عنوان الموضوع : مقهوره ومحتاره من امي الطبيب يجيب
مقدم من طرف منتديات نساء الجزائر

مقهوره ومحتاره من امي



السلام عليكم اتمنى احد يفيدني برأي او حل لاني جد تعبت
انا متزوجه من 7 سنوات وعندي ولد واحد وحاليا حامل بالرابع مشكلتي للاسف امي
احسها ما تتمنى الخير ليا اولا هيا اطلقت بعد ولادتي يعني لم سار عمري 4 شهور واللي رباني اهل ابويا وسارت مشاكل كتيره معاهم وقطعتهم والسبب الرئيسي عشانها لكن عمري ما سمعتها تدعيلي انا او ولدي وغير كدا تكرفني كل ما جاها احد قصرت معايا بزواجي في كل شيئ اخدت الرخيص لانو نص المهر معاها والذهب ما اشتريت شيئ لانو خلصت الفلوس وقصرت بولادتي لدرجه قضيت فتره النفاس عندها اسبوعين بس كلها على ربع دجاجه مسلوقه مع مرقتها المهم وكل ماتعرف عندي فلوس لازم اصرفها عندها لما اخرج السوق تجبرني اشتري بكيفها تحرضني على زوجي واهلو مع انهم مره كويسين معايا تحاول تحرش بيننا واشياء جدا كتيره غير لما تتصل عليا وتطلب ولدي وتجلس تسالو عن كل شيئ ساير معايا ايش اكلتو فين روحتو ايش اشتريتو .. اللي ساير دحين سرت احلم فيها احلام كتيره وزوجي يحلم بيها برضو ولما نفسرها تطلع كلها حسد وغيره مع اني لم افسر ما اقول امي اقول وحده قريبه مني ... قبل فتره اخدت لاختي الصغيره ايبود وولدي اخدتلو مستعمل قامت اخدت جهاز ولدي وعملت سوفت وير وقالت حق اختي لانو حقها باعتو بجد انقهرت وضغطي نزل مو عارفه كيف اتصرف سكت كتير على حقي كل مره يضيع شيئ واسال يقولو ما نعرف وبعد فتره القاه عندها عمري ما قصرت معاها ثلاث ارباع مصروفي لها غير الدعاوي اللي نازله فيها عليا وغير لما تقول اني اعرف عيال فلان واخرج مع علان وانا متزوجه ... قولولي ايش اسوي مره تعبت

>>>>> ردود الأعضـــــــــــــــــــاء على الموضوع <<<<<
==================================


عندك حل داائئئئئئئئماااااااااا ادعي بالي تتمني واستتتتتغفري بكل اوقاتك وشوفيكيف حياتك بتتغير لان هذا احسسن دووواء مفعوله قوووي والله يعينك


__________________________________________________ __________

الله يفرج همك وهمي قصدي مصيبتي اللي وقعت بيني
وبين زوجي... السحر...حسبي الله ونعم الوكيل ع من اذانا


__________________________________________________ __________

هذه هي ماما لابد من الصبر عليها اصبري عليها ربنا يجزيكي كل خير في الدنيا والأخيرة اصبري


__________________________________________________ __________

الله يفرجهآ من عندةة

استغفروا الله واتوب إلية ♥
استغفروا الله واتوب إلية ♥
استغفروا الله واتوب إلية ♥
سبحان الله وبحمده سبحان الله العظيم ♥
سبحان الله وبحمده سبحان الله العظيم♥


__________________________________________________ __________

ادعي من ربك يهديهالك