد عليه وقبل كم يوم دق عليه صديقه قال نسافر برا وع حساب صديقه وزوجي ماصدق فرحان وهو بس يمهد لي الوضع انا قلت لا واذا سافرت والله لاروح لاهلي واخر مابيني وبينك قال تتركيني عشان سفره قلت نفس ماخلفت وعدك لي بالسهوله ..وهو للحين يحاول يقنعني وانا اقول له نفس الكلام .وقلت له اذا تبي تسافر على كيفك طلقني وتزوج وحده ثانيه توافق ع سفرياتك مع اخوياك او نسافر انا وانت ,, واذا تبي تستانس مع اخوياك سامحتلك تروح عمره وداخل المملكه قال لا كذا ما استانس قلت ماشاء الله ماتستانس الا تشوف الحريم
سؤالي : هل انا انانيه ما اخليه يسافر مع اصدقائه ؟؟ او تصرفي صحيح ؟؟؟
انا احبه وبصراحه ما ابي اخسره ابيه يصير حر ماابي احسسه اني ضاغطه عليه بس كيف اتصرف التصرف الصحيح ؟؟؟؟؟
آآآآآآآآآآآآآآآآآآآآآآآآآآآآسفه طولت عليكم

>>>>> ردود الأعضـــــــــــــــــــاء على الموضوع <<<<<
==================================


مافي رد ؟؟؟ ماتوقعت منكم كذا


__________________________________________________ __________

اهلين حبيبتي.لا عاد تشكين وما تغاري من اخواتو ابدا لا تعصبي راح تصيري نكدية دائما فعينه.
واذا على السفرة والله انت مو انانية اي وحدة راح تعمل مثلك
لانو هو الي وعدك بس لا تنسين هو بس معزوم على حساب صديق يعني بس راح يضيع الوناسة.
اما اذا هو الي راح يسافر او هو الي عزم الاصدقاء على حسابو هذا كلام ثاني حبيبتي هونها تهون
الله يوفقك حبيبتي


__________________________________________________ __________

الله يسعدك يارب ويوفقك اماعلى حركت اخته مي حلووكويس نبهتيه اماعلى السفريات والله مدري ايش اردعليك الله يسعدكم يارب ويوفقكمه


__________________________________________________ __________

متاكدة انها اخته؟؟ كيف اخته وماتعرفين رقمها


__________________________________________________ __________

الله يعينك...ويصبرك نحن فى زمن النت والواتساب والله ما جنينى منه الا العزاب ازواجنا طايحين فى مواقع الزواج والدردشات ....