عنوان الموضوع : خايفه على عيال رجلي -لصحتك
مقدم من طرف منتديات نساء الجزائر

خايفه على عيال رجلي



السلام عليكم ورحمه الله وبركاته

بدخل على طول في الموضوع بدون مقدمات

انا عمري 25 سنه متزوجه واحد ارمل عنده 4 بنات 3 عيال اكبر العيال في اول جامعه واكبر البنات في ثانوي زوجي عمره تقريبا 47 المهم لاتسئلوني ليه تزوجتي شايب لاني مغصوبه عليه ابوي الله يسامحه غصبني وكفخني الا اخذه مع اني ماحبه بس انجبرت من ضغط اهلي وابوي وضربه المهم يوم الملكه هددت ابوي اني مرح اوافق واني بفضحه عند الشيخ اذا جاء يملك لي بصرخ وقول ماني موافقه حلف الا يذبحني المهم جاب لي ورقه التوقيع قلت مرح اوقع على الموافقه طبعا سطرني وخلاني اوقع غصب جلست ابكي شهور حياتي صارت جحيم وش هي حياتي ومستقبلي مع واحد شايب وعنده عيال بعد اه يالقهر المهم مرت الايام وتزوجت هذا الرجل تزوجته قبل سنتين وقتها كان عمري 23 طبعا هو طيب حيل وحبيب وش اطلب منه يجيب لي بحياته مرفض لي طلب وعياله وبناته كمان كويسين معاي مع مرور الايام حسيت اني مسؤله على عياله وبناته صرت احاسبهم على كل شي يعني مثلا احيانا البنات اذا يبون يطلعون لخوياتهم او لبنات الجيران مخليهم يروحون الا انا معهم صرت اخاف عليهم حيل وصرت احبهم مثل بناتي لدرجه الحين صارو ينادوني يمه مع ان فرق سن بيننا مو كبير المهم الا اكبر العيال لي بالجامعه داشر وسربوت يوميا اتهاوش معه احيانا ميجي لساعه وحده بالليل ادق عليه ويعطيني مشغوله وش اتصرف معه ؟؟ قلت لابوه وراح هاوشه جاء هاوشني يقول لاتحرضيني على ابوي مع انه يحبني ويناديني يمه احيانا بس مدري وش غيره علي انا خايفه عليه حيل من رفاق السوء اخاف ينحرف او شي لان مرح عزم اصدقائه وقالي سوي عشاء سويت لهم طبعا وقفت عند الباب اتسمع لهم يقولون كلام قليل ادب واكتشفت انهم يروحون الاسواق يغازلون ويرقمون بنات انا انقهرت وسكتت بعد مرحو اخوياه مسكته بيني وبينه وقلت له انا مثل امك وخايفه عليك واللي تسويه خطا انا سمعت حديثك بالخطا وانت تسولف على خوياتك عند اصحابك انت عندك خوات متخاف عليهن طبعا هو بالبدايه انكر قال اصحابي مو انا وبعدين قالي خلاص لاتعلمين الوالد وانا اوعدك اني مرح اكرر هالشي وراح اتوب طلبت منه يقطع علاقه مع اصحابه قالي خلاص قطع علاقته معاهم اسبوع وبعدها رجع لهم وبصراحه مدري شسوي معه امس جاني ساعه 2 بالليل هو دايم يتخار اذا ابوه بدوام لان ابوهم لي هو رجلي ظابط احيانا يستلم يداوم بالليل وميدري عن عياله امئمنهم عندي تهاوشت معه ورزلتوه بس ادري مرح يتغير شي انتم وش تنصحوني ؟ شسوي معه انا خايفه عليه ينحرف او يسوي شي خطا خصوصا ان ابوه قبل شهرين شرا له سياره ومصار يجلس معانا ماغير بهالشوارع هو وخوياه صراحه انقهرت انا اقدر على البنات احيانا اكفخهم اذا مسمعو كلامي وحتى اخوانه الاثنين اللي اصغر منه احيانا اكفخهم وسطرهم عشان يتادبون لاتقولون لي ليه حرام والله انا مضربهم الا لمصلحتهم يعني مثلا اذا وحده اهملت واجباته او احد يبي يغيب مرح يروح مدرسه اضربه ومشيه المدرسه غضبن عنه يعني انا الكل شاهد علي معاملهم الا بكل طيب ولو مو خايفه عليهم مضربهم
بعضكم بيقول عيال زوجك وش دخلك فيهم وربي حسيتهم مثل عيالي لاني انا جربت هالشي جربت كيف البيت بدون الام امي توفت يوم كان عمري 3 سنوات وابوي تزوج وحده عوبا مطلعه فينا نجوم القايله ومخليتنا انا وخواتي مثل شغالات على فكره هي اللي تقول لابوي وتحرضه انه يزوجن اللي خذيته هذا عشان كذا ابوي اجبرني عشان زوجته ماتبيني بالبيت تبي البيت بس لبناتها وعلى فكره انا من تزوجت قطعت علاقتي مع ابوي وزوجته وخواني اللي من ابوي ماكلمهم خير شر ولا حتى ازورهم لانو انا بديره وهم بديره ثانيه حتى اذا جو ديرتنا يقولون نبي نسير عليك اسكر تلفون بوجههم وقول دايم لبوي منت بحل ومرح اسامحك طول عمري لانك زوجتني غصب عني انا الحين راضيه بقدري ونصيبي خلاص مقدر اتطلق خصوصا صار عندي بنت من زوجي هذا وبصبر عشانها وعشان عيال زوجي لانهم مساكين وربي فاقدين حنان الام لاني انا جبرت هالشعور قبل كذا جربت كيف يكون البيت بدون الام جربت كيف يكون البيت فيه مرت اب ظالمه عشان كذا انا ماحسسهم اني زوجه اب احسسهم اني امهم حتى قلت لهم نادوني يمه وصارو ينادوني وبكل مشكالهم يلجئون لي انا كسبتهم كلهم الا الكبير مو عارفه اتصرف معه ؟؟ انصحوني ارشدوني وش اسوي معه داشر وسربوت وراعي مغازل جد مليت منه يوميا اتهاوش معه مره بغيت اضربه بس استحيت من نفسي لانه طولي شسوي معه امانه لو مكاني وش تسوون هل تضربونه تنصحونه وش تسسون انا نصحته مافاد معه ابي حل تكفوون وربي مليت يوميا اسهر بالليل انتظره يرجع مليت وانا انتظر ادق عليه يقفل جواله عشان ميرد علي اذا جاء يقول جولي طفا شحن مادري عن مكالماتك


شسوي معه انصحوني ؟؟؟؟؟

اداره اسئلكم بالله العظيم تنزلون الموضوع لان الردود محتاجتهم محتاجه احد ينصحني ويرشدني لطريق الصحيح عشان كذا لجئت لهذا المنتدى

>>>>> ردود الأعضـــــــــــــــــــاء على الموضوع <<<<<
==================================


بصراحة إنتي إمرأة نادر وجودك..ماأقول غير عسى ربي يرزقك أعلى الجنان يجعلك فالدنيا من أسعدالخلق


__________________________________________________ __________

والله ان شاء الله البنات يفيدوك والله يعينك توك صغيرة بس قدر ومكتوب الي صاير معك والله من عنده بيوفقك للخير


__________________________________________________ __________

الله يسعد قلبك يارب ويوفقك بس لاتضربيهم ابدا حرام عليك


__________________________________________________ __________

الله يجزاك الخير.. تفاهمي معو.. دخلي ابوه بالموضوع وخله يحكي معو.. يقولو اذا كبر ابنك خاويه.
ولا تنسي انهم اصغر منك بس بأكم سنه عامليهم باحترام ولا تخلي علاقتك قرب زياده عن اللزوم مع ابنائو الذكور خاصة الكبير حتى لا يجعك راسك بعدين.
احسن شي ادخلي ابوهم لانو هو كمان مسؤول عن تربيتهم والله يرزقك الذريه الصالحه


__________________________________________________ __________

سبحان الله الله يعطيك على قد نيتك بس أحبذ انك ماتضرربين الأطفال الصغار حاولي تأخذيهم بالتفاهم وشجعيهم. رح تكسبينهم أكثر إما الكبير قولي رح أحذرك مره مرتين ثلاث إذا مأبطلت حركاتك رح أقول لأبوك يسحب عليك السياره ببصوت حازم ؤانتي واثقه من نفسك وخلي عيونك في عيوننه عشأن يفهم إن تهديدك رح تنفذيه وحتى لو تكلم أو عصب حاولي انك تمشي من قدامه وقولي أنا حذرتك وشوف إش بسوي. عشأن يخاف منك ؤانتي كلممي أبوه من قبل عشأن يوافق عن اللي بتسوية عشأن مصلحته