عنوان الموضوع : يارب اموت ورتاح من همي مجابة
مقدم من طرف منتديات نساء الجزائر

يارب اموت ورتاح من همي



السلام عليكم ورحمه الله وبركاته

بدخل بالموضوع بدون مقدمات

انا انسانه ابلغ من العمر 29 سنه مشكلتي اني بشعه وماني حلوه انا اعترف اني مو حلوه بس شسوي مو بيدي الله خلقني كذا ؟ انا وش ذنبي انا مخترت كيف ربي يخلقني هذا قدري وهذا نصيبي ورضيت بحالي بس المشكله وين انه تخيلو عمري 29 ولا واحد خطبني للحين ؟
ابي واحد بس يخطبني وربي مافي ولا واحد دق الباب مع العلم ان خواتي اللي اكبر مني وللي اصغر مني كلهم تزوجو هم مشاء الله عليهم جميلات الا انا طلعت مو حلوه وشكلي يفشل وربي مليت من نظرات الناس لي بعض الحريم يقولن لمي وش فيها بنتك ليه وجهها كذا ؟ وبعضهم يحسبوني معاقه تخيلو يحسبوني معاقه ياااربي خذ روحي وريحني من الدنيا يارب امووووت ابي ارتاح من نظرات الناس لي انا مالي ذنب والله مالي ذنب شسوي مو بيدي انا لو على كيفي اصير ملكه جمال العالم بس الله خلقني كذا انا وش ذنبي ؟ انا بطبعي متدينه جدا جدا حتى الاغاني والتلفزيون كله مااجلس عليه بس اسمع اناشيد وكل وقتي صلاه حتى صلاه اخر الليل اصليها عشان كذا مابي اسوي عمليه تجميل لانها حرام حرام اغير خلقه الله حتى لو كنت ابشع وحده بالعالم حتى لو مانخطبت طول عمري مستحيل اسوي عمليه امي تقولي سوي حتى خواتي يقولن لي سوي بس انا ارفض مابي بيوم من الايام يحاسبني ربي على شي حرام وانا ادري انه ذنب عظيم اني اغير بخلقته
انا سمراء وشعري كوشه جعد حيييل كانه ليفه ونحيفه جدااا ومليت من انتقادات الناس لي وحتى مشيتي ينتقدوني فيها يقولون متعرف تمشي ياربي هذي طبيعتي وش اسوي وربي حياتي ماغثيت احد ولا زعلت احد ولا اتذكر بيوم جرحت مشاعر احد ليش يجرحوني ليه خواتي يجرحني بكلامهم يقطون علي نغزات خواتي اللي اصغر مني كلهم تزوجو الا انا ويضحكن علي ويقولن من ياخذك انتي انتي وشعرك ......؟ الا اخره وكلام مقدر اكتبه

قسم احيانا اروح غرفتي ابكي ساعتين وثلاث وطلع بس محد يدري بي وقدام خواتي ماابين لهم اني منقهره منهم ون كلامهم مهمني بس جد انا مقهوره ابي اصير ام
ابي اتزوج محد ياخذني انا انا مرح اتزوج طول عمري امي تقول لي ودي اشوفك بيت زوجك قبل لاموت دايم تكرر هاذي العباره تقول ابي اسوي لشعرك اي شي ونعمه لك وكذا
وسوي لك عمليات تجميل وراح اخليكي ملكه جمال وكل تكاليف علي بس انا رفضت لانه حرام وانا مابي ربي يغضب علي

الحين انا بس ابيكم تقولون لي انا راح اتزوج بيوم من الايام ؟ يااربي قسم كرهت حياتي ودي اموت كل الحريم يضحكن علي انا وش ذنبي انا ماخلقت نفسي ربي خلقن كذا
شسوي مع خواتي كل يوم يحرني كل وحده تقول انا زوجي سافر بي وانا زوجي جاب لي هديه وانا وانا ...؟ اااااااخ ااااااخ

اذا شفت وحده منهم حامل امووت قهر لان اصغر وحده من خواتي من المتزوجااات عمرها 19 وحامل الحين بشهر الثاني الله يهنيها انا والله احبهم بس غصب عني هم يحروني ويقطون علي كلام يبون انقهر واللي تقولي عدلي شعرك وللي تقول البسي مثل الناس وش هاللبس اللي يفشل تصدقون اخر مره وش صار
ذيك المره اختي الكبيره عمرها 32 عزمت صديقاتها كلهم عندها بالبيت وانا قلت لها اذا صديقاتك جو عندك قولي لي انا طفشت من جلسه البيت وحابه اجيكم قالت لي خلاص المهم عزمت صديقاتها وجوها تخيلو عزمت خواتي كلهم كلهم الا انا مادقت علي وقالت لي انقهرت حيل بعدين قلت يمكن نست عاد بعدها بيوم امي عزمت كل خواتي على العشاء جو قلت لها ليه ماعزمتيني قالت نسيت عاد بنتها الصغيره عمرها 7 سنوات قالت لالا مانست هي قالت مابي اعزمها مابي اتفشل قدام خوياتي وخالاتي قامن يضحكن انا انقهرررت حيييل ورحت غرفتي اركض وسكرت الباب بكيت حييل عاد جتني ددقت الباب وفتحت لها قالت لي والله بنتي تكذب هاذي طفله تقول كلام من عقلها قلت لها اوكي خلاص مع اني متاكده انها تكذب ونهم مايبوني لاني افشل شكلي مو حلو

ااااااخ اااااااخ ياااارب خذ روحي وريحني من الدنيا ابي اموووووت مابي الحيااه انا لازم اموت اللي مثلي بدنيا راح يعيش طول عمره يعاني من نظرات الناس اذا اقراب اشخاص لي مايوني كيف الزوج او الناس يبوني قولو لي كيف ؟ كيف ؟

انا قلت لكم كل اللي بقلبي لاني اعتبركم مثل خواتي للاسف مو مثل خواتي اللي مايبوني اعتبركم مثل خواتي اللي يحبوني يحبوني ويبوني وقلت لكم كل اللي بقلبي


اداره اذا سمحتو نزلو موضوعي لاني منهاره قسم بالله صار لي يومين مطلعت من غرفتي .

>>>>> ردود الأعضـــــــــــــــــــاء على الموضوع <<<<<
==================================


احس شخصيتك قريبه مني وانا كمان عقدوني بطولي لاني قصيره وهما اطول مني تعبتتتتت نفسيتي والله كاني انا اللي خلقت نفسي ناس ماتفهم مين اللي خلقنا وغير كذا بعضهم يستغربو اني بالجامعه يقلون نفكرك بالثانوي انا عندي لكي نصيحه حاولي انك تظهري شي تثبتي فيه نفسك مثل اي موهبه عندك
والله ياختي مافي زي الثقققه بالنفس اسالي مجرب اتمنى افدتك


__________________________________________________ __________

امممممممممممممممممممممممممممممممك *.*
والله لو انتي راضية عن شكلج وتشوفي نفسج حلوة محد بيتجرأ يقول كلمة
بس هم شايفين وحاسين بأنج مب واثقة من نفسج عشان جيه يضايقونج بتصرفاتهم وكلامهم
الحل بإنج تكوني واثقة من نفسج هذا اولا
وثانيا تقدرين تروحي ع الصالون او مركز تجميل
غيري لوك واهتمي اكثر بنفسج سوي تنظيف لبشرة الويه واكيد عندهم حل لمشكلة الشعر
وخلي يوم بااشهر تروحين لهم والله نفسيتج بتتغير بس انتي جربي
وبالنسبة للملابس خلي وحدة من خواتج اللي ذوقها حلو تروح وياج على السوق وتختار لج اللي يناسبج
واذا ما بغيتي حد من خواتج روحي مع صديقاتج
الله يسعدج و يرزقج بالزوج الصالح
موفقة

استغفر الله العظيم الذي لا إله إلا هو الحي القيوم و اتوب اليه


__________________________________________________ __________

ارضي بقدرك واقري سورة البقره يوميا وعليك بالاستغفار


__________________________________________________ __________

حبيبتي اريد ان اصارحك بامر فتحمليني

ان اغلب مشكلتك نابعة من ذاتك قبل ان تكون مشكلة خارجية وسببها الاخرون وحلها بيدك انت قبل ان تكون بيد غيرك

كيف ؟

اولا انت تقولين بانك متدينة ،، تقضين وقتك في العبادات وتتجنبين المحرمات اذا انت قريبة من القوي وهو الله ولذا فانني استغرب ضعفك وانهيارك فكيف يصح ذلك ؟؟؟؟،، كيف لمن يكون مع القوي يؤمن بان كل شي من عنده ،، جمال،،رزق وزواج وامور اخرى كثيرة ثم يفعل ما يناقض ذلك؟؟
انت نفسك قلت انه لا ذنب لي في انك لم تخلقي جميلة ،، لانه الله هو الذي خلقك على هذه الهيئة ،، اذا اقبلي بما اعطاك الله ترضي وان كنت اشك بموضوع قلة جمالك فكما ادركت من كلامك اظنه ضعف الثقة بالنفس والاستسلام لكلام الاخرين

ثانيا ربط الجمال بالزواج ،، الامر ليس مطلق حبيبتي ،، فالزواج مكتوب عند الله قبل بدء الخليقة،، فلانة لفلان وهو رزق ليس شرط ان يكون مرتبط بالجمال ،، وهنا ادعوك لكي تنظري حولك الى قريبات لك او بعيدات عنك ممن لم يتزوجن وبلغ عمرهن ما بلغ عمرك ،،، هل جميعهن غير جميلات ؟؟؟؟ اذا نظرنا الي الواقع وانا انظر مثلك ،، لوجدت بنات قمة في الجمال ولكن لم يطرق بابهن خاطب واحد،،،، وفي الاتجاه الاخر ،، ادعوك لأن تمعني النظر في وجوه المتزوجات حولك،، هل جميعهن جميلات ،، فوالله احيانا اشاهد متزوجات فاعجب واقول سبحان الله كيف حصل النصيب؟؟؟ ربما لو كنت رجلا فلن افكر يوما بالاقتران بهذه الفتاة،،،، ولكن هو النصيب والقضاء والقدر الذي نقبله وواجب علينا ذلك حتى لو لم يستوعبه عقلنا القاصر احيانا

ثالثا : انت الان عمرك 29 سنة ،، اريد ان اسألك سؤال واحد ،، هل في يوم من الايام عرفت ما سيحدث في الغد؟؟؟هل عرفت ان غدا مثلا سيمرض فلان؟؟ سيموت فلان؟ ساقابل فلانة صديقتي في السوق صدفة؟ هل استطعت يوما ان تتنبأي بما سيحدث معك في اليوم التالي ؟؟؟ طبعا لا ،، فما يدريك ماذا سيحدث لك غدا؟؟ وما يدريك ما هو قدر الله لك ؟؟ وما يدريك ما يخبأه الكريم لك؟؟ هل تشكين في كرم الله؟؟ وهل تتوقعين حدود لكرمه؟؟؟ لو قيل لك بان الله سيرزقك شاب ليس كمثله في الارض ؟؟ هل تظنين ان هذا بعيد على الله ؟؟؟ كيف وهو بيده مفاتح كل شيء ،، هو صاحب الخزائن ،، هو صاحب الرزق ،، بيده كل شيء وهو على كل شيء قدير

رابعا شكلك ومظهرك وانتقاد الاخرين لك ،، امره سهل ،، انت الان تتصفحين النت وتتصفحين هذا المنتدى ،، وفي هذه المنتدى قسم للجماليات ،، ادخلي وثقفي نفسك حبيتبي ،، تعلمي منه كيف تهتمين ببشترك ،، كيف تحافظين على شعرك وتجملنيه ،، شعرك اجعد ،، الان هناك بنات شعرهن ناعم ويجعدنه ،، تعلمين تنسقين ملابسك ،، كيف وكيف ،، اهتمي بنفسك اكثر فما الذي يمنعك

خامسا عليك بالثقافة اختي ،، اقرأي في كافة العلوم وليس في علوم الدين فقط ،، لماذا؟؟ حتى تستطيعين الدخول في كل انواع النقاشات بثقة ،، فان لم تستطيعي لفت نظر الناس بمظهرك تستطيعين لفت نظرهم بعقلك

اياك ثم اياك ان تجعلين الناس ،، يقررون ما انت ،، كوني انت المقررة وعززي ثقتك بنفسك وافتخري بانك خلق الله المبدع ،،


__________________________________________________ __________

عفا يا صاحبه الموضوع بس انتي تحكي عن امور قادره تغيريها بحالك مثلا الشعر الجعدي له حل التمليس لمده سنه يقعد ناعم وجذاب اولا .تانيا اذا كنتي نحيفه جدا تقدري تسجلي بنادي للتسمين وعمل برنامج تسمين.ثالثا انتي شكلك مقتدره ماديا سجلي بمراكز الاعتناء بالبشره ورابعا عشين اللبس تقدري تستشيري صديقاتك او حتى ادخلي وشوفي على النت كيف تنسقي الملابس ,واهم اشي اعيدي ثقتك بنفسك ولا تسمحي لاحد يهينك وهين خلقه الله فنحن في مشتمعاتنا نحب ان نحط من قدر الي امامنا فهيا طبيعه من طبيعه النساء ,ادعوا الله ان يزينكي بجمال الروح والقلب