عنوان الموضوع : حرمت ابوي وخواتي الطبيب يجيب
مقدم من طرف منتديات نساء الجزائر

حرمت ابوي وخواتي



بالخير وشلونكن

بدخل على طول بالموضوع حنا 6 بنات ابوي تزوج على امي عشان امي ام البنات وهو يبي عيال عشان كذا خذا عليه مع انه امي بحياته مقصرت معه بشي وبعدين هي مو بيدها تجيب الولد تحديد الجنس من الذكر مو الحرمه المهم تزوج وحده مطلقه واخذها قبل سنه قسم بيوم العرس امي كانت منهاره حيل بس ماطلبت الطلاق تقول مابي حرمت الاب تتحكم فيكن ابي اتحمل عشانكن وتحملت وجلست عند ابوي عشان حرمت ابوي ماتلانى المهم بدايه زواج كانت تعاملنا كويس وحليله معانا بعد زواج 3 اشهر تغيرت ميه وثمانين درجه صارت عوبا حيل وتحكم بكل شي حتى الطبخ الغسيل حتى حنا في لي اختين يدرسن بالثانوي تقول لابوي اذا خلصن ثانوي جلسهن بالبيت مافي جامعه تقنع ابوي انه يفصلنا شفتو وين وصلت به الحقاره والحين هي حامل ماتشتغل خير شي كل الشغل امي وحنا نسويه لاقلنا لابوي نبيها تشتغل يهاوشنا يقول متشوفنها يالله تشيل نفسه وهذيك المره انا كنت بالجامعه وخواتي بالمدرسه كلهن مابقى الا امي وهي قسم جينا للبيت لقيت امي بغرفته تبكي اول مادخلت الغرفه وانا انصدم لقيت كل الغرفه مقلوبه فوق تحت السرير والملابس كلها مرميه بالارض قلت لمي من سوا كذا قلت مرت ابوك وروح انا وخواتي وتلينها مع شعرها وسطرنها تسطير صياحها وصل لشارع وجاء ابوي من الدوام يركض وضربنا انا وخواتي عشانها تصدقون ؟
تصدقون ابوي انا اول مره بحياته يمد ايده انا ماني مستوعبه للحين ظربني عشانها مع انها هي الغلطانه وخواتي انقهرو حيل وحلفو اذا راح ابوي لدوام الا يسقطن الجنين اللي في بطنها انا طبعا حاولت اقنعهم وذا درا ابوي وربي يذبحنا قالن عادي خل يذبحنا اهم شي نحرق قلبها مثل ماحرقت قلب امي وش اسوي انا ترا مليت من التفكير
صارت تتحكم في امي اذا امي العصر تبي تسير عند حريم الحاره تروح تقول لابوي لاتخليها تتطلع ويجي ابوي يرفض يخلي امي تطلع وهي تروح اي مكان تبي امانه مو قهر
هو مدللها انها حامل يارب تجيب بنت عشان تنقهر الحين يناديها ابوي ام فيصل وهي مستانسه
وش اسوي به قسم جاي على بالي اخذ سكين واقزه بنص بطنه هاللي ماتستحي وتلبس لبس عاري وتتمشى بالبيت حنا يالبنات نستحي نشوف لبسها قسم ماتستحي قليله حيا وش اسوي به كل يوم هواش ونجره
انا من الطفش بالبيت 24 ساعه على الواتس اب شسوي هو الوحيد اللي يونسني راحت قالت لابوي شوف بنتك من تكلم ليلها ونهارها جواله على عيونه ماتنزله وجاء ابوي اخذ جوالي انا وخواتي وحطاهم في غرفته امانه مو قهر وربي وربي انا حالفه اني الا اوريها نجوم الظهر مثل ماحرقت قلبي حتى طبخ صرت اتناوب كل يوم وحده طبخ من خواتي عشان امي مريضه ماتقدر تشتغل وهاذي حضرت جنابه بس تاكل وتنام بحجه انها حامل عساها ماتقوم الحين ابي جوالي شلون اخذه ؟
قسم استحي اروح جامعه خوياتي يقولن وين جوالك وش اقول ؟
والحين صارت تناشبنا على طلعه والدخله حتى مره جو صديقاتي جلست عندنا وتسولف معهن انا انصدمت قدام العالم تسوي نفسها ملاك وتخاف علينا حيل ولا راحو العالم يطلع وجهها الثاني
مره جت امها تسير علينا قالت لاختي سوي شاي وقهوه راحت اختي سوت وانا انقهرت قلت ليه هي ماتسوي ورحت كبت شاي وقهوه بالمغسله قالت ليه قلت فسري على كميماتك وسوي حنا محنا شغالاتك لالك ولا للي خلفوك قالت انا اوريك وراحت تصيح باعلى صوتها تقول ياويلي جاء ابوي يركض قالت شوف بناتك ظربني على بطني يمكن ينزلن الوغد صدق ابوي وجاء مجاوب وظربنا بعقال انا اقهرت ويوم جت امها واخلاتها يسيرون فضحتها فضيحه وطردت امها من البيت هي واللي معه وماخليت كلمه ماقلته عليهم من حرقه قلبي ادري انه غلط بس ان لم تكن ذئبا اكلتك الذئاب لازم ادافع عن نفسي عشان تخاف مني بعدين وتسوي لي الف حسااب راحت قالت لابوي اني طردت امها وقلت ايه طردتها لانهم مايستحون هزئني وخلها تسكت

الحين ابي كفيا شرها وش اسوي معاها انا مابيها تدخل بحياتي كيف استرجع جوالي وكيف مابيها تغلط على امي وخواتي وابيها هي اللي تطبخ وتشتغل مو حنا خدامات عندها وش اسوي خواتي حالفات انهن ينزلن وغدها بس امي حلفت قالت اذا سويتن شي ماتلومن الا نفسكن انا وش اسوي معاها صارت تحرض ابوي انه يفصلن من جامعه تقول من يطبخ الغدا البنات بدوام وجاني ابوي يقول بفصلك لمن حرمتي تولد بعدها ارجعك لان مافي احد يطبخ قلت تعقب انا ماني شغاله عندها والحين خايفه ابوي يفصلن الحين اللي يطبخ الغدا امي مع انه تعبانه مانعها الدكتور انها تطبخ

امي مسكينه متعرف تاخذ حقها اي شي تقوله مرت ابوي امي تقول حاضر حنا ننقهر من امي حاولنا نغيرها بس مقدرنا دايم تسمعنا كلام مثل السب وتكلم على شرفنا عاد نجي نبي نكفخها امي تحلف علينا تقول خلها وتولي تنبح وتسكت مانبي مشاكل نبي كفيا شره



والحين انصحوني وش اسوي معاها قسم احيانا افكر اذبحها من القهر
اداره تكفون نزلو الموضوع طلبتكم نزلوووه ومشكورين

>>>>> ردود الأعضـــــــــــــــــــاء على الموضوع <<<<<
==================================


والله اعجز عن التعبير وماادري كيف اواسيك ولكن زي مايقولون العين بصيره واليد قصيره ومالك حل يااوخيتي الا الانسحاب من مناقشة او التفاهم مع هذا النوع من البشر وكل اللي عليك انك ترفعين شكواك لسامع الشكوى وعالم النجوى وان تفوضين امرك لله عز وجل وان تتوكلين عليه ( حق التوكل ) اعزمي في المساله واقوي علاقتك مع القوي الجبار واكثري من الاستغفار بنية حل ازمتك وانفراج همك وستجدين من الله مايرضيك واكثري من لاحول ولاقوة الا بالله وسينصركم الله عليها


__________________________________________________ __________

ياعمري لبئ قلبك اقسم بالله انا انقهرت وانا مالي دخل لكن لا تتعرضون لجنينهأ وبرو بابوكم وهي ابد زي ماتعاملكم عاملوها اعطوها العين الحمراء وانتي وامك وخواتك بس قولو دايما حسبي الله ونعم الوكيل عشان ربي ينصركم. الله يحفظلكم امكم ويهدي ابوكم وتتخلصون من زوجه ابوكم


__________________________________________________ __________


آآه يالغلا انا وانا اقرا احترق قلبي عليكم
مالومك ان ارتفع ضغطك علشان اميمتك
كل شوي اطلع وادخل لكن ماقدرت لازم ارد عليك
..

شوفي فكرت كثير
هنــــــــــــــــــــــــــــــــــــــــــــا
نحتاج بعض الحيل لو تجمعين خواتك يقرون كلامي

((ركزي))
شوفي حبيبتي ليش ماتقلبون اللعبه عليها
لان يالغلا الحمل الاول قد يتعرض لمشاكل ويمكن تنسبه لكم من كثر الطق
ويمكن الله اعلم دام انها ماخافت على جنينها هواش معكم الله اعلم تبيكم تتعدون علشان يطيح
فيطردكم ابوكم من البيت فتستقر لحالها والحمل بيجي مره ثانيه.. ركزي معي

خلينا نستخدم ذكائنا
- عند ابوكم امدحوها ولو بحضورها ادري صعبه اي لكن تحمل قولي الله يخليها لنا وعرفت يبوي تختار
انفخي ابوكم حتى لو هي مو موجوده استغلن وامدحن انفخوها بالهواء قولي حنا محمسات يجي اخونا وكذا
لان مع كثر مدحكن لها وتجي تقوله طقوني بيصير تررد عنده وبيشك بكلامها
- وقولي لابوك يابوي جيب خدامه حنا مشغولات واتوقع انه يقدر دامه جايب حرمه
وانتن استغلن انكن الطرف الرابح يعني 6 ماشاء الله مقابل وحده
بس ذيك تستخدم الطرف القوي ابوكم فابيكم تاخذونه لكم
بالكلام والدلع والخ واذا قال شي قول ابشر من عيوني ذي لذي ((ولعلمك لو ابوك يضربك لازم تبرين فيه غصب ياحبيبتي )) واحتسبيها لله
- وبكذا سون اكلكن لحالكن واذا تبي تصب لنفسها خلن لك عالمكن وانتبهن تنرفزكم علشان والله اعلم تبي تطلعكم من البيت وتتهنا فيه الله يهديها وييكفيكم شرها
- واذا قال ابوك بطلعك من الجامعه قولي فديتك لاتطلعي لكن الغداء يتدبر علطول لما نجي الظهر نكبسه بسيطه
انتي هدي بالك وباذن الله تنحل الامور
- واذا عصب عليكن قول يايبه من كان لها بنات واحسن اليهن كن له حجاب عن النار
حنا حجابك وسترك عن النار وبهدوء طبعا وافتخري بخواتك وبنفسك انكن رحمه لاهلك

هذا الي حاولت اقوله لك ...يبي لها طوله بال وباذن الله يفرجها ربي
وتذهب عنكم لبيت لحالها
وادفعوا اذاها عنكم بالتي هي احسن لاتضربونها
وحرام الطفل تقربون له تقتلون نفس وهذا عظيم

موفقين


__________________________________________________ __________

لا تنطينها مرادها وتبينيلها عصبيتج وانفعالج
تصرفي كانو هي مو موجودة
واذا غلطت بحقكم لا تردون الغلط بغلط لان هالشيء اسوء وهي الي تريد تشعل الحرب
فلا تعطوها الشي الي هي تريده
عاملوها زين واستحملوها وهي راح تظل على طبيعتها عالاقل سنة
وبعدها يا تتغير يا ما يفيدج لكن بهالطريقة تكونين سويتي الى عليج
وابعدتي غضب والدتج وربج اولا عنج
ولذلك بعدي نفسج عن هالمشاكل وعن هالمرا لانها تريد تسبب خراب بيتكم وهو هذا هدفها
اما الولد فحرام عليكم مو ذنبه ان هذي امه
تحملوا واصبروا ان الله مع الصابرين
وجوالك كلها كم يوم ووالدج بيرجعة مستحيل يبقيه عنده شبيسوي فيه يعني
ربي يوفقك ويخلصك من هالحية ويريحكم منها


__________________________________________________ __________

الله يفرجها يا اختي لك ودوما كررو حسبي الله ونعم الوكيل