عنوان الموضوع : مساعده لوحده مقهورررره -تم الاجابة
مقدم من طرف منتديات نساء الجزائر

مساعده لوحده مقهورررره



بسم الله الرحمن الرحيم
يابنات والله تعبت من هالحياة وصرت اكره اهلي بقولكم قصتي:
انا بنت عمري 25 آخر العنقود لأمي وأبوي وماتزوجت واخواني وخواتي كلهم متزوجين انا بسراحة اشوف نفسي عاديه من ناحية الجمال لكن اخذت الشهادة الجامعية انخطبت وانا في ثالث متوسط وامي رفضت هذا الي دريت عنه من غير الي مادريت عنه ابوي كبير ولايقدر يسوق وهينا المشكلة انا تعبت من منة أخواني إذا بغيت أروح أي لحفل زواج او سوق او مستشفى قعدوا يهاوشوني حنا فاضيلك وشهوله تروحين ماله داعي ...الخ من الهواش وسبحان الله كل شوي مطلعين اهلهم وعادي جدا يصيرون فاضين مع أن مراويحي مو كثيرة يعني فالسنة اروح للسوق ثلاث مرات بالكثير والعزايم 3 – 4 فالسنة بعد ومع ذلك ثقيلة عليهم تخيلوا خلصت الجامعة قعدت سنتين ماطلعت من البيت تعرفون كيف ماطلعت يعني لاسوق لاعزايم لامستشفى اصبر على الوجع عشان افتك من المنة . المهم خطبني واحد من اقاربي وامي رفضت ليه مادري وخطبني ولد عمي ورفضت بعد وحضرت زواج اخوي واخطبوني اربعة بعد الزواج وارفضت امي 2 و2 تقدموا فالموضوع لين وصل ابوي ورفض ابوي وأسبابهم ان عذاريب الدنيا كلها فيهم طبعا كل الي خطبوني تزوجوا بنات عماني وانا قعدت بتقولون اهلك ويعرفون مصلحتك طيب لما رفضوهم واخذوا بنات عماني قعدوا يمدحون فيهم انهم رياجيل وهم الي يستاهلون من يحضر عرسهم لانهم كفو سبحان الله قبل شهر كانت عذاريب الدنيا فيهم !!!!!
المهم الحين بنت اخوي عمرها 17 تخيلوا الفرق بيني وبينها 8 سنين وزوجة اخوي ماتخليها تشتغل ابد وانا اكرف كراااف فالعزايم والضيوف ولا اطلع من المطبخ وطبعا ماهتم في نفسي لاني وسط المطبخ ماطلع للحريم ... ومررره درت زوجة اخوي اني قبل سنتين انخطبت من واحد من برى عايلتنا وتفجرت ليش ماعلمتوني قالت اختي اني ابوي رفضه من البدايه والحين الرجال تزوج... ومن بعدها وهي غاثتني ببنتها تخيلوا بنتها ماتطلع ابد قامت وجابتها عند ام الولد قالت تعالي سلمي عليها هذي بنتي.... وقبل سنة فيه واحد من قرايبنا من بعيد بس مانجيهم ولايجونا يعني الرياجيل يروحون لبعض بس اخته صديقتي ايام الثانوية جت خالته عندنا قبل كم شهر وقالت انه يقول اني ابي فلانه الي هي انا تخيلوا صارت عندهم عزيمة واخذت بنتها وراحت لهم !!! مع ان عندنا ماعمر الحريم راحن لهم...
وكل عزيمة وهي مودية بنتها الكوافيرة وملبستها احسن لبس حتى فالعزايم الي ببيتنا ماطلع بنتها الا إذا صار فيه وحده عندها ولد جايه عاااااااااد في هذه الحالة تجيب بنتها وتلبسها وتخليها تصب القهوة للحريم عشان يشوفن السنع وإذا دخلت بنتها علي فالمطبخ ومعها فناجيل تبيها تغسل ماتغسلها تنزلها فوق المغسلة وتاقف عندي لين اغسلها وتاخذها سبحااااان الله شغلتها فالسنع قدام الحريم بس .... تصدقون كانت بنت اخوي تسوى عيوني لين سمعتها قاعده مع الحريم وتقولن عمتي تفضح ماتعرف تلبس ولا تكشخ ...
كيف تبوني البس واكشخ وانا المرواح عليه محسوب وهي يابنات عزايم الأعياد تروح وحتى كل خميس يصير فيه عزايم بدراسة باختبارت عاااادي تحضرها كلها
طيب الله يرزقها ماقلت شي ويفكني من شرها هي وامها... امها تبي مصلحة بنتها ....انا اشره على امي وابوي انا الي انذل قدامهم وعادي لا يرحموني ولا يخلون رحمة ربي تنزل..
والله تعبت...
ساعدوووني ابيكم تخففون عني

>>>>> ردود الأعضـــــــــــــــــــاء على الموضوع <<<<<
==================================


يعني حتى فالمنتدى بعد مالي حظ ولا احد عطاني وجه
اللهم اني استغفرك واتوب اليك


__________________________________________________ __________

بدي اسئلك او اسئلي امك

يعني هي الي راح تزوج مكانك؟؟؟؟؟

م المفروض الوالدين مايدخلو في الزواج الا في الضرورة
ولباقي اختاه كلو فاضي ماتشغلي بالك عليه
والله يفرج همك


__________________________________________________ __________

ياحياتي والله حاسه فيك بس مدري وش اقولك
ومسألة الخطيب يمكن كل اللي اهلك رفضوهم خيره
بس ليه ماتقولين لأهلك عن اللي حاسته واذا خطبك احد استخيري واذا ارتحتي قوليلهم انك مرتاحه لمتى بتسكتين يعني !
وربي يرزقك باللي فيه الخير


__________________________________________________ __________

ربي يعينك حبيبتي


__________________________________________________ __________

اللهم ارزقها بزوج صالح عاجل غير اجل يارب