والله ابي انام ساعدوني
عنوان الموضوع : والله ابي انام ساعدوني
مقدم من طرف منتديات نساء الجزائر
والله ابي انام ساعدوني
الْسَلآإمّ عَلْيّكَمُ وٍرٍحَمُةٌ الله وٍبُرٍكآإتَهّ
انا بنت عمري اربعه وعشرين وشهرين ^^
مريت بضروف في مراهقتي وطفولتي اثرت علي بشبابي
وخلتني ماعرف انام الليل ابدا (الارق)
بعد زواج اقرب اخواتي لي وبعدها عني لمدينه ثانيه
بديت اهمل دراستي ومااختلط بالناس ابدا برى المدرسه
يعني حتى اهلي وهم اهلي مايشوفوني ابدا
اجي من المدرسه انام اصحى المغرب اخذ منوم وانام اصحى الليل منوم وانام واصحى اداوم
وعلى هالحال
خلصت دراسه للاسف
وجلست بالبيت
سنه كامله عالمنوم
ناااااايمه على طول
بعدها اهلي جابولي نت ولاب توب على اساس يبون حالتي تتحسن لكن للاسف تدهورت
تقريبا اربع سنين نوم الليل هذا مااعرفه بدون منوم
حاولت اعدله اواصل دورت اعشاب تنوم مافيه فايده ومابي اعيش حياتي على الحبوب
حاولت اجلس مع اهلي اوانسهم بالنهار عشان مانام بالنهار
بس مشاكلهم الكثيره وقوتها تخليني اهرب منهم لحبوبي ومخدتي
كبرت وقدرت اسيطر على المشاكل اللي تحصل باي بيت
بس ماقدرت اعدل نظام حياتي
انا ملخبطه جدا
تعبانه جسديا ونفسيا من هالامر
احس اني ضايعه اقسم بالله لان حتى امي ماشوفها والله ماشوفها
طول النهار نايمه وطول الليل عالنت
حاولت مره اعاقب نفسي ومافعلت الخدمه تبع النت
كمان مانمت
بس جلست طول الليل ابكي من الصداع والالم النفسي ماعرف ليه مو قادره انام بالليل
الادهى والامر
انا مخطوبه وملكتي باقي عليها شهر
انا لازم انظم نفسي لازم انظم حياتي عشان اعرف انظم حياه زوجيه مرتبه
بتقولون روحي لدكتور نفسي
باقولكم ماقدر
لاني استحي اطلب اهلي اي غرض من البقاله اللي تحت البيت كيف باقولهم يودوني لطبيب نفسي
خجوله جدا في التعامل مع اهلي لشدة بعدي عنهم جميع
بتقولون لي خذي حبوب لفتره لين يتعدل النظام واتركيها
جربت واول ماتركتها اخترب نومي
انا مابي اعيش عمري على الحبوب اهاف تسبب لي امراض في المستقبل انا في غنى عنها
وللعلم كنت اخذ نص شريط يوميا
يعني اربع حبات دفعه وحده عشان جسمي يتفاعل مع الحبوب وانام (جسمي تاقلم عليها وحبه ماتاثر فيه
لدرجة وربي خفت اكون مدمنه عليها ههههه
بتقولون لي اسهر ومانام النهار لا اواصل لين العشا وانام
برضو جربت ويتعدل فتره يومين ويخترب
جد انا تعبانه ابي حلول تساعدني
احس الناس ماشيه صح وانا ماشيه عكسهم
ابي تنقذوني مو هالارق تكفون
واللي يساعدني عسى الله يحقق له مراده بالدنيا ويجمعنا فيه بجناته في الاخره
>>>>> ردود الأعضـــــــــــــــــــاء على الموضوع <<<<<
==================================
مؤ معقولة هالحالة يا إختي !!!!
يبيلك دكتور طبعا
لأن الحين اللي عندك إدمان مؤ بس لخبطة
الله يشفيك ضروري تكلمئن اهلك يأخذون لك موعد عند الدكتور
بكرا بتتزوجين بتصيرين كذا عند ولد الناس ؟
الحقي على نفسك قبل الملكة لأنه إكيد بيلاحظ طول وقتك نوم
الدكتور ثم الدكتور ثم الدكتور
ؤتقولين طول النهار نائمة يعني تقريبا أغلب صلواتك تتأخر أو ماصليها !!
لالالالالالا
__________________________________________________ __________
وآهلي يهاوشوني وربي نوم الليل صحة شوفي يااختي لازم تغيري من نظام
نومك حاولي يوم تمسكي نفسك ولاتنامي لين لليل صلي العشاء ثم نامي
وبعدها بتعودي آول شي صعب وتعبي بعدين خلاص وراح تترتاحي وبعد
عشان صحتك آنا في بداية كنت انام الظهر واصحى في ليل بعدين وحده من اخواتي خلتني اجلس عند بنتها لين العصر ثم انام واصحى لليل بعدين خلتني لين مغرب وخربتها وابوي دخل مستشفى وفي يوم ماجاني نوم وجلست العصر بعدين رحت زياره لابوي ورجعنا مغرب وصرت انام المغرب واصحى الفجرومره بعد ماجاني نوم وصرت المغرب وصليت العشاء ونمت واستمريت
الحين انام 12 واصحى 9صباح يعني كل يوم نامي شكل وكل يوم اخري شوي بتدريج لين تتعودي واتركي حبوب منومه مانها فايده بعكس تزيد
__________________________________________________ __________
الله يعينك عن جد مثل ما قالو البنات لا تنامين في النهار اشغلي نفسك بأعمال البيت او العبي رياضه لين تتعبين ولا تنماين الا بالليل شوي شوي تتعودي
__________________________________________________ __________
آختي إتركي آلحبوب آلمنومههْ وروحي للدكتور لآن إنتي صَآر عِندك حآلة إدمآن
ولآ تستحين من آهلكْ ، حآولي تضَيعي وَقتك آلنهآر روحي آلسوق آو عِند صَديقآتك
إذآ مآعندك صَديقآت كَوني صَدآقآت ، روحي دَورآت مثل خياطهه آو لغة آو حآسب آو شوفي لك وَظيفة
آو تعَلمي تسَوي طَبخآت وتفري في آلتلفزيون إقعدي عَلى النت إقعدي مَعْ آهلك
حَتى لَو كآن دآيم هوآش تعَودي ، وإذكري الله إقعدي عَ آلقرآن وقرآءة آلآذكآار حَق رَبي يوفقك
وثآني شيء حآولي توآصلي لآ تنآمين يَعني خَليك كِذآ طول آلنَهآر قآعدة وحآفظي عَلى صَلآتِك
و لَمآ يجي آلليل ، صَلي وإذكري آلآذكآر وروحي آلسَرير وطَفي آلآنوآر و إنتي مطَفية آلآنوآر
إقري آلدعآء التآلي : ( اللهُمَ غآرت آلنجوم وَ هدأت آلعيون وآنتَ حَي قَيوم لآ تآخُذّك سِنة ولآ نَوم
يآ حَي يآقيوم آهدئ لَيلي وَ آنم عَيني )
إذآ قلتي هَذآ آلدعآء مآبتشوفي نَفسك إلآ إنتي نآيمة آنآ إذآ مآجآني نوم آقرآ هَذآ آلدعآء
كّرريه و إذآ مآجآكِ نوم هَللي ، سَبحي ، كَبري ، إستَغفري ، صَلي عَ آلنبي
مآ بتشوفي نَفسك إلآ نآيمة
و إذآ إرتبطتي بشي مثل دَورة آو مَعهد آو وَظيفة رآح يعتدل نومك
وخآصةة إنتِ مَخطوبه يَعني بَعدين زوجك إيشش رآح يقول رآح يقول زوجتي دآيم نآيمة
آو رآح يقول زوجتي مُدمنة مُنومْ . .
و الله يوفقك يـآرب
__________________________________________________ __________
زين انتي ما وراك صلاة قراءة قرآن
حالتتك صصعبه ولازم تتركين الحبوب عنك اوكي اوكي اسبوع ما راح تنامين بس عقب بيتعدل نومك
الله يصلح بالك
رد مع اقتباس
